Fréttablaðið - 12.11.2012, Blaðsíða 52

12. nóvember 2012 MÁNUDAGUR20 20
menning@frettabladid.is
HVAÐ? HVENÆR? HVAR?
Mánudagur 12. nóvember
➜ Fyrirlestrar
12.00 Stofnun Vigdísar Finnbogadóttur
í erlendum tungumálum stendur fyrir
kynningu á verkum Enrique del Acebo
Inánez, rithöfundar og prófessors.
Kynningin ber yfirskriftina Örsagan:
Bókmenntaform samtímans? og fer
fram í stofu 206 í Odda, Háskóla
Íslands. Ibánez flytur erindi sitt á ensku
en annað fer fram á íslensku.
12.00 Mats Persson, forstöðumaður
hugveitunnar Open Europe í Lundúnum
flytur fyrirlestur í boði Rannsóknar-
seturs um nýsköpun og hagvöxt og
Evrópuvaktarinnar. Fyrirlesturinn fjallar
um samkeppnishæfni Evrópu í ljósi
samrunaþróunarinnar. Björn Bjarnason,
fyrrverandi dómsmálaráðherra verður
fundarstjóri fundarins sem fer fram á
ensku.
12.00 Konfúsíusarstofnunin Norður-
ljós kynnir fyrirlestur Barts Dessein, Nýr
konfúsíanismi og umboð himinsins.
Fyrirlesturinn fer fram í stofu 102 í Gimli
Háskóla Íslands og er aðgangur ókeypis.
Upplýsingar um viðburði sendist á
hvar@frettabladid.is
Flutningur á
Lækningastofu:
Hef flutt lækningastofu mína
í Stóra - Turn á 9. hæð í Kringlunni.
Viðtalsbeiðnir áfram í síma:
588 8557
Einar Guðmundsson læknir
Sérgrein: Geðlækningar
Úr háskólaverkefni í forystu
á alþjóðamarkaði
Þriðjudaginn 13. nóvember kl. 12.00
í Hátíðasal Aðalbyggingar Háskóla Íslands
í Alþjóðlegu athafnavikunni.
Um er að ræða fyrirlestur í nýrri fyrirlestraröð Háskóla Íslands um ný sköp un og
stofn un fyrir tækja sem ber yfir skriftina Fyrirtæki verður til.
Rögnvaldur Ólafsson, dósent við Háskóla Íslands og einn upphafs manna Marel,
Gylfi Aðalsteinsson, fyrsti fram kvæmda stjóri Marel, Kristinn Andersen, verk-
fræð ingur og rann sóknar stjóri hjá Marel og Hrund Rudolfsdóttir, fram kvæmda-
stjóri starfs þróunar hjá Marel, fjalla um upp hafs ár fyrir tæk isins, þróun þess og
þann lær dóm sem draga má af sögu þess.
Marel er eitt þeirra fyrirtækja sem orðið hafa til innan Háskóla Íslands og gott
dæmi um hvernig lítil hug mynd verður að öflugu fyrir tæki sem byggir vöxt sinn
og þróun á sífelldri nýsköpun.
Allir velkomnir meðan húsrúm leyfir.
Sköpunarsaga Marel
www.hi.is
– FYRIRTÆKI VERÐUR TIL –
PI
PA
R\
TB
W
A
•
SÍ
A
•
12
30
93
Tónlist ★★★★ ★
Verk eftir Beethoven og
Messiaen
Sinfóníuhljómsveit Íslands í
Hörpu, 8. maí
Einleikari: Víkingur Heiðar Ólafs-
son. Einsöngvarar: Sveinn Dúa
Hjörleifsson, Herdís Anna Jónas-
dóttir og Jóhann Smári Sævars-
son. Stjórnandi: Ilan Volkov.
Græna tónleikaröð Sinfóníunnar
var lengi vel helguð Vínarvölsum
og mjög vinsælum klassískum
verkum. En greinilega ekki leng-
ur. Á fimmtudagskvöldið voru
á dagskrá Keisarakonsert Beet-
hovens, sem að vísu ER mjög vin-
sæll, en líka sjaldheyrð óratóría
eftir sama tónskáld, Kristur á
Olíufjallinu. Í þokkabót var svo
leikið Et exspecto resurrectio-
nem mortuorum eftir Messiaen.
Það er ekki beint tónlist sem er
skyld Dónárvalsinum.
Keisarakonsertinn var fyrstur.
Beethoven sjálfur kallaði hann
ekki þessu nafni, það kom síðar,
sennilega vegna þess hve tignar-
legur hann er. Hægi kaflinn er
eitt hið fegursta sem hann samdi.
