Fréttablaðið - 29.09.2012, Side 42

KYNNING − AUGLÝSINGFerðir LAUGARDAGUR 29. SEPTEMBER 20124
Páll Guðmundsson, fram-kvæmdastjóri Ferðafélags Ís-lands, segist vera stoltur yfir
því að fyrir nokkrum dögum var
opnaður nýr Baldvinsskáli á Fimm-
vörðuhálsi. Skálinn kemur í stað
eldri skála sem þar var. „Þetta er 60
fermetra vel búið hús. Með því erum
við að stórbæta aðstöðu og öryggi
fyrir ferðamenn. Gamli skálinn var
kominn til ára sinna og ekki í góðu
standi. Nú kemur þessi nýi í stað-
inn sem mun gjörbreyta aðstöðu
ferðamanna. Það er mjög ánægju-
legt að búið sé að reisa þennan nýja
skála. Þarna hefur fólk skjól í öruggu
húsi eða getur komið við og borðað
nestið sitt. Húsið er hins vegar ekki
ætlað fyrir gistingu nema í algjörri
neyð en um tuttugu manns geta gist
í skálanum í neyðartilfellum. Hins
vegar er hægt að gista í skála Útivist-
ar ofar á hálsinum,“ segir Páll.
Ferðaáætlun Ferðafélagsins
kemur út í byrjun janúar og þar
verður að venju fjölbreytt úrval
ferða við allra hæfi. „Fjallaferðirn-
ar okkar, eitt fjall á viku eða eitt fjall
á mánuði halda áfram en hægt er að
skrá sig í það verkefni um áramót-
in. Fjallaferðirnar hafa notið mik-
illa vinsælda.
Fram undan er örlítið að hægj-
ast á eftir sumarið og framboð á
ferðum kannski ekki jafnmikið
og í sumar. Þó verður alltaf ein og
ein dags- eða helgarferð í boði. Við
erum að klára samstarf við Háskóla
Íslands en við höfum boðið upp á
gönguferðir um borgina með leið-
sögn. Síðan verða aðventuferðir og
aðrar stemningsferðir í kringum
jól og áramót, blysganga og þess
konar.“
Allar upplýsingar um ferðir birt-
ast á heimasíðunni, www.fi.is.
Þarna hefur fólk
skjól í öruggu
húsi eða getur komið við
og borðað nestið sitt.
Páll Guðmundsson, framkvæmdastjóri Ferðafélag Íslands, segir margt spennandi vera á döfinni í útivistarferðum í haust og vetur.
Nýr Baldvinsskáli
Ferðafélagsins vígður
Ferðafélag Íslands hefur í boði margar skemmtilegar ferðir, jafnt styttri sem
lengri og við allra hæfi í vetur. Mikil fjölgun hefur orðið á þátttöku í ferðunum
og útivistaráhugi er stöðugt að aukast.
Ferðamönnum sem koma til Barcelona fjölgar ár frá ári. Ár hvert
er slegið nýtt met en mikil fjölgun er á ferðamönnum frá Austur-
Evrópu og Rússlandi. Árið 2010 komu 7,3 milljónir ferðamanna til
Barcelona þegar nýtt met var slegið en þeir voru enn fleiri í fyrra.
Allt stefnir í enn eitt metið þetta árið. Barcelona var mest sótta
borgin í Evrópu á síðasta ári.
Á Römblunni, sem er frægasta gata í Barcelona, er erfitt að
ganga um vegna mannfjölda þegar ferðamannatíminn stend-
ur sem hæst. Samfara þessu hefur verðlag stigið og margir kvarta
yfir því að þurfa að borga 12 evrur (tæpar 2.000 krónur) fyrir bjór-
glas á þessari frægu götu.
Það er margt spennandi að sjá í
Barcelona og ferðamenn eru dug-
legir að heimsækja helstu staði. Eitt
helsta aðdráttarafl borgarinnar er
Magic-gosbrunnurinn við Montjuic-
höllina. Þúsundir ferðamanna fylgj-
ast með þegar þessi stóri og merkilegi
gosbrunnur fer í gang með mikilli
vatnasýningu, tónlist og glæsileg-
um litbrigðum. Gosbrunnurinn var
byggður fyrir heimssýninguna 1929
og þótti mikið undur á þeim tíma.
Hönnuðurinn Carles Buigas lagði
þessa hugmynd fram ári fyrir sýn-
inguna en fæstir trúðu að hægt væri
að að byggja svo metnaðarfullt verk-
efni á svo skömmum tíma. Um 3.000 starfsmenn voru ráðnir til að
vinna við gosbrunninn og þeim tókst að ljúka verkefninu á rétt-
um tíma.
Gosbrunnurinn þykir mikið listaverk og ferðamenn taka and-
köf af hrifningu þegar sýningin fer í gang. Um 2.600 lítrar af vatni
flæða upp úr gosbrunninum á hverri sekúndu í sýningunni og
dansa með ljósum og tónlist í glæsilegu atriði.
Fyrir þá sem eru á leið til Barcelona þá skal upplýst að vetr-
artími sýninganna er á föstudögum og laugardögum á hálftíma
fresti, klukkan 19, 19.30, 20 og 20.30.
Glæsileg vatnasýning
í Barcelona
Þeir sem leggja leið sína til Barcelona ættu að skoða galdra-gosbrunninn.
Vatnaturninn í Barcelona er glæsi-
legur.
Ferðalög á
næsta leyti?
Pantaðu bílaleigubílinn hér heima á avis.is eða í
síma 591 4000 og njóttu ferðarinnar.