Fjarðarpósturinn - 25.02.1988, Síða 10

10
FJARÐARPÓSTURINN
„SJÁVARRÉTTADAGUR"
ELDBORGAR
Kiwanisklúbburinn ELDBORG í
Hafnarfirði heldur sinn 9. „Sjávar-
réttadag“ í veitingahúsinu GLÆSI-
BÆ í Reykjavík laugardaginn 27.
febrúar n.k., og hefst hann kl. 12.00
á hádegi.
Klúbburinn hefur unnið að ýms-
um líknar- og menningarmálum í
þau 19 ár sem hann hefur starfað.
Það hafa einkum verið velferðar-
mál barna og unglinga en þó sér-
staklega aldraðra sem klúbburinn
hefur beitt sér fyrir.
Styrktarnefnd ELDBORGAR
mun að þessu sinni bjóða fulltrúum
styrkþega að vera viðstaddir „Sjáv-
arréttadag" og verður þeim afhent
fjárupphæð við það tækifæri.
Þessir aðilar eru: MS-félagið, Félag
Krabbameinssjúklinga, íþróttafé-
lag fatlaðra og Endurhæfingarstöð
Sjúkrahússins Sólvangs.
Aðal fjáröflun klúbbsins er
„Sjávarréttadagurinn" og hefur
hann notið vaxandi vinsælda meðal
Kiwanismanna og gesta þeirra á
undanförnum árum.
Þarna eru á boðstólum réttir
búnir til úr svo til öllu sem ætt er og
finnst í sjónum við íslandsstrendur.
Það verður soðið, steikt, grillað,
saltað, reykt, grafið og hrátt.
Málverkauppboð er fastur liður í
„Sjávarréttadegi“ og meðal þeirra
listamanna sem eiga verk á uppboð-
inu nú eru t.d., Atli Már, Eiríkur
Smith, Gísli Sigurðsson, Hreinn
SJAVAKRETTA-
DAGUR
ELDBORGAR
27. FEBRÚAR1988
Elíasson, Jón Gunnarsson, Ómar
Svavarsson og Pétur Friðrik.
Einnig verður í boði happdrætti
með fjölda góðra vinninga, m.a.
ferðavinningar.
Til skemmtunar verður, tónlist,
grín, söngur og leynigestur ELD-
BORGAR.
Heiðursgestur ELDBORGAR
verður að þessu sinni Halldór
Ásgrímsson og mun hann ávarpa
veislugesti.
Verð aðgöngumiða er kr. 2.500r
□QE
JÁRNRÚM
Bœöi hjónarúm og einstaklings.
REYKJAVÍKURVEGI 66 ■ 220 HAFNARFIRDI
_________SÍMI 54100------------
Vinsamlega greiðið
rafmagnsreikninga
fyrir eindaga.
GREIDD SKULD
ER GULLI BETRI