Fréttablaðið - 15.06.2012, Blaðsíða 32

6 • LÍFIÐ 15. JÚNÍ 2012
Barnalán leikur við þau hjónin
Hrafnhildi Hafsteinsdóttur og
Bubba Morthens en þau eign-
uðust gullfallega dóttur þann
7. maí síðastliðinn og eiga því
nú saman alls sex börn. Saman
eiga þau dótturina Dögun París
þriggja ára og fyrir á Hrafn-
hildur Isabellu Ósk sjö ára og
Bubbi þau Hörð 21 árs, Grétu
19 ára og Brynjar 14 ára.
Lífið náði tali af Hrafnhildi í
Kjósinni við Meðalfellsvatn þar
sem þau hjón búa. Haldið var
upp á skírn dóttur þeirra um
síðastliðnu helgi en sú litla fékk
nafnið Aþena Lind.
Hrifin af grískri goðafræði
Lífið spurði Hrafnhildi út í nafngift-
ina „ Ég hef ávallt heillast af grískri
goðafræði og gyðjunni Aþenu sem
er visku- og stríðsgyðja Grikkja.
Þegar við fjölskyldan vissum að
von væri á lítilli stelpu sátum við
ófáar kvöldstundir inni í eldhúsi
með börnunum og allir fengu að
strika undir uppáhaldsnöfnin sín í
Mannanafnabókinni. Eftir að nafnið
Aþena datt inn hjá okkur kom ekk-
ert annað til greina. Nafn Dögunar
Parísar kemur einnig fyrir í grískri
goðafræði og fannst okkur teng-
ingin falleg milli systranna og nöfn-
in bæði hljómfögur og sterk.“
Þegar Hrafnhildur og Bubbi voru
í brúðkaupsferðinni sinni í París árið
2008 komust þau að því að von
væri á litlum gullmola. „París var
einnig nafn í uppáhaldi og fannst
mér hún kalla það nafn svolítið til
sín með því að láta vita af sér í borg
ástarinnar. Dögun var einnig gyðja
í grískri goðafræði og er fátt feg-
urra en að horfa á sólaupprásina –
sjá daginn taka við af nóttinni. Hún
ber þetta nafn svo sannarlega með
rentu því þegar hún brosir þá lýsir
hún upp allt í kringum sig. Frá því
ég var stelpa langaði mig í litla Isa-
bellu og því kom aldrei annað nafn
til greina á hana. Systurnar bera
því allar gyðju og drottningarnöfn,
enda miklar prinsessur. Bubbi býr
svo sannarlega í kvennaríki í Kjós-
inni,“ segir Hrafnhildur og brosir.
Prinsessur sem safna kóngulóm
Spurð hvort Aþena Lind líkist ein-
hverjum úr fjölskyldunni segir Hrafn-
hildur hana mjög líka eldri systir
sinni Dögun París. „Ég held samt
að þessi verði bláeygð en Dögun
er með dökkbrún augu eins og ég.
Isabella er með fallega blágræn
augu þannig að það er smá keppni
milli systranna hvaða lit hún fær en
þær keppast við að eiga alls konar
hluti í henni. Isabella á tær eins og
hún, Dögun eyrun o.s.frv. Þær eru
ótrúlega góðar við litlu systur en ég
reyndi að undirbúa sérstaklega þá
litlu eins og ég gat með því að sýna
henni myndir og myndbönd frá því
þær voru litlar þannig að þær tengja
við þegar þær voru einu sinni mið-
punktur athyglinnar. Það hefur einn-
ig hjálpað að Aþena er ótrúlega vær
og góð og því hefur þetta gengið
mjög vel.“
Þrátt fyrir prinsessufansinn
segir Hrafnhildur þær systur mikl-
ar sveitastelpur. „Þær eru mikl-
ar áhugamanneskjur um orma
og kóngulær. Dögun París safn-
ar kóngulóm þessa dagana og
kemur með þær inn í hús og slepp-
ir þeim svo aftur út við mikinn fögn-
uð mömmu sinnar. Þær tína orma
og veiða með pabba í vatninu, gefa
hestunum brauð sem búa fyrir ofan
húsið okkar Fagraland en handan
girðingarinnar er að finna kindur
með nýfædd lömb, hesta og kýrn-
ar mæta í halarófu og það er hægt
að stilla klukkuna eftir því hvenær
þær halda aftur heim að Meðalfelli
sem er næsti bóndabær.“
Draumur í Kjós
Þegar Hrafnhildur er spurð hvernig
lífið sé í Kjósinni skortir ekki svörin
og ánægjutónninn í röddinni leynir
sér ekki. „Það er yndislegt að búa í
Kjósinni og vera í svo mikilli snert-
ingu við náttúruna og tengingin við
sjálfið sterk. Einnig finn ég hvernig
böndin á milli okkar í fjölskyldunni
styrkjast. Að sjálfsögðu eru kostir
og gallar við að vera 45 mínútur að
komast í bæinn en kostirnir eru svo
margfalt stærri. Það sem mér finnst
einnig gott við að búa hér er fólk-
ið. Þegar eitthvað ber út af eins og
t.d. í vetur þegar allt var ófært út af
snjó, þá voru bændur ekki lengi að
mæta á traktorum og moka mann
út. Þegar eitthvað kemur upp á þá
finnur maður hve dýrmætt er að
búa í litlu samfélagi þar sem vel-
vilji er mikill milli fólks og það dug-
legt að hjálpast að.“
Hrafnhildur viðurkennir að það
muni óneitanlega um fjölgunina í
fjölskyldunni og handtökin væg-
ast sagt ófá þessa dagana. „Það
er í nógu að snúast hjá okkur en
ég ætla að njóta sumarsins fram
í fingurgóma eftir langan og snjó-
þungan vetur hér í sveitinni. Stelp-
DRAUMUR Í KJÓS
UPPÁHALDS
HREYFINGIN Cross Fit – skemmtilegasta og erfiðasta sem ég hef gert.
DEKRIÐ Nudd, fót- og handsnyrting og stelpudagur með vinkonum.
MATURINN Inverskur er bestur og verður að vera logandi sterkur.
SLÖKUNIN Hugleiðsla er mikilvæg og ég hugleiði á hverjum degi.
HEIMASÍÐAN pinterest.com – Þessi síða er snilld en systir mín benti mér á hana.
Hugmyndir að öllu milli himins og jarðar.
TÍMARITIÐ Lifandi vísindi – elska þessa fróðleiksmola.
SJÓNVARPSÞÁTTUR Boardwalk Empire og How I met your mother.
Framhald á síðu 8
MYND/ELENA LITSOVA
Hrafnhildur og Bubbi með þeim
Isabellu Ósk, Dögun París og
Aþenu Lind.
Laugavegi 178 - Sími: 568 9955
www.tk.is