Fréttablaðið - 27.04.2012, Blaðsíða 44

27. apríl 2012 FÖSTUDAGUR24 24
menning@frettabladid.is
Svar við bréfi Helgu, leik-
gerð samnefndrar metsölu-
bókar Bergsveins Birgis-
sonar, verður frumsýnd í
Borgarleikhúsinu í kvöld.
Ólafur Egilsson segir verk-
ið fela í sér dramatíska bar-
áttu sem höfði til hjartans.
„Ég sá kannski ekki leikritið strax
þegar ég las bókina, en ég fann að
mig langaði til að færa þessa sögu
á svið,“ segir Ólafur Egilsson, höf-
undur leikgerðar bókarinnar Svars
við bréfi Helgu sem frumsýnd
verður í Borgarleikhúsinu í kvöld.
Ólafur las bókina þegar hún kom
út fyrir jól í hittiðfyrra og færði
það í tal við Magnús Geir Þórðar-
son leikhússtjóra að færa verkið
upp á fjalirnar. „Hann hafði líka
lesið bókina og leist vel á, svo úr
varð að ég hafði samband við Berg-
svein og bar undir hann drög að
leikgerðinni. Hann lét til leiðast og
ég hef legið yfir þessu allt síðast-
liðið ár. Nú á bara eftir að koma í
ljós hvernig til hefur tekist.“
Svar við bréfi Helgu er þriðja
skáldsaga Bergsveins Birgisson-
ar og sló óvænt í gegn þegar hún
kom út hjá Bjarti fyrir jólin í hitti-
fyrra. Hún hlaut einróma lof útgef-
enda og seldist í hátt í tíu þúsund
eintökum.
Verkið fjallar um Bjarna, sem
skrifar bréf til konunnar sem
honum bauðst að fylgja til borgar-
innar forðum, og veltir fyrir sér
hvort hann hafi gert rétt að taka
jörðina fram yfir ástina. Minn-
ingar úr sveitinni, vangaveltur um
lífið og tilveruna og rammíslenskt
fólk fléttast inn í safaríkar frá-
sagnir af því sem hann kallar
fengitíð lífs síns.
Ólafur segir það liggja misvel
fyrir bókum að verða færðar
upp á svið. Frásagnarform bókar
Bergsveins og sérstakt tungutak
hafi bent til að það yrði ekki auð-
sótt að laga söguna að sviðinu.
„En það er annað sem kallar á
mann í bókinni og er dramatískt
í eðli sínu: það birtist í henni svo
skýr barátta, sem hefur sterka
sammannlega skírskotun og höfðar
til hjartans. Það er verið að takast
á við spurningar sem við veltum
eilíflega fyrir okkur; hvað ef við
hefðum breytt öðruvísi og hvort
það sé orðið of seint að snúa við.
En sagan fjallar ekki síður um
hvernig það er að búa í fámenni,
átthagafjötrana og hina römmu
taug til heimaslóðanna; tilfinningar
sem allir Íslendingar ættu að geta
tengt við.“ bergsteinn@frettabladid.is
Spurningar sem við
veltum eilíflega fyrir okkur
www.tskoli.is
Uppskerudagur
Opið hús í Tækniskólanum, skóla atvinnulífsins,
laugardaginn 28. apríl kl. 13:00 – 16:00.
ÚR SVARI VIÐ BRÉFI HELGU Sigrún Edda Björnsdóttir, Ilmur Kristjánsdóttir og Þröstur Leó Gunnarsson í hlutverkum sínum. Sagan
segir frá tímabili í lífi bóndans Bjarna, þegar hann fellur fyrir húsfreyjunni á næsta bæ.
SVAR VIÐ BRÉFI HELGU
Höfundur: Bergsveinn Birgisson
Leikgerð: Ólafur Egill Egilsson
Leikstjórn: Kristín Eysteinsdóttir
Leikmynd: Snorri Freyr Hilmarsson
Búningar: Stefanía Adolfsdóttir
Lýsing: Björn Bergsteinn Guðmundsson
Tónlist: Frank Þórir Hall
Leikarar: Þröstur Leó Gunnarsson,
Ilmur Kristjánsdóttir, Sigrún Edda Björnsdóttir,
Ellert A. Ingimundarson og Gunnar Hansson.
FRAMHALDSLÍF CHARLOTTE Vegna fjölda áskorana verða tvær aukasýningar í Þetta er lífið – og
om lidt er kaffen klar!, söngsýningu Charlotte Bøving i Iðnó í maí. Charlotte var tilnefnd til Grímuverðlauna
sem besta söngkonan fyrir frammistöðu í verkinu. Aukasýningarnar verða í Iðnó 17. og 20. maí.
Úskriftarsýning nemenda á
listnámsbraut Borgarholts-
skóla var opnuð í Brimhúsinu
við Reykjavíkurhöfn í gær.
Á sýningunni eru verk eftir
nemendur sem hafa sérhæft
sig í prent- og skjámiðlun og
sýna meðal annars ljósmynda-
verk, skjáverk, vefsíður og
þrívíddarverk.
Útskriftarsýning í Brimi
ÚTSKRIFTARSÝNING Sýnd eru meðal annars ljósmyndaverk, skjáverk, vefsíður og
þrívíddarverk.