Fréttablaðið - 04.05.2012, Síða 50

4. maí 2012 FÖSTUDAGUR34
sport@frettabladid.is
KR-INGUM er nú spáð Íslandsmeistaratitlinum í þrettánda sinn frá því að þjálfarar, fyrirliðar og forráðamenn fóru að spá
fyrir sumarið árið 1985. KR-ingar hafa aðeins þrisvar sinnum náð að vinna titilinn þegar þeim hefur verið spáð honum eða
í einungis 25 prósent tilfella. KR-ingum hefur verið spáð titlinum tvöfalt oftar en næstu liðum sem eru Fram og FH. FH var
spáð titlinum í fyrra en sú spá rættist ekki. Sama var raunin árið á undan þegar KR var síðast spáð Íslandsmeistaratitlinum.
FÓTBOLTI Fréttablaðið spáir því að
sumarið hjá Val, ÍBV og Breiða-
bliki verði lítt spennandi. Þau
munu ekki verða í toppbaráttu og
ekki heldur í botnbaráttu.
Þau verða í þessu klassíska
miðjumoði samkvæmt spánni og
Willum Þór er því sammála.
8. sæti: Breiðablik
Blikarnir höndluðu það engan
veginn að spila sem handhafar
Íslandsmeistaratitilsins í fyrra.
Þeir hafa misst marga lykilmenn
frá meistaraárinu og Blikar hafa
ekki fyllt þau skörð sem skyldi.
Það kemur því í hlut þeirra stór-
efnilegu leikmanna að stíga upp.
„Það eru mikil gæði í þessu liði
og boltinn flýtur hvað best á milli
manna hjá Breiðabliki. Það er
munstur í þeirra leik og þeir vilja
færa boltann fram völlinn með
ákveðnum hætti,“ segir Willum
og bætir við að reynsluleysi liðsins
gæti átt eftir að reynast þeim
erfitt.
„Það vantar meiri styrk og
kraftmeiri leikmenn með hinum.
Ef þeir hefðu það gætu þeir barist
ofar á töflunni. Það vantar ekki
mikið upp á hjá þeim. Það er erfitt
að spila gegn þeim því þeir halda
boltanum vel en það er fullauðvelt
að refsa þeim.“
Leikmennirnir sem eru horfnir
á braut voru ekki bara lykilmenn
heldur líka leiðtogar.
„Þeir misstu mikinn leiðtoga í
Kára Ársæls. Guðmundur Krist-
jáns var maðurinn sem kom með
kraftinn í þeirra leik og svona
mætti áfram telja. Það munar
um minna og ekki hægt að fram-
leiða endalaust svona menn þó svo
að Blikar búi vel með unga leik-
menn. Það er allt annar bragur á
þeim inn í mótið núna en í fyrra,“
segir Willum.
„Þeir höndluðu engan veginn
pressuna í fyrra. Þeir eru veikari
núna en liðsheildin gæti verið
þéttari í ár enda allt önnur pressa.
Það verður auðveldara fyrir þá og
þeir eru reynslunni ríkari.“
7. sæti: ÍBV
Það skiptir alltaf máli að byrja vel
á Íslandsmóti og það verður ekki
auðvelt fyrir ÍBV enda Tryggvi
Guðmundsson, Andri Ólafsson
og Gunnar Már Guðmundsson
meiddir. Eyjamenn eru líka með
nýjan þjálfara en Magnús Gylfa-
son hefur tekið við starfinu af
Heimi Hallgrímssyni.
„Það er eitthvað sem segir
mér að ÍBV lendi strax í vand-
ræðum í fyrsta leik gegn Selfossi
sem er búið að bíða eftir þessum
leik örugglega í tvö ár. Tíma bilið
markast mikið af byrjuninni.
Það verður að byrja vel og það er
ekkert í spilunum sem segir manni
að ÍBV muni byrja vel án þessara
manna. Þessi forföll eru of mikil,“
segir Willum og hann segir nær
öruggt að ÍBV verði ekki í neinni
toppbaráttu í ár.
„Mér líst vel á Magnús í Eyjum.
Hann á góða sögu þar og virkaði
vel síðast. Fyrst að Heimir ákvað
að hætta fannst mér eðlilegt að
Maggi tæki við. Verkefnið verður
ekki auðvelt og líka erfitt að fylgja
á eftir Heimi sem var búinn að
vinna frábært starf.“
6. sæti: Valur
Enn eitt árið eru miklar manna-
breytingar hjá Valsmönnum.
