Fréttablaðið - 04.05.2012, Qupperneq 2

4. maí 2012 FÖSTUDAGUR2
Magnús, endar þetta í víta-
spyrnukeppni?
„Nei, nei, við klárum þetta á níutíu
mínútum.“
Magnús Már Einarsson er ritstjóri fotbolti.
net sem í samkeppni við vefsíðuna
443.is býður lesendum að taka þátt í
sýndarkeppni á netinu þar sem efsta
deild karla hér á landi í sumar verður
vettvangur atburðanna.
BRUNI „Við tæmum yfirleitt svona
hús en þarna er leigusamningur í
gildi þannig að við getum í rauninni
ekki tæmt það,“ segir Magnús
Steinþór Pálmarsson, talsmaður
eignaumsýslufélagsins Dróma,
um ósamþykkt íbúðarhúsnæði að
Vestur vör 27 í Kópavogi, þar sem
eldur kom upp í fyrrinótt.
Tilkynnt var um eld í húsinu á
þriðja tímanum í fyrrinótt og gekk
greiðlega að slökkva hann. Engu
að síður voru fjórir fluttir á slysa-
deild til skoðunar. Alls eru fjöru-
tíu manns skráðir til heimilis í
húsaþyrpingunni að Vesturvör 27.
Jón Viðar Matthíasson, slökkvi-
liðsstjóri á höfuðborgarsvæðinu,
sagði í fjölmiðlum í gær að til
greina hefði komið að loka húsinu
fyrir nokkrum misserum en það
hefði þó ekki þótt nógu hættulegt
til að orðið hafi af því.
Magnús segir að erfitt geti verið
að losa húsnæði þegar fólk er með
leigusamning. Samningarnir séu
þó að renna út. „Okkar stefna er
að tæma allt svona húsnæði, sem
telst ekki vera mannabústaðir. Við
stundum ekki að leigja út iðnaðar-
húsnæði undir heimilishald,“ segir
hann. Engu að síður geti tekið tíma
að rýma húsnæðið ef leigjendurnir
fara ekki. Þá þurfi útburð og hann
geti tekið marga mánuði.
Björn Karlsson, forstjóri Mann-
virkjastofnunar, segir stjórnvöld
lengi hafa glímt við þau vandamál
sem fylgja ósamþykktu íbúðar-
húsnæði. Þau séu hins vegar
marg flókin og torleyst og tengist
mörgum málaflokkum. Þá geti slíkt
húsnæði verið mjög mishættulegt.
Almennt hafi það verið stefnan að
henda fólki ekki út á gaddinn. - sh
Fjórir fluttir á slysadeild eftir að eldur kom upp í ósamþykktu íbúðarhúsnæði í eigu Dróma:
Erfitt að tæma ósamþykkta brunahúsið
SLUPPU VEL Fjórir íbúar hússins við
Vesturvör voru fluttir á sjúkrahús eftir að
eldur kom upp í fyrrinótt.
BANDARÍKIN, AP Hryðjuverkaleið-
toginn Osama bin Laden kvartaði
undan samstöðuleysi og sam-
skiptaerfiðleik-
um í al-Kaída
í bréfum sem
hann skrifaði
síðustu árin
meðan hann
var í felum í
Pakistan.
Þessi bréf
fundust eftir
að bandarískir
sérsveitarmenn réðu bin Laden af
dögum fyrir ári í bænum Obotta-
bad í Pakistan. Þau hafa nú verið
birt á vef miðstöðvar hryðju-
verkarannsókna, sem rekin er
í tengslum við herskóla Banda-
ríkjahers í West Point.
Í skjölunum kemur meðal
annars ýmislegt fram um
starfsemi al-Kaída. - gb
Skjöl og bréf bin Ladens birt:
Einangraðist í
einangruninni
OSAMA BIN LADEN
ÖRYGGISMÁL Um 820 skip og bátar
voru í ferilvöktunarkerfi Land-
helgisgæslunnar um hádegið í
gær, en eins og kunnugt er hafa
á fimmta hundrað smábátar
hafið strandveiðar. Af því til-
efni sendi Gæslan frá sér frétta-
tilkynningu þar sem sjómenn
eru hvattir til að hlusta á rás
16, neyðar- og uppkallsrás, sem
þeim ber skylda til að hafa opna
þegar róið er á sjó.
