Fréttablaðið - 27.04.2012, Blaðsíða 21

| FÓLK| 3MATUR
Það örvar matarlyst barna að gefa þeim tækifæri til að útbúa matinn sinn sjálf og eykur líkurnar á að þau
smakki óð og uppvæg ný og framandi
hráefni. Þannig er pitsugerð heima í eld-
húsi spennandi upplifun fyrir bragðlauka
allra í fjölskyldunni og kærkomið ævin-
týri fyrir sköpunarkraft barna.
Oftar en ekki koma börn hinum full-
orðnu á óvart þegar þau galdra fram
fagurskreyttar pitsur þar sem skinka,
paprika, ananas, ólífur og fleira gómsætt
verða sem litapensill í höndum þeirra. Á
sama tíma verður forvitnilegt að smakka
ansjósur, þistilhjörtu eða gráðaost og
útkoman ein dásemdar minning um
ókomna tíð. Gerum börnum okkar því
glaðan dag í eldhúsinu heima og leyfum
litlum höndum að sjá um pitsugerðina í
kvöld. Það er öruggt mál að vandað verð-
ur til verksins og að bitinn verður dísæt
upplifun fyrir alla sem að borðinu koma.
■ þlg
BARNSLEGA SÆT-
IR PITSUGALDRAR
SKAPANDI MATARGERÐ Það er hátíðarstund í eld-
húsinu þegar börn fá frjálsar hendur við pitsugerð.
Slíkur sælkeramatur gleður bæði sál og svanga maga.
HAMINGJUSTUND Ósvikinn áhugi, gleði og nostursemi skín úr andlitum barna við
pitsugerð, enda sjá þau hráefnið sem upplagt myndefni til að skapa úr. Ekki skemmir
fyrir að borða má gómsætt listaverkið á eftir. NORDIC PHOTOS/GETTY
FAGUR FISKUR ÚR OFNI Til-
breyting frá hefðbundnu, hring-
laga pitsuformi er skemmti-
leg og hægt að skera út öll
heimsins undur í pitsudeig,
eins og þennan girnilega fisk.
Þá er beinlínis aðkallandi fyrir
káta krakka að gera fiskinn sem
skrautlegastan og smakka á
litríku góðgætinu.
NORDIC PHOTOS/GETTY
Íslendingum hefur lengi fundist gott að fá sér pitsu og mörgum finnst þægilegt að koma við á pitsustað og grípa með sér eina rjúkandi heita á leiðinni heim. Eins og flestir vita er pitsan
sett í pitsukassa en þeir eru búnir til úr bylgjupappa sem er
endurvinnanlegur. Honum má skila í bláa grenndargáma Sorpu
sem eru staðsettir á um 80 grenndarstöðvum á höfuðborgar-
svæðinu.
„Við erum nýbúin að útvíkka bláa grenndargáminn okkar
og nú má setja smáar bylgjupappaumbúðir eins og dagblöð,
tímarit og pitsukassa í hann. Þannig að íbúum er velkomið að
skila pitsukössunum sínum þangað,“ segir Ragna Halldórsdóttir,
deildarstjóri markaðs- og fræðsludeildar hjá Sorpu. Ragna leggur
áherslu á að matarleifar ættu ekki að vera í pitsukössunum. „Fitu-
brákin af pitsunni er í lagi en sneiðar eða skorpuafganga verður
að losa. Ef matarleifarnar fylgja með menga þær endurvinnslufar-
veginn. Allir aðskotahlutir í endurvinnslufarvegi eru óæskilegir
þannig að við ítrekum við íbúa að kassarnir séu tómir.“
Ragna gerði fyrir nokkrum árum óformlega könn-
un á því hversu mikill fjöldi pitsukassa er í umferð á
einu ári og fékk þær upplýsingar að þeir væru allt að
fjórar milljónir.
„Við áætluðum þennan fjölda út frá tölum sem við
fengum frá pitsustöðum og Kassagerðinni. Þetta eru
þó nokkurra ára gamlar tölur og ég get ekki sagt til um
hvort þær hafa hækkað eða lækkað.“ Ragna segir að þau
séu ekki með neinar tölur um það hversu mörgum af
öllum þessum pitsukössum eða bylgjupappa almennt er
skilað í endurvinnslu.
Allar bylgjupappaumbúðir eru sterkar og góðar og
trefjarnar í pappanum eru sérstaklega sterkar þannig
að það má endurvinna hann allt að sjö sinnum. Allur
bylgjupappi sem er sendur frá Sorpu fer til endur-
vinnslufyrirtækis í Svíþjóð þar sem búnar eru til nýjar
umbúðir úr honum.
PITSUKASSAR VELKOMNIR Í GRENNDARGÁMA
MIKIÐ BORÐAÐ Fjórar milljónir pitsukassa eru í umferð á hverju ári á Íslandi.