Fréttablaðið - 11.06.2012, Blaðsíða 8

11. júní 2012 MÁNUDAGUR8
UMHVERFISMÁL Tekinn hefur
verið í notkun nýr flutningabíll
sem gengur bæði fyrir dísilolíu
og metangasi. Hann keyrir milli
Reykjavíkur og Akureyrar og
er fyrsti „græni“ trukkurinn í
flota Landflutninga, að því er
fram kemur í tilkynningu Land-
flutninga-Samskipa.
Bíllinn er af gerðinni MAN
TGX 26.480. Með því að nota
bæði gas og olíu er mengun
bílsins sögð í lágmarki um leið
og notaður sé innlendur orku-
gjafi í bland. „Vélin, sem er sex
strokka, notar alltaf dísilolíu en
hlutfall metans getur mest orðið
um 50 prósent af heildar orku-
þörfinni.“ Reynist bíllinn vel
áformar fyrirtækið að fjárfesta
í fleiri slíkum bílum.
- óká
Grænn trukkur í flutningum:
Blandar metan-
gasi við olíuna
14,5 TONNA TRUKKUR Ingi Stefán Ólafs-
son við nýja trukkinn sem með öllum
búnaði kostar um 31 milljón króna.
MYND/LANDFLUTNINGAR-SAMSKIP
VIÐSKIPTI Slitastjórn Kaupþings
hefur sent út tugi riftunartilkynn-
inga í tengslum við endurkaup
Kaupþings á eigin skuldabréfum
frá því á árinu 2008. Kaupin áttu sér
stað síðustu sex mánuðina
áður en Kaupþing féll og
sum þeirra áttu sér stað
mjög nálægt falli bank-
ans, samkvæmt Feldísi
Óskarsdóttur, sem situr í
slitastjórn hans. Riftunar-
frestur Kaupþings rennur
ekki út fyrr en í lok júní
og því hefur slitastjórnin
út þennan mánuð til að
höfða mál ef ekki semst
um niðurstöðu.
Í kynningu sem slita-
stjórn Kaupþings hélt á
kröfuhafafundi þann 31.
maí kom fram að „slita-
stjórn hefur á síðustu
mánuðum sent út allmarg-
ar riftunartilkynningar í
tengslum við endurkaup
Kaupþings á eigin skuldabréfum frá
því á árinu 2008“.
Feldís segir að um tugi mála sé
að ræða. Aðspurð vildi hún þó ekki
segja hvert umfang endurkaupanna
var né gegn hverjum málin beinast.
„Ég vil ekki tjá mig frekar um þetta
en kemur fram í kynningunni að svo
stöddu. Það verða einhver af þessum
málum þingfest, ef ekki nást sættir,
núna í júní.“
Í fundargerð kröfuhafafundar
slitastjórnar sem fór fram í des-
ember 2011 kom fram að hún hafi
lagt á það áherslu í störfum sínum
að rannsaka ráðstafanir sem áttu
sér stað í bankanum
síðustu mánuðina fyrir
frestdag, einkum með til-
liti til þess möguleika að
höfða riftunarmál. End-
urskoðunarfyrirtækið
Grant Thornton í Bret-
landi hafði þá unnið að
rannsókninni í nokkra
mánuði og byggði sú
skoðun á vinnu frá Price-
waterhouseCoopers og
starfsmönnum Kaup-
þings. Í fundargerð-
inni kom einnig fram að
slitastjórnin hefði „að
mestu lokið skýrslutök-
um af fyrrverandi starfs-
mönnum og yfirmönnum
Kaupþings“.
Slitastjórn Glitnis
þingfesti um 20 riftunarmál gegn
ýmsum innlendum og erlendum
aðilum 24. maí síðastliðinn. Í þeim
vill hún endurheimta um 20 millj-
arða króna. Landsbankinn var
einnig búinn að koma tugum rift-
unarmála í gang áður en að máls-
höfðunarfrestur hans til þess rann
út í apríl. Flest þeirra voru einnig
vegna skuldabréfa.
thordur@frettabladid.is
Slitastjórn vill rifta kaup-
um á eigin skuldabréfum
Slitastjórn Kaupþings hefur sent út tugi riftunartilkynninga vegna kaupa bankans á eigin skuldabréfum rétt
fyrir fall hans. Byggja á skoðun Grant Thornton. Landsbankinn og Glitnir hafa höfðað tugi slíkra mála.
Í kynningunni kemur einnig fram að slitastjórn Kaupþings hafi náð sam-
komulagi í 51 af 67 málum sem varða niðurfellingu á persónulegum ábyrgð-
um til hlutafjárkaupa. Slitastjórnin ákvað á sínum tíma að rifta ákvörðun
stjórnar Kaupþings frá 25. september 2008 sem heimilaði Hreiðari Má Sig-
urðssyni, þáverandi forstjóra bankans, að fella niður persónulegar ábyrgðir
starfsmannanna. Þann 10. maí 2012 staðfesti Hæstiréttur að um ólögmæta
ráðstöfun hefði verið að ræða þegar hann gerði fyrrum starfsmanni bankans
að greiða slitastjórninni 6,6 milljónir króna vegna lána til hlutabréfakaupa.