Mörg tilfelli hafa komið upp
síðastliðna sólarhringa þar
sem erfitt hefur verið að ná í
sjómenn á strandveiðum. All-
nokkur atvik hafa komið upp
þar sem nærstaddir bátar hafa
verið kallaðir til aðstoðar sem
Gæslan telur jákvætt enda auki
það öryggi til muna að bátarnir
haldi að hluta til hópinn á meðan
á veiðum stendur. - shá
Álag í kjölfar strandveiða:
Sjómenn hlusti
á neyðarrás
KÍNA, AP Bandarísk stjórnvöld virðast ekki hafa
áttað sig á að kínverski andófsmaðurinn Chen
Guangcheng hafi yfirgefið sendiráð Bandaríkjanna
í Peking nauðugur viljugur, af ótta við öryggi fjöl-
skyldu sinnar.
Gary Locke, sendiherra Bandaríkjanna í Kína,
fylgdi Chen á sjúkrahús á miðvikudaginn eftir að
hann hafði dvalist sex daga í sendiráðinu. Aðeins
fáeinum klukkustundum síðar sagði Chen við blaða-
menn að hann vildi komast úr landi með fjölskyldu
sinni.
„Við þurfum að ráðgast við þau áfram til að fá
betri tilfinningu fyrir því hvað þau vilja gera og
hvaða möguleika þau telja sig hafa,“ sagði Victoria
Nuland, talsmaður bandaríska utanríkisráðu-
neytisins.
Bandaríkjamenn segjast ætla að fylgja mál-
inu eftir, en óvíst þykir að Kínverjar hafi nokkurn
áhuga á frekari samningaviðræðum um örlög
Chens. Þeir brugðust ókvæða við þegar fréttist að
Chen hefði flúið úr stofufangelsi og fengið inni í
bandaríska sendiráðinu.
Locke sendiherra sagði upphaflega að Chen hefði
fengið fullvissu fyrir því að hann yrði ekki aftur
sendur til heimabæjar síns, heldur fengi hann að
dvelja á öruggum stað í Kína ásamt fjölskyldu sinni
og gæti lagt þar stund á háskólanám. - gb
Bandarísk stjórnvöld segjast ætla að gæta hagsmuna Chens áfram:
Óvíst um samningsvilja Kína
Á SJÚKRAHÚSINU Í PEKING Chen hitti aftur fjölskyldu sína á
miðvikudag eftir sex daga dvöl í bandaríska sendiráðinu.
NORDICPHOTOS/AFP
KOSNINGAR Sýslumenn um land
allt geta hafið atkvæðagreiðslu
utan kjörfundar vegna komandi
forsetakosninga frá og með
morgundeginum.
Í tilkynningu frá innanríkis-
ráðuneytinu segir að kjörgögn
hafi verið send sýslumönnum
og utanríkisráðuneytinu vegna
kosninganna.
Atkvæðagreiðslur á sjúkra-
húsum, dvalar- og vist heimilum
og fangelsum mega þó ekki
fara fram fyrr en í fyrsta lagi
þremur vikum fyrir kjördag,
það er 9. júní. Atkvæðagreiðsla í
heimahúsum má hefjast fjórum
dögum fyrir kjördag, 26. júní.
- þj
Forsetakosningar að hefjast:
Kjörgögn send
til sýslumanna
SPURNING DAGSINS
11
-0
56
8
/
H
V
ÍT
A
H
Ú
SI
Ð
/
S
ÍA
ms.is
...hvert er
þitt eftirlæti?
...endilega fáið ykkur
Smámál frá MS hafa notið vinsælda hjá
stórum og smáum í fjölda ára. Þau fást
í tveimur gómsætum bragðtegundum,
karamellu og súkkulaði.
NÁTTÚRA Ástand íslenska laxa-
stofnsins er heilt yfir í ágætu lagi
varðandi smálaxa, en áhyggjur
eru af stórlaxi, einkum á Suður-
og Vesturlandi. Staða stofnsins
er góð samanborið við sambæri-
lega stofna í Evrópu og Norður-
Ameríku. Norðmenn hafa lokað
fyrir veiði í 124 ám af rúmlega 400.
Í Bandaríkjunum er öllum veiddum
laxi sleppt aftur enda er hann á
lista yfir dýr í útrýmingarhættu.