Kaflinn kom vel út í sannfærandi
túlkun Víkings Heiðars Ólafs-
sonar undir stjórn Ilan Volkov.
Blæbrigðin voru fallega mótuð,
sönglínurnar himneskar. Fyrsti
kaflinn var líka frábær, fullur af
fjöri og skemmtilegum tilþrifum.
Auk þess var samspil einleikara
og hljómsveitar nákvæmt.
Ef hægt er að finna að ein-
hverju, þá var það helst síðasti
kaflinn, sem var í hraðasta lagi.
Beethoven skrifaði þar allegro
ma non troppo, sem þýðir hratt
en ekki um of. Ef kaflinn er of
hraður missir tónlistin dýptina
og tignarleikann. Í staðinn verð-
ur hún að hálfgerðu gríni sem að
mínu mati á ekki heima í þessu
verki.
Eftir hlé var Kristur á Olíu-
fjallinu á dagskránni. Óratórían
fjallar um það þegar Kristur biðst
fyrir skömmu áður en hann er
tekinn höndum, og svitnar blóði.
Volkov stjórnaði af glæsibrag,
yfirbragðið var fremur þurrt og
stílhreint, sem passaði við trúar-
stemninguna í verkinu.
Svitnaði blóði
VÍKINGUR HEIÐAR Hægi kafli Keisarakonsertsins eftir Beethoven kom vel út í sann-
færandi túlkun Víkings Heiðars. Blæbrigði voru fallega mótuð og sönglínur him-
neskar.
Tveir einsöngvarar voru í aðal-
hlutverki, þau Sveinn Dúa Hjör-
leifsson tenór í hlutverki Jesú, og
Herdís Anna Jónasdóttir sópr-
an sem var svokallaður ljós-
engill. Það er undarleg þýðing á
seraphim, sem eru logandi englar
með sex vængi. Í mörgum sálm-
um á Íslensku sem ég hef séð eru
þeir einfaldlega kallaðir serafar.
Slíkar verur, og englar yfirleitt,
eru fremur óhugnanlegir (þó að
þeir séu þjónar Guðs), enda verð-
ur fólk oftast hrætt í Biblíunni
þegar þeir birtast.
Herdís Anna er vissulega frá-
bær söngkona, og hún stóð sig
prýðilega, en rödd hennar er of
fíngerð fyrir svo voldugt hlut-
verk. Svein Dúa vantaði líka
kraftinn í hæðina í raddsviðinu,
en það var engu að síður ánægju-
legt að hlusta á hann. Hann hefur
fallega rödd sem hefur vaxið
síðan ég heyrði hana síðast. Hún
er mjúk og létt og hentar ákaflega
vel í óratóríu.
Þriðja einsöngshlutverkið,
Pétur postuli, var í höndunum á
Jóhanni Smára Sævarssyni bassa.
Það er miklu minna, en kom ágæt-
lega út. Einnig söng Mótettukór
Hallgrímskirkju (undir stjórn
Harðar Áskelssonar) og gerði það
fallega. Hljómsveitin spilaði líka
af kostgæfni.
Tónleikunum lauk um hálf-tíu
leytið. Klukkan tíu var komið að
hinum svokallaða Eftirleik. Það
er ný tónleikaröð sem er helguð
öndvegisverkum úr samtíman-
um, bæði innlendum og erlend-
um. Þetta er sniðugt; lengi vel var
eina nútímatónlistin í boði hér ný
íslensk verk. Maður fékk engan
samanburð við það besta utan úr
heimi. Et exspecto resurrectio-
nem mortuorum eftir Messiaen
fjallar um upprisu dauðra eins
og hún er skilgreind af kaþólsku
kirkjunni. Tónsmíðin er fyrir
blásara og slagverk og var ótrú-
lega mögnuð undir stjórn Volkovs.
Tæknilega séð var flutningurinn
fullkominn, stemningin var hug-
leiðslukennd; útkoman var sam-
felldur unaður.
Jónas Sen
Niðurstaða: Almennt skemmtilegir
tónleikar, flottur einleikur, ágætur ein-
söngur, frábært nútímaverk.
MCLEMORE Á KEX Kvartett trommuleikarans Scott McLemore kemur fram á þriðjudagsdjasskvöldi Kex annað kvöld.
Auk McLemore skipa hljómsveitina þau Sunna Gunnlaugsdóttir á píanó, Andrés Þór Gunnlaugsson á gítar, og Róbert Þórhalls-
son á bassa. Á dagskránni verða lög af glænýjum geisladiski Scotts sem ber titlinni „Remote location“. Aðgangur er ókeypis.