Fjarðarpósturinn - 03.03.1988, Blaðsíða 4

FfflRÐM
ptítWM
Ritstjóri og ábm.: Fríða Proppé
Auglýsingastjóri: Þórður Ingimarsson
Blaoamaour: Gunnar Sveinbjörnsson
Framkvæmdastjóri: Sigurður Sverrisson
Ljósmyndir: Fjarðarpósturinn og Róbert Ágústsson
Setning, umbrot, filmuvinnaog prentun: Borgarprent
Útlit: Fjarðarpósturinn
Útgefandi: Árangur hf. -almannatengsl og útgáfustarfsemi
Skrifstofa Fjarðarpóstsins er að Reykjavíkurvegi 72 (2.
hæð) og eropin allavikadagafrá kl. 10-17. Símar651745
og 651945
Hrepparígur
og þjóðarhagsmunir
Þaö kæmi víst fáum á óvart, aö í kjölfar tilkynning-
ar um aö álver verði aö veruleika viö Straumsvík hefji
einhver landsbyggðarþingmaðurinn upp raust sína,
helst utan dagskrár á Alþingi. Sá sem fyrstur geisist
upp í ræðustólinn veröur væntanlega úr Noröur-
landskjördæmi eystra eöa Austfjarðakjördæmi.
Ábúöarfullur og meö vandlætingarsvip, - ef sjón-
varpsupptökumenn fást á staöinn, - mun hann krefja
iðnaðarráðherra svars um þaö, hvort virkilega sé ætl-
unin að byggja nýtt álver við Straumsvík. - Af hverju
ekki við Eyjafjörð? - eða: Af hverju ekki fremur kísil
málmvinnslu við Reyðarfjörð?
Hrepparígur og kjördæmapot virðast orðið eitt af
stærstu vandamálum á háttvirtu Alþingi, - svo stórt,
að þingflokkar leysast upp í frumeindir; hugsjónir
jafnvel þjóðarhagur hverfa eins og dögg fyrir sólu í
hvert sinn sem taka þarf ákvarðanir um þjóðþrifar-
mál.
Blómleg og ört vaxandi byggð í Hafnarfirði á vissu-
lega að hluta rætur að rekja til staðsetningar (SAL, en
menn mega ekki gleyma því í ofsjónum yfir vel-
gengni bæjarins, að atvinnu og afkomu í tengslum
við álverið njóta íbúar þessa lands langt út fyrir mörk
Hafnarfjarðar og Reykjaneskjördæmis. - Hið sama
gildir um tilkomu nýs álvers. Virkjanaframkvæmdir
og þjónustufyrirtæki tengd þeim verða að veruleika,
án bæja- og hreppamarka.
Stjórnendur þeirra erlendu stórfyrirtækja sem vilja
reisa hið nýja álver eru áreiðanlega lítið að hugleiða
íslenska byggðapólitk. Þeir spyrja sérfræðinga ein-
faldlega um hagkvæmni. Staðreynd er, að nýtt álver
verður hvergi sett niður á landinu á eins hagkvæmum
stað og við Straumsvík. Kemur þar margt til. Ef við
færum að reyna að „skikka'1 erlenda stóriðjumenn til
annars staðarvals myndu þeir einfaldlega byggja sín
álver annars staðar, t.d. í Kanada, Venesúela,
Ástralíu og jafnvel við Persaflóa.
Ef hrepparígsjarmið hefst á ný, þannig að þessu
hagsmunamáli allra landsmanna verði hætta búin,
þá skorar Fjarðarpósturinn á þingmenn kjördæmis-
ins, alla sem einn, að vinna bráðan bug að því að
koma landinu undir einn hatt - í eitt kjördæmi,
ÍSLAND.
Væntum góðrar samvinnu
Blaðið hefur verið gefið út af mikilli ósérhlífni og
dugnaði forvera okkar, sem bætt hafa vinnunni við
blaðið ofan á fulla vinnu annars staðar. Kunnum við
þeim bestu þakkir fyrir góða leiðsögn og það traust
sem þeir sýna með að fela okkur Fjarðarpóstinn til
áframhaldandi rekstrar.
Ágæti lesandi. Við væntum góðrar samvinnu og
munum leggja allt okkar af mörkum til að árangur geti
orðið sem bestur.
ORÐABELGUR:__________________
Léleg þjónusta Landleiöa
Leiður Landleiðafarþegi
skrifar:
Hvað á fyrirtækið Landleiðir
lengi að komast upp með að segja,
að áætlunum og akstursleiðum í
Hafnarfirði verði ekki breytt,
hversu svo sem bærinn þenst út og
hversu svo sem notendum þjón-
ustu þeirra henta illa tímaáætlanir
vagnanna?