Þetta er meðal þess sem kom
fram í erindi Guðna Guðbergs-
sonar, sérfræðings hjá Veiðimála-
stofnun, á ársfundi stofnunarinnar
fyrir skemmstu.
Guðni sagði að veiði úr laxa-
stofnum heimsins á áttunda ára-
tugnum hafi skilað 12 þúsund
tonna afla. Síðan hefur veiði
snarminnkað og veiðin árið 2011
var um 1.600 tonn. Veiði hefur
minnkað á öllum svæðum en
hnignunin er mun meiri á suð-
lægum svæðum en þeirra sem
liggja norðar. Veiðin í sunnan-
verðri Evrópu er komin úr 4.500
tonnum niður í 500 tonn en í
norðan verðri Evrópu, Noregi,
Rússlandi og Finnlandi voru sam-
bærilegar tölur 2.500 tonn en er
núna um þúsund tonn. Veiði í stofn-
um í Kanada snarminnkaði og eins
í Banda ríkjunum þar sem litið
er á Atlants hafslax sem tegund
í útrýmingarhættu. Þar hefur
gríðar leg fiskirækt verið stunduð
um árabil og má í raun segja að
laxinn sé „í gjörgæslu“ þar í landi.
Það veiðifyrirkomulag að veiða
og sleppa laxi er umdeilt, en þó
færist þetta fyrirkomulag sífellt
í vöxt. Guðni birti tölur þar sem
fram kemur að í Bandaríkjunum
er öllum laxi sleppt, enda ástand
stofna skelfilegt. Rússar sleppa 80
til 85 prósentum af veiddum laxi
og 60 til 65 prósentum er sleppt
í Englandi og Wales. Írar sleppa
um 40 prósentum af sínum laxi
líkt og við Íslendingar. Norðmenn
sleppa hins vegar innan við tíunda
hverjum laxi.
Gjarnan er litið til Noregs til
að leita samanburðar við stöðu
íslenska laxastofnsins en þar í
landi hefur verið lokað fyrir veiði
í 124 ám af um 400, en íslenskar
ár eru um 120. Er talið að veiði-
réttarhafar tapi um 6,5 milljörðum
króna á ári vegna lokananna.
Veiðiréttarhafar kenna laxeldi
um en fiskeldismenn telja að
ástæðurnar séu fjölþættari.
Guðni vék að auknum áhuga
á laxeldi í sjó hér á landi og að
nauðsynlegt væri að taka tillit til
reynslu Norðmanna. Krafan sé að
engir laxar sleppi úr kvíum, en
það er óraunhæft enda sýna rann-
sóknir að minnst einn lax sleppur
út fyrir hvert tonn sem er alið.
svavar@frettabladid.is
Staða íslenska laxins
góð í alþjóðlegu tilliti
Íslenski laxastofninn stendur frekar vel. Af 400 laxám í Noregi hefur verið lokað
fyrir veiði í 124 ám. Vestanhafs er Atlantshafslax á lista yfir dýr í útrýmingar-
hættu. Mjög misjafnt er milli landa hversu miklu af veiddum laxi er sleppt.
STÓRLAXI SLEPPT Þórarinn Sigþórsson tannlæknir rennir 15 punda laxi aftur í hylinn.
MYND/STEFÁN SIGURÐSSON
Guðrún J. Halldórs dóttir,
fyrrverandi skólastjóri
Náms flokka Reykjavíkur og
alþingis-
maður fyrir
Kvenna-
listann, lést
miðviku-
daginn 2.
maí 77 ára
að aldri.
Foreldrar
hennar voru
hjónin Þor-
björg Jónsdóttir húsmóðir og
Halldór Jónsson trésmiður,
ættuð úr Húnavatnssýslu. Guð-
rún var ógift og barnlaus. Hún
átti tvö systkin, Elínborgu sem
er látin og Hannes sem lifir
systur sínar.
Guðrún hlaut margs konar
viðurkenningar fyrir störf sín,
hún var meðal annars sæmd
riddarakrossi Hinnar íslensku
fálkaorðu, hún fékk verðlaun
íslensku menntasamtakanna
og heiðursverðlaun Samfélags-
verðlauna Fréttablaðsins 2008.
Guðrún J. Hall-
dórsdóttir látin
af veiddum laxi
á stöng á Ís-
landi er sleppt
aftur. Öllum laxi er sleppt í
Bandaríkjunum.
40%