Talið er að málið hafi fordæmisgildi gagnvart öðrum sambærilegum málum.
Tæpri viku síðar var Sigurði Einarssyni, fyrrum stjórnarformanni Kaup-
þings, gert að greiða þrotabúi bankans 550 milljónir króna, eða tíu prósent
af 5,5 milljarða króna láni sem hann hafði tekið til að kaupa hlutabréf í
bankanum.
Samkomulag hefur náðst við 51 af 67
SLITASTJÓRN Feldís Óskarsdóttir vildi ekki segja hvert umfang endurkaupanna á
skuldabréfunum var né gegn hverjum málin beinast. FRÉTTABLAÐIÐ/GVA
BANDARÍKIN Niðurstöður nýrrar
rannsóknar sýna að börn sem búa
í þéttbýli fá frekar ofnæmi en
börn í dreifbýli. Rannsóknin er sú
fyrsta í Bandaríkjunum sem kort-
leggur ofnæmi barna landfræði-
lega.
Sérstaklega benda niðurstöð-
urnar til þess að börn sem búa í
stórum borgum þrói frekar með
sér hnetu- og skelfiskofnæmi
en jafnaldrar þeirra í dreifbýli.
„Þetta þýðir að umhverfi hefur
áhrif á ónæmiskerfi barna,“ segir
stjórnandi rannsóknarinnar. - bþh
Borgarbörn fá frekar ofnæmi:
Umhverfið or-
sakar ofnæmi
www.volkswagen.is
Volkswagen Caddy
Caddy er áreiðanlegur, sparneytinn og þægilegur
í allri umgengni. Lipur vinnuþjarkur með frábæra
aksturseiginleika og ríkulegan staðalbúnað.
Hann er fáanlegur með bensín-, dísil- og metan-
vélum frá framleiðanda.

Caddy* kostar aðeins frá
2.990.000 kr.
(kr. 2.382.470 án vsk)
*Miðað við Caddy TSI bensín, 86 hestöfl, beinskiptur.
Aukahlutir á mynd, álfelgur og þokuljós.
Góður
vinnufélagi
Til afgreiðslu strax
Atvinnubílar
Fæst einnig
fjórhjóladrifinn
Það verða
einhver af
þessum mál-
um þingfest,
ef ekki nást
sættir, núna í
júní.
FELDÍS
ÓSKARSDÓTTIR
SITUR Í SLITASTJÓRN
KAUPÞINGS
HEILSA Neysla Vopnfirðinga á gos-
drykkjum og sælgæti hefur dreg-
ist saman um tugi prósenta síðan í
apríl, en sala á ávöxtum og græn-
meti hefur aukist mikið á sama
tíma. Heilsuátak á vegum sjávar-
útvegsfyrirtækisins HB Granda á
staðnum er talið sennileg ástæða
þessa.
Stjórnendur HB Granda ákváðu
fyrr á þessu ári að bjóða öllu starfs-
fólki félagsins upp á heilsufarsskoð-
un því að kostnaðarlausu. Marg-
ir hafa þegar nýtt sér þetta tilboð
og á Vopnafirði hafa flestir starfs-
mannanna nú þegar farið í skoðun á
heilsugæslustöð HSA á staðnum og
fengið niðurstöður mælinga.
Þá fékk félagið Sonju Sif Jóhanns-
dóttur, forvarnafulltrúa hjá TM, til
að halda fyrirlestra um heilsufar,
hreyfingu og mataræði.
Samkvæmt upplýsingum Árna S.
Róbertssonar, kaupmanns á Vopna-
firði, dróst sælgætissala í verslun-
inni saman um rúm 26% í aprílmán-
uði og sala á gosdrykkjum um 21%,
en það var fyrsti heili mánuður
heilsuátaksins. Sala á ávöxtum og
grænmeti jókst hins vegar um 17%
og sala á ávaxtasöfum um 12% á
sama tíma, að því er kemur fram á
síðu fyrirtækisins. Töluvert dró úr
sölu á tóbaki á sama tíma, að sögn
Árna. - shá
Heilsuátak á vegum HB Granda á Vopnafirði hafði óvænt áhrif á bæjarlífið:
Sala óhollustu hrundi eftir átak
FRÁ VOPNAFIRÐI Heilsuátak starfsfólks
HB Granda sést líka í auknum áhuga á
útivist. MYND/HBGRANDI
VEISTU SVARIÐ?
1. Hvers konar líffæri var grætt í
Andemariam Beyene fyrir ári?
2. Hvar verður leikritið Karma fyrir
fugla sýnt næsta vetur?
3. Með hvaða félagsliði leikur Aron
Pálmarsson handbolta?
SVÖR:
1. GERVIBARKI 2. ÞJÓÐLEIKHÚSINU
3. THW KIEL