Fjarðarpósturinn - 25.02.1988, Blaðsíða 12

12
FJARÐARPÓSTURINN
Hafnarfjarðardeild Rauða krossins
færir St. Jósefsspítala
öryggisbúnað að gjöf.
Námskeið til varnar streitu
Einn af fylgifiskum nútíma þjóðfélags er streita. Þessi kvilli getur orðið
til af ýmsum ástæðum og oft gerir sá sem þjáist af streitu sér litla grein fyrir
orsökum og því síður gefur hann sér tíma til að íhuga á hvaða hátt hann
getur tekist á við vandamálið. Fullvíst má telja að sá mikli erill og áhyggjur
sem menn búa við í daglegu lífi sé þó meginvaldur þess að streita gerir vart
við sig. Því er oft full þörf á að fólk gefi sér tíma til að slaka á frá þeim
þáttum daglegs lífs sem veldur því áhyggjum og öðrum óþægindum. Til að
hjálpa fólki til að ná betri tökum á daglegri líðan hafa námskeið verið sett
upp, þar sem fólki er leiðbeint um hvernig það eigi að skilja streituvanda-
mál og vinna síðan af því að ná tökum á vandanum og losa sig undan óþæg-
indum sem streitan veldur.
Slíkt námskeið er að hefjast í Hafnarfirði á næstu dögum. Það verður
haldið í Gaflinum og hefst fyrsta mars n.k. Námskeiðið verður á þriðju-
dags- og fimmtudagskvöldum til tuttugasta og fjórða mars og stendur frá
kl. 20.00 til 22.00 hvert kvöld. Aðal leiðbeinandi á námskeiðinu verður Erik
Guðmundsson og stendur innritun yfir í símum 76750 og 673626 næstu
daga.
Hafnarfjarðardeild Rauðakross
íslands hefur fært St. Jósefsspítala
að gjöf tæki til þess að líta eftir
mannaferðum um spítalann.
Tækjasamstæða þessi er sjónvarps-
upptökuvél sem sett verður upp við
útidyr sjúkrahússins og tveir skjáir
sem verða staðsettir í vaktherbergj-
um á hvorri deild.
Hjörleifur Gunnarsson frá
Rauðakrossdeildinni afhenti Árna
Sverrissyni, framkvæmdastjóra St.
Jósefsspítala, þennan búnað og gat
þess í stuttu ávarpi sem hann flutti
við það tækifæri að leitað hefði ver-
ið eftir íslensku nafni. í samvinnu
við Árna Böðvarsson, cand. mag.
og Orðabók Háskólans hafi nafnið
„köguður“ fundist en það merkir
sá sem lítur eftir. Hann afhenti því
tækin með heitinu köguður og ósk-
aði þess að þau kæmu spítalanum
til gagns. Þau væru örlítill þakk-
lætisvottur fyrir allt samstarf deild-
arinnar við spítalann frá stofnun
hennar.
Árni Sverrisson þakkaði gjöfina
og ræddi nokkuð um samstarf St.
Jósefsspítala og Rauðakrossdeild-
arinnar í Hafnarfirði sem hann
kvað alla tíð hafa verið mjög gott.
Þótt spítalinn væri stór stofnun sem
velti miklum fjármunum þá væri
aldrei hægt að sinna öllu sem þyrfti
og hlutir sem þessir væru því mót-
teknir með þakklæti.
TROMPREIKNINGUR
SPARISJÓÐANNA
»ÖRUGGUR og verðtryggður reikningur
með raunvöxtum
»VEXTIR trompreiknings og verðtrygging er
borin saman við sérstaka trompvexti á 3ja mánaða
fresti og þú færð þau kjör sem hærri eru
i