Engar stórstjörnur hafa gengið til
liðs við Val og ekki að sjá að þeir
sem þangað eru komnir muni lyfta
liðinu í hæstu hæðir.
„Þeir hafa bætt við sig mönnum.
Lykilmennirnir eru Atli Sveinn og
Haukur. Spurning hvort Guðjón
Pétur verður kominn í fullt form
nógu tímanlega. Þeir eru með
ágætis breidd en ég á alveg eftir
að sjá að allir þessir strákar sem
komu úr 1. deildinni standist álagið
í efstu deild,“ segir Willum og hann
býst við að sóknar leikurinn verði
aftur höfuðverkur Vals.
„Atli Heimisson er athyglis-
verður leikmaður sem gæti skorað
mörk. Hörður Sveins var slakur í
fyrra en kann að skora mörk. Það
eru mörg spurningamerki í Vals-
liðinu. Vörnin verður þó í lagi og
erfitt að skora hjá þeim eins og
áður.“ henry@frettabladid.is
Svona verður miðjumoðið
Íþróttafréttamenn Fréttablaðsins og Vísis spá því að Valur, ÍBV og Breiðablik
muni sigla lygnan sjó í sumar. Willum Þór Þórsson, álitsgjafi Fréttablaðsins,
heldur áfram að rýna í liðin í Pepsi-deildinni sem hefst á sunnudag.
LYKILMENN Í MEIÐSLUM Eyjamenn verða að sætta sig við meðalmennsku í ár eftir
að hafa verið í toppbaráttu síðustu sumur samkvæmt spánni. Andri Ólafsson og
Tryggvi Guðmundsson spila ekki fyrstu leikina. FRÉTTABLAÐIÐ/ANTON
Spá Fréttablaðsins
1. ???
2. ???
3. ???
4. ???
5. ???
6. Valur
7. ÍBV
8. Breiðablik
9. Grindavík
10. Fylkir
11. Keflavík
12. Selfoss
í
s
er
helgarblaði Fréttablaðsin
Krakkasíðan
krakkar@frettabladid.is
Borðar yfir hundrað
banana á dag
Lilli api og vinir hans í
Brúðubílnum verða á
faraldsfæti í sumar.
N1-deild karla:
HK-FH 29-26
HK - Mörk (skot): Ólafur Víðir Ólafsson 6 (8),
Ólafur Bjarki Ragnarsson 6 (9), Tandri Már
Konráðsson 5 (9), Sigurjón Friðbjörn Björnsson 4
(6), Atli Ævar Ingólfsson 4 (7), Bjarki Már Elísson
3/1 (7/2), Bjarki Már Gunnarsson 1 (1).
Varin skot: Arnór Freyr Stefánsson 19/3 (32/6,
59%), Björn Ingi Friðþjófsson 2 (15/2, 13%),
Hraðaupphlaup: 7 ( Ólafur, Sigurjón, Atli 2, Bjarki
Elísson 2, Bjarki Már Gunnarsson )
Fiskuð víti: 2 ( Atli Ævar Ingólfsson 2, )
Utan vallar: 4 mínútur.
FH - Mörk (skot): Hjalti Þór Pálmason 8/5 (9/6),
Ólafur Gústafsson 5 (11), Ari Magnús Þorgeirsson
4 (5), Atli Rúnar Steinþórsson 4 (6/1), Örn Ingi
Bjarkason 3 (6), Andri Berg Haraldsson 2 (6/1).
Varin skot: Daníel Freyr Andrésson 18/1 (47/2,
38%),
Hraðaupphlaup: 5 (Hjalti, Ari 2, Örn, Andri Berg)
Fiskuð víti: 8 ( Ólafur, Ari, Örn 3, Andri, Ragnar,
Baldvin)
Utan vallar: 6 mínútur.
Spáin
Pepsi-deild karla:
1. KR 414 stig
2. FH 373
3. Fram 338
4. Stjarnan 317
5. Valur 257
6. ÍA 256
7. ÍBV 230
8. Breiðablik 198
9. Grindavík 128
10. Fylkir 113
11. Keflavík 107
12. Selfoss 77
Pepsi-deild kvenna:
1. Breiðablik 273 stig
2. Stjarnan 267
3. Valur 243
4. ÍBV 206
5. Þór/KA 161
6. Fylkir 160
7. FH 128
8. Afturelding 77
9. Selfoss 54
FÓTBOLTI KR og Breiðablik verða
Íslandsmeistarar í Pepsi-deildun-
um samkvæmt spá forráðamanna
liðanna sem birt var í gær.
