Fréttablaðið - 28.12.2012, Side 8

28. desember 2012 FÖSTUDAGUR| FRÉTTIR | 8
Vilja bráðabirgðastjórn
1SÝRLAND Rússar eru nú komnir á þá skoðun að endurvekja þurfi
friðaráætlun frá í sumar, þar sem
gert er ráð fyrir að bráðabirgðastjórn
taki við völdum í Sýrlandi þangað
til kosningar verða haldnar. Lakhdar
Brahimi, friðarerindreki Sameinuðu
þjóðanna og Arababandalagsins
gagnvart Sýrlandi, tekur undir
þetta en hann ætlar til Rússlands
um helgina. Óljóst er þó enn hvort
ráðherrar í stjórn Bashar al Assads
Sýrlandsforseta mega sitja í bráða-
birgðastjórninni.
Stjórnarandstaðan
rannsökuð
2EGYPTALAND Aðalsaksóknari egypska ríkisins ætlar að hefja
rannsókn á því hvort
nokkrir helstu leið-
togar stjórnarand-
stöðunnar hafi gerst
sekir um að hvetja
til stjórnarbyltingar.
Rannsóknin beinist
að Mohammed
ElBaradei, Amr
Moussa og Hamdeen Sabahi, sem
allir hafa á síðustu vikum gagnrýnt
Mohammed Morsi forseta fyrir að
taka sér einhliða nánast alræðisvöld.
Mæður í haldi á sjúkrahúsi
3KENÍA Að minnsta kosti tvær mæður, sem búa í leirkofum
skammt frá fæðingarsjúkrahúsi í
Naíróbí í Kenía, segjast ekki mega
yfirgefa sjúkrahúsið eftir að hafa
fætt þar börn vegna þess að þær
hafa ekki getað greitt sjúkrahús-
reikninga sína. Lazarus Omondi,
forstjóri sjúkra hússins, viðurkennir
glæp sinn fúslega og segist ekki geta
rekið sjúkrahúsið séu reikningar ekki
greiddir.
NÁMSSTYRKIR TIL
FRAMHALDSNÁMS ERLENDIS
Viðskiptaráð auglýsir eftir umsóknum um fjóra styrki:
Styrkirnir eru veittir vegna framhaldsnáms við erlenda háskóla í greinum sem tengjast atvinnu-
lífinu og stuðla að framþróun þess. Tveir styrkjanna gera kröfu um nám á sviði upplýsingatækni.
Hver styrkur er að fjárhæð krónur 400.000 og verða þeir afhentir á Viðskiptaþingi,
þann 13. febrúar næstkomandi.
Umsóknarfrestur rennur út klukkan 16.00 föstudaginn 25. janúar 2013.
Umsóknum skal skilað til Viðskiptaráðs Íslands, Kringlunni 7, 103 Reykjavík.
Nánar á: www.vi.is/namsstyrkir
Viðskiptaráð tekur virkan þátt í uppbyggingu menntunar og er
bakhjarl bæði Verzlunarskóla Íslands og Háskólans í Reykjavík.
VIÐSKIPTARÁÐ ÍSLANDS
ICELAND CHAMBER OF COMMERCE
VIÐSKIPTI Stærsti einstaki kröfu-
hafi í bú Kaupþings er sjóður í
stýringu bandaríska vogunar-
sjóðsfyrirtækisins York Capital
Management, 20. stærsta vogunar-
sjóðs Bandaríkjanna. Samtals á
sjóðurinn samþykktar kröfur upp
á 198,3 milljarða króna, eða 7,13
prósent allra samþykktra krafna.
Um mitt ár 2010 átti sjóðurinn
kröfur upp á 157 milljarða króna
og því er ljóst að hann hefur bætt
vel við sig á síðustu tveimur árum.
York Capital, sem sérhæfir sig í að
hagnast á viðskiptum með kröfur
á gjaldþrota fyrirtæki, er líka stór
kröfuhafi í bú Glitnis. Alls á sjóður
í stýringu York 0,58 prósent allra
samþykktra krafna í bú Glitnis.
Burlington Loan Management,
írskur sjóður í stýringu bandaríska
sjóðstýringarfyrirtækisins David-
son Kempner Capital Management,
er fimmti stærsti kröfuhafi Kaup-
þings. Sjóðurinn á samtals kröfur
upp á 109 milljarða króna, eða 3,92
prósent allra samþykktra krafna.
Burlington átti kröfur upp á 79,5
milljarða króna um mitt ár 2010 og
hefur því bætt við sig um 30 millj-
örðum króna af kröfum síðan þá.
Sjóðurinn er langstærsti einstaki
kröfuhafi Glitnis með 8,46 prósent
allra samþykktra krafna. Heildar-
umfang krafna hans í bú Glitnis
er 191 milljarður króna. Um mitt
ár 2010 átti sjóðurinn kröfur á
Glitni fyrir 142 milljarða króna og
því hefur hann bætt duglega við
sig. Burlington er einnig á meðal
stærstu eigenda Straums fjárfest-
ingabanka og Klakka, sem áður hét
Exista.
Sjóðirnir hafa keypt kröfur sínar
á brotabroti af nafnvirði þeirra á
undanförnum árum. Þegar skulda-
tryggingar íslensku bankanna voru
gerðar upp í nóvember 2008 voru
væntar endurheimtur mjög lágar.
Hjá Glitni voru þær áætlaðar um
þrjú prósent en hjá Kaupþingi um
6,6 prósent. Erlend tryggingafélög
sem höfðu selt skuldatryggingar
á íslensku bankana sátu uppi með
þessi bréf og seldu flest þeirra á
hrakvirði. Þau bréf keyptu vogunar-
sjóðir í stórum stíl. Virði krafna í bú
Glitnis hefur nífaldast síðan þá og
virði krafna í bú Kaupþings tæplega
fjórfaldast. thordur@frettabladid.is
Burlington
og York með
háar kröfur
Tveir vogunarsjóðir eiga kröfur á Kaupþing og Glitni
fyrir um 500 milljarða króna. Virði þeirra krafna sem
sjóðirnir keyptu hefur margfaldast.
Vogunarsjóðir og samþykktar kröfur
KRÖFUHAFAR Kröfuhafahópur Kaupþings samanstendur annars vegar af vogunar-
og fjárfestingasjóðum og hins vegar af bönkum, að mestu erlendum. FRÉTTABLAÐIÐ/GVA
Burlington Loan Management* 3,92% 8,46%
York Capital Management 7,13% 0,58%
CCP Credit Acquisition 1,11% 4,61%
Hilcrest Investors ltd. 3,32% 0,71%
ACMO s.a.r.l. 3,55% 2,79%
Perry Luxco 1,7% 1,98%
Thingvellir s.a.r.l. 1,68% 1,98%
TCA Opportunity Investments 1,12% 1,52%
*í stýringu Davidson Kempner Capital Management
Sjóðir
Kröfur í bú
Kaupþings
Kröfur í bú
Glitnis
HEIMURINN
1
2
3