Dæmi:Af hverju geta fyrstu
vagnanir á morgnanna ekki verið
tíu mínútum fyrr á ferðinni? Þeir
sem hafa séð kapphlaup farþeg-
anna nokkrum sekúndum fyrir
klukkan átta og níu á morgnanna
í skólana og fyrirtæki í miðbæ
Reykjavíkur, skilja hvað ég er að
fara. Ef vagnarnir færu tíu mínút-
um fyrr af stað fengju hafnfirskir
MR-skælingar og starfsmenn í
miðbæ Reykjavíkur ekki bágt á
hverjum morgni vikunnar.
Hafa Landleiðamenn ekki hug-
mynd um, hversu byggðin í Hafn-
arfirði hefur þanist út? Gætu þeir
ekki skoðað nýtt kort af bænum?
Þá sæju þeir t.d. að íbúum, sem
kannski vildu verða viðskiptavinir
þeirra, fjölgar dag frá degi í Set-
bergshverfi. I Hvömmunum búa
einnig margir sem þeir gætu þjón-
ustað, ef þeir hafa þá nokkurn
áhuga á því.
Ég skora á Hafnfirðinga að láta
heyra í sér um þessi mál. Mér
finnst fyllilega tímabært að fara að
gera eitthvað róttækt, t.d. mynda
þrýstihóp eða halda borgarafund.
Þá skora ég að Fjarðarpóstinn að
gera eitthvað í málinu.
Fjarðarpósturinn tekur
áskoruninni. Hann mun kanna
þetta mál og birta niðurstöður
síðar.
Hundalaus bær?
Bæjarbúi skrifar:
Hvernig er það. Er Hafnar-
fjörður ekki hundlaus bær? Þá
meina ég, hvort hundahald sé
ekki bannað í bænum?
Ég er ekki frá þvf, að nokkrir
hundar eigi hér heimili. Ekki að
ég sé að finna neitt að því. Mér
þykja hundar hinir skemmtileg-
ustu skepnur og efast ekki um
uppeldisgildi þess fyrir börnin að
fá að alast upp meö þann góða vin
á heimilinu.
Spurningin er einfaldlega til-
komin vegna þess, að mér finnst
þessi afstaða, að vilja ekki hafa
sams konar eftirlit með hund-
ahaldinu og er í nágrannabyggð-
arlögum okkar, þ.e. Garðabæ og
Bessastaðahreppi, fáránleg.
Hvernig er heilbrigðiseftirliti
háttað? Eru þessir hundar hreins-
aðir og hver á að líta eftir því að
þeir gangi ekki lausir? í nágranna-
byggðarlögunum eru sérstakir
hundaeftirlitsmenn sem sjá um
þetta og árlega fara fram hunda-
hreinsanir. Þar greiða hundeig-
endur ennfremur gjald til sveitar-
félagsins, sem ég tel að verði til
þess að fólk fær sér ekki hund,
nema það hafi virkilega áhuga á
því og þar af leiðandi hugsi það
betur um hundana sína.
Mér datt þetta svona í hug, þeg-
ar ég mætti stórum fallegum
hundi, sem spókaði sig aleinn í
umferðartraffíkinni á Reykjavík-
urveginum í morgun. Hvað finnst
þér Fjarðarpóstur góður?
Fjaröarpósturinn varpar bolt-
anum til lescnda. Hvað fínnst
ykkur?
Orðabelgur ■ vettvangur les-
enda á síöum Fjarðaipóstsins
Orðabelgur er þáttur þar sem lesendum gefst tækifæri á að tjá sig um allt það sem þeir vilja. Orðabelg-
ur „Velvakandi" Fjarðarpóstsins.
Við birtum bréf undir dulnefnum, ef fólk kýs, en fullt nafn og heimilisfang verður að fylgja bréfunum,
sem við geymum fyrir okkur. Að sjálfsögðu gilda þær reglur, að Orðabelgur lætur ekki frá sér fara níð
eða háðung um nafngreinda menn.
Hér að ofan fara fyrstu tvö lesendabréfin í þessum dálki, en við skorum á ykkur, lesendur góðir, að
láta ekki þcnnan gullvæga vettvang ónotaðan.
• •
SOLUBORN
Fjarðarpóstinn vantar enn nokkur börn til þess að annast sölu
blaðsins í tilteknum hverfum á fimmtudögum.
Einkum er um að ræða hverfí í Suðurbænum en einnig ann-
ars staðar.
Þau börn sem áhuga hafa á að veita okkur lið og næla sér um leið
í aukapening vinsamlegast hafi samband við skrifstofu Fjarðarp-
óstsinsað Reykjavíkurvegi 12, 2. hæð, símar 651745 og 651945
sem allra fyrst. Skrifstofan er opin frá kl. 10-17 alla virka daga.
Hægt er að koma skilaboðum í símsvara í síma 651945 utan
skrifstofutíma.
FJARÐARPÓSTURim
4