Keflavík mun einnig falla í
karlaflokki samkvæmt spánni
en nýliðum ÍA er spáð um miðja
deild í Pepsi-deild karla. - hbg
Spá fyrirliða og forráðamanna:
KR og Blikar
verða meistarar
HRESSIR Þjálfarar liðanna í Pepsi-deild
karla. FRÉTTABLAÐIÐ/ERNIR
HANDBOLTI ÍR verður nýliði í N1-
deild karla næsta vetur og fékk
heldur betur liðsstyrk í gær
þegar silfurmennirnir Ingi-
mundur Ingimundarson og Sturla
Ásgeirsson skrifuðu báðir undir
tveggja ára samning við uppeldis-
félag sitt.
Þetta er mikill hvalreki fyrir
ÍR enda um að ræða tvo af bestu
leikmönnum N1-deildarinnar.
Þeir félagar vona að fleiri leik-
menn muni í kjölfarið ganga í
raðir ÍR.
„Okkur langaði alltaf að fara
heim. Þegar maður fór um átta
árum síðan var alltaf talað um að
koma aftur síðar og klára óklárað
verkefni,“ sagði Ingimundur en
þegar hann var síðast í ÍR náði
félagið að verða bikarmeistari og
komst nærri því að verða Íslands-
meistari.
„Þetta eru fyrstu skrefin í
þá átt að gera ÍR að Íslands-
meisturum. Það gerist kannski
ekki strax en tekst vonandi síðar.
Við Stulli ætlum að leggja okkar
af mörkum,“ sagði Ingimundur og
bætti við að líklega hefði ekkert
orðið af þessu nema þeir vinirnir
hefðu báðir ákveðið að fara heim.
„Okkur fannst þetta vera rétti
tímapunkturinn. Ræturnar eru
sterkar og ÍR er okkar félag.
Félagið togaði okkur heim enda
erum við stoltir ÍR-ingar. Við
erum grjótharðir 109- strákar,“
sagði Ingimundur léttur og
vitnaði þar í póstnúmerið.
Ingimundur er bjartsýnn á að
fleiri sterkir leikmenn komi nú til
liðs við félagið.
„Ég skora á aðra gamla ÍR-inga
að mæta á svæðið og aðrir eru
líka velkomnir. Planið er að fara
alla leið með þetta verkefni. Við
erum ekki að fara að vera í ein-
hverju dútli en góðir hlutir gerast
hægt.“ - hbg
Ingimundur og Sturla í ÍR:
Eigum óklárað
verkefni
KOMNIR HEIM Ingimundur og Sturla
kátir í Breiðholtinu í gær. FRÉTTABLAÐIÐ/ERNIR
HANDBOLTI HK-ingar héldu áfram
sigurgöngu sinni í úrslitakeppni
N1-deildarinnar og eru nú aðeins
einum sigri frá titlinum eftir
29-26 sigur á Íslandsmeisturum
FH í gær. HK er búið að vinna alla
fimm leiki sína í úrslitakeppninni.
Arnór Freyr Stefánsson átti frá-
bæra innkomu í mark HK-liðsins
og varði alls 19 skot eða 59 prósent
skota sem á hann komu. „Tilfinn-
ingin er frábær. Ég hef aldrei upp-
lifað annað eins að sjá alla Binna-
menn rauða í stúkunni. Þetta er
bara snilld,“ sagði Arnór kátur.
„Þeir kveiktu í mér því það
er ekki oft sem maður heyrir
stuðnings menn kyrja nafnið sitt
trekk í trekk,“ sagði Arnór en hann
kom inn fyrir Björn Inga Frið-
þjófsson sem hafði leikið frábær-
lega í fyrstu fjórum leikjunum en
fann sig ekki í gær.
Kristinn Guðmundsson, annar
þjálfara HK, var líka sáttur með
hetju kvöldsins. „Þetta var stór-
brotin frammistaða hjá Arnóri
og ef það er einhver sem vinnur
leikinn þá er það hann. Mark-
verðirnir eru búnir að vera frá-
bærir og eru búnir að senda öllum
langt nef,“ sagði Kristinn en mark-
varslan var álitin vera veikleiki
HK fyrir úrslitakeppnina. Annað
hefur komið á daginn. - óój
Frábær innkoma Arnórs Freys Stefánssonar lagði grunninn að sigri HK á FH:
HK-ingar eru einum sigri frá titlinum
ÁKEFÐ Það er til marks um grimmd HK-inga að þeir eru hér þrír á leiðinni ofan á
einn FH-ing. FRÉTTABLAÐIÐ/ERNIR