Fréttablaðið - 29.09.2012, Blaðsíða 6

29. september 2012 LAUGARDAGUR6
KJÖRKASSINN
SAFNAMÁL Náttúruminjasafn Íslands (NMÍ),
sem er höfuðsafn á sviði náttúrufræða, er hús-
næðislaust frá og með áramótum. Hætt hefur
verið við sýningarhald í gömlu Loftskeytastöð-
inni við Brynjólfsgötu. Verið er að pakka niður
safnkosti. Ekkert liggur fyrir um framtíðarhús-
næði safnsins.
Margrét Hallgrímsdóttir þjóðminjavörður er
settur safnstjóri NMÍ til eins árs. Hún segir að
húsnæðið við Brynjólfsgötu hafi verið hugsað
sem bráðabirgðahúsnæði sem henti ekki til varð-
veislu safnkosts og því sé verið að koma gripum
fyrir í viðunandi geymslu. Rætt hafi verið við
Náttúrufræðistofu Kópavogs um hýsingu.
Húsnæðið á Brynjólfsgötu er í eigu Þjóð-
minjasafnsins og samkvæmt heimildum blaðs-
ins stendur til að Leikminjasafn Íslands, sem
er einkasafn, flytji þar inn. Ekki hefur þó verið
tekin ákvörðun um það, að sögn Margrétar.
„Mitt hlutverk er að koma málefnum NMÍ í
betri farveg, meðal annars að klára safnastefnu
NMÍ sem hefur verið í vinnslu í mörg ár. Stefnt
er að því að þeirri vinnu ljúki fyrir áramót og
þar verður lagður nauðsynlegur grundvöllur til
framtíðar. Svo er verið að gera formlegt sam-
starfssamkomulag við stofnanir á sviði náttúru-
vísinda, sem var löngu tímabært.“
Um húsnæðismálin segir Margrét að Perlan
í Öskjuhlíð sé til skoðunar sem sýningarhús, en
annað húsnæði hafi ekki verið skoðað formlega,
þó fleiri hugmyndir hafi verið nefndar. „En það
eru engar áætlanir um að leggja safnið niður;
þvert á móti stendur hugur allra til að veglegt
safn á sviði náttúruvísinda rísi,“ segir Margrét.
Helgi Torfason, safnstjóri í rannsóknaleyfi,
telur möguleika til safnastarfs í Loftskeytastöð-
inni ágæta, þó vissulega hafi verið um húsnæði
til bráðabirgða að ræða. Þar hafi verið safn um
langt skeið og Margrét hafi sjálf boðið Loft-
skeytastöðina undir safnið á sínum tíma. Sýning-
arrýmið sé jafnstórt og í Þjóðmenningarhúsinu,
eða Safnahúsinu gamla þar sem sýning náttúru-
minja stóð uppi um áratuga skeið, og safnið hafi
farið inn í Loftskeytastöðina til að koma í veg
fyrir að það væri landlaust með öllu.
Samkvæmt heimildum Fréttablaðsins hafa
nýjustu vendingar haft það í för með sér að vel-
unnarar safnsins, bæði innlendir sem erlendir,
hafa ámálgað að fá safngripum sínum, sem þeir
hafa afhent safninu, skilað til baka. Um óbætan-
legt tjón væri að ræða fyrir safnið ef svo færi.
svavar@frettabladid.is
Húsnæðislaust höfuðsafn
Unnið er að því að pakka niður safnkosti Náttúruminjasafns Íslands. Hætt hefur verið við sýningarhald í
gömlu loftskeytastöðinni. Ekkert liggur fyrir um framtíðarhúsnæði safnsins en unnið er að safnastefnu.
FER Í GEYMSLU Verið er að pakka niður safnkosti, en því starfi skal vera lokið um áramót. Velgjörðarmenn
ámálga að fá muni sína til baka vegna stöðu safnsins. FRÉTTABLAÐIÐ/VALLI
■ Náttúruminjasafnið var stofnað árið 2007 og hefur einkum það hlutverk að safna og varðveita muni
sem tengjast náttúru Íslands, fræða almenning um hana og annast rannsóknir á starfssviði sínu.
■ Í skýrslu Ríkisendurskoðunar um NÍ frá því í janúar 2012 kemur fram að safnið sé enn á byrjunarreit
og uppfylli ekki lögbundnar skyldur sínar sem höfuðsafn. Þá segir að annaðhvort verði að efla safnið
sem sérstaka stofnun eða sameina það annarri stofnun.
■ Stjórnvöld þurfi að ákveða hvernig haga eigi starfseminni til framtíðar og móta skýra stefnu um hana.
■ Ríkisendurskoðun sagði í skýrslu sinni að Loftskeytastöðin mundi duga fyrir sýningar og aðra
starfsemi.
