Fréttablaðið - 12.11.2012, Blaðsíða 62
12. nóvember 2012 MÁNUDAGUR30
Dóri Andrésson og Jónas Valtýs-
son hönnuðu umslag plötunnar
God‘s Lonely Man með tónlist-
armanninum Pétri Ben. Myndin
á umslaginu sýnir söngvarann í
kafi í sundlaug.
„Eftir að hafa fundað með Pétri
um innihald og umfjöllunarefni
plötunnar ákváðum við Jónas
að sökkva honum í sundlaug og
mynda hann á kafi. Við vorum
ekki hundrað prósent vissir um
hvað kæmi út úr tökunum og
vorum meðal annars hræddir um
að það myndi sjást í sundlauga-
bakkann eða að pósurnar myndu
klúðrast,“ útskýrir Jónas þegar
hann er spurður út í verkefnið.
Ákveðið var að mynda Pétur
í Varmárlaug í Mosfellsbæ því
að ofan í sundlauginni sjálfri
er gluggi sem hentaði vel í tök-
urnar. Ljósmyndarinn Marino
Thorlacius var síðan fenginn til
að mynda söngvarann.
„Við erum báðir úr Mosfellsbæ
og mundum eftir að þar var
gluggi á einum sundlaugarveggn-
um sem hentaði frábærlega fyrir
tökuna. Maður fer ofan í kjallar-
ann og getur þá horft beint inn í
sundlaugina. Við vorum þarna í
eina tvo klukkutíma eftir lokun
og mynduðum Pétur,“ segir Dóri.
Tökurnar gengu betur en Dóri
og Jónas þorðu að vona og að
þeirra sögn stóð Pétur sig með
ágætum.
„Við vorum með aðstoðarmann
sem hélt Pétri stöðugum á meðan
hann var í kafi. Hann var orð-
inn nokkuð kaldur og þreyttur
undir lokin enda voru þetta svo-
lítil átök og mikil endurtekning,“
segir Dóri.
Dóri og Jónas hafa áður hann-
að plötuumslög hvor í sínu lagi
en þetta er þeirra fyrsta sam-
starfsverkefni og líkaði þeim
samstarfið vel. „Ég held að við
höfum náð að toppa okkur með
þessu umslagi og þetta er bara
byrjunin á áframhaldandi sam-
starfi,“ segir Dóri.
sara@frettabladid.is
MÁNUDAGSLAGIÐ
Ég held að við höfum
náð að toppa okkur
með þessu umslagi.
DÓRI ANDRÉSSON
JÓNAS VALTÝSSON OG DÓRI ANDRÉSSON: SÖKKTU PÉTRI BEN
Söngvarinn kaldur og
þreyttur eftir myndatöku
GOTT
SAMSTARF
Dóri Andrésson
og Jónas Valtýsson
unnu saman að
gerð plötuumslags
fyrir tónlistarmann-
inn Pétur Ben.
FRÉTTABLAÐIÐ/STEFÁN
„Hráefnið kveikti í mér og þetta var ekkert
smá skemmtilegt verkefni,“ segir iðnhönnuð-
urinn Sigríður Heimisdóttir sem hefur hann-
að fylgihluta-, fata- og heimilislínu úr mok-
kaskinni fyrir íslenska fyrirtækið Varma.
Í línunni er að finna allt frá hinum klass-
ísku mokkalúffum sem margir Íslendingar
þekkja, til eldhúskolla með mokkasetu og
vesta. „Mokka er hráefni sem er partur af
arfleifð okkar. Það er vanmetið efni en það er
oft svoleiðis með íslensk hráefni, eins og ull-
ina og fiskinn sem við erum gjörn á að tala
niður til,“ segir Sigríður og fullyrðir að hönn-
unarferlið hafi verið mjög skemmtilegt. „Ég
vinn aðallega fyrir erlend fyrirtæki svo það
var mjög áhugavert fyrir mig að fylgjast með
ferlinu sem fer alfarið fram hér á landi, frá
upphafi til enda.“
Sigríður er þekkt fyrir hönnun sína á heim-
ilis- og húsbúnaðarvörum, meðal annars fyrir
Ikea, en þetta var í fyrsta sinn sem hún tókst
á við fatahönnun. „Ég ákvað að
fá til liðs við mig fagfólk enda
ekki mitt sérsvið. Það er því
Helga Lúðvíksdóttir klæðskeri
sem er konan á bak við sniðin.“
Aðspurð hver sé hennar
uppáhaldshlutur úr línunni á
Sigríður erfitt með að svara.
„Það er mjög erfitt að gera
upp á milli en í augnablik-
inu er ég í vestinu og það er
svo hlýtt að það er eins og að
vera í svefnpoka. Þannig að
núna er það uppáhaldi.“
- áp
Heillaðist af alíslensku hráefninu
HLÝTT Iðnhönnuðurinn Sigríður Heimisdóttir
hefur hannað fylgihluta, fata - og heimilislínu úr
mokkaskinni fyrir Varma. FRÉTTABLAÐIÐ/STEFÁN
„Það er að sjálfsögðu Gangnam
Style með Psy en við Vala, sam-
starfskona mín, hefjum vikuna
alltaf á góðum dansi.“
Sesselja Vilhjálmsdóttir, einn hönnuða
leiksins Kinwins.
Hollywoodleikarinn, leikstjórinn og framleið-
andinn Robert Redford undirbýr sjónvarpsþætti
byggða á smásagnasafni Ólafs Jóhanns Ólafsson-
ar, Aldingarðinum. Erlendir miðlar fara mikinn í
umfjöllun sinni um væntanlega þætti enda Red-
ford ákveðinn gæðastimpill á verkefninu en hann
er titlaður framleiðandi. Þættirnir bera heitið
Valentines og verða sýndir á Sundance-sjónvarps-
stöðinni. Ásamt Redford er Fred Berner framleið-
andi en hann er meðal annars með myndir á borð
við Pollock og sjónvarpsþættina Law and Order á
ferilskránni.
The Hollywood Reporter, Variety og vefsíðan
The Celebrity Coffeeshop.com eru meðal þeirra
miðla sem fjalla um framleiðsluna en Valentines
er einn af fimm sjónvarpsþáttum sem eru í bígerð
hjá Sundance-stöðinni sem þykir vera í sókn þessa
stundina.
Aldingarðurinn vakti athygli er hún kom út
hér á landi árið 2006 og hlaut meðal annars Bók-
menntaverðlaun Íslands. Bókin fjallar um tryggð,
svik, ást og hamingju þar sem fylgst er með lög-
fræðingi í New York og þremur dætrum hans. - áp
Redford framleiðir Aldingarð Ólafs
HEILLAÐUR AF ALDINGARÐINUM Robert Redford framleiðir
sjónvarpsþætti upp úr smásagnasafni Ólafs Jóhanns Ólafssonar,
Aldingarðinum, sem hlaut Bókmenntaverðlaun Íslands 2006.
Rekstrarvörur
- vinna með þér