Uppfyllir ekki lögboðnar skyldur sínar
FJÁRMÁL „Markmiðið er að stuðla að bættu
fjármálalæsi og auknum skilningi á ávöxt-
unarmöguleikum,“ segir Páll Harðarson,
forstjóri NASDAQ OMX-kauphallarinnar á
Íslandi, um Ávöxtunarleikinn sem hefst form-
lega á mánudaginn.
Þátttakendur keppa í ávöxtun gervipeninga,
svokallaðra Keldukróna, en leikurinn verður
aðgengilegur á Vísi.is þar sem fram fer skrán-
ing í leikinn. Keldan er eigandi og rekstrar-
aðili leiksins en hann er samstarfsverkefni
Vísis, VÍB eignastýringarþjónustu Íslands-
banka, Kauphallarinnar og Libra.
Þátttakendur fá 10 milljónir Keldukróna
við upphaf leiksins og reyna síðan að ávaxta
féð sem best með þeim fjárfestingamöguleik-
um sem eru fyrir hendi. Þannig geta þátttak-
endur fjárfest í hlutabréfum, skuldabréfum,
sjóðum rekstrarfélaga og gjaldeyri, og reynt
að ávaxta krónur sínar sem best, en ávöxtun
eigna er bundin við raunbreytingar á markaði.
Vegleg verðlaun eru í boði fyrir þann sem
skilar bestu ávöxtun þegar keppnin verður
gerð upp næsta vor. Vinningar fyrir sigur-
vegara keppninnar eru m.a. ferð fyrir tvo til
New York og 200.000 krónur í sjóðum hjá VÍB.
Jafnframt verða veitt verðlaun til hástökkv-
ara mánaðarins hverju sinni, út keppnistíma-
bilið.
Hægt verður að keppa í einstaklings- og
liðakeppni, og verður leikurinn vel tengdur
við samfélagsmiðilinn Facebook. - mh
Nýr verðbréfaleikur hefur göngu sína á Vísi.is á mánudaginn kemur þegar notendur fá Keldukrónur:
Keppt verður í ávöxtun á hlutabréfamarkaði
SAMNINGURINN UNDIRRITAÐUR Páll Harðarson,
forstjóri Kauphallarinnar, Freyr Einarsson, ritstjóri
fréttastofu Stöðvar 2 og Vísis, og Friðrik Guðjónsson,
framkvæmdastjóri Keldunnar, undirrita samning um
Ávöxtunarleikinn.
NOREGUR Norska lögreglan fann
blóð úr Sigrid Schjetne í hjól-
hýsi 37 ára gamals manns. Hann
er í gæsluvarðhaldi, grunaður
um morðið á hinni 16 ára gömlu
stúlku sem hvarf í Ósló 5. ágúst
síðastliðinn. Þetta hefur frétta-
vefur Verdens Gang eftir heim-
ildarmönnum sínum. Maður á
sjötugsaldri er talinn meðsekur.
Á fréttavef Aftenposten segir
að lögreglan telji að hinn grun-
aði hafi drepið stúlkuna, vafið
plasti utan um líkið og fleygt
því í skógarlund nálægt iðn-
aðarsvæði þar sem hinir hand-
teknu höfðu athvarf.
Lík stúlkunnar fannst fimm
vikum eftir að hún hvarf. Lög-
reglan hefur ekki viljað tjá sig
um meintan blóðfund.
- ibs
Morðið á Sigrid Schjetne:
Blóð í hjólhýsi
hins grunaða
KÍNA, AP Kínverski stjórnmála-
maðurinn Bo Xilai hefur verið
rekinn úr kínverska Komm-
únistaflokknum og verður
ákærður fyrir
valdamisnotk-
un, spillingu,
mútuþægni og
ósæmileg kyn-
ferðistengsl
við nokkrar
konur.
Hann verður
einnig ákærð-
ur fyrir að
hafa reynt að
hylma yfir með eiginkonu sinni,
sem nýlega hlaut dóm fyrir að
hafa myrt breskan kaupsýslu-
mann.
Bo hefur verið áberandi í
kínverskum stjórnmálum og
stefndi hátt, en sá frami er nú
að engu orðinn. - gb
Stjórnmálmaður ákærður:
Bo Xilai rekinn
úr flokknum
BO XILAI
Óttast þú afleiðingar rýmri
reglna um innflutning áfengis
og tóbaks en slík breyting
myndi fylgja inngöngu í ESB?
Já 25,4%
Nei 74,6%
SPURNING DAGSINS Í DAG:
Sérð þú eftir Jóhönnu Sig-
urðardóttur forsætisráðherra úr
íslenskum stjórnmálum?
Segðu þína skoðun á Vísi.is