Fjarðarpósturinn - 17.03.1988, Blaðsíða 6
Skotfélagsmenn métmæla úthlutun æfingarsvæóis!
„Það tæki okkur 200 ár að
greiða jarðvegsvinnuna“
Skotveiðimaður með vœnan feng.
Skotfélag Hafnarfjarðar
hefur sent bæjaryfírvöldum
bréf, þar sem þeir lýsa and-
stöðu og óánægju félagsins
vegna áforma um að úthluta
því æfingasvæði í Kapellu-
hrauni. Félagið leitar eftir
aðstöðu á svæðinu milli Ham-
arsness og Grímsness.
Skotfélagið hafði sótt um æf-
ingasvæði í þeim tilgangi að beina
mönnum á einn stað, sem stunda
vilja skotfimi sem íþrótt og einnig
þeim sem þurfa að undirbúa sig til
veiða. Með því móti telur félagið,
að þeim muni fækka verulega sem
eru umhverfi sínu hættulegir allt í
kringum bæinn.
Að sögn Ferdinands Hansen,
formanns félagsins, tæki það í
fyrsta lagi félagið um 200 ár að
greiða jarðvegsvinnu við hið út-
hlutaða svæði, miðað við núver-
andi félagsgjöld. Þá mun vind- og
veðurátt mjög óhagstæð til skot-
æfinga í Kapelluhrauni. Svæðið
sem þeir sæktust eftir væri aftur á
móti eins og af náttúrunni gert fyr-
ir félagsmenn. „Við gætum byrjað
þar strax sama kvöldið og úthlut-
un á sér stað“, sagði hann.
„Ferdinand sagði ennfremur,
að allt sem varðaði öryggismál
hentaði betur á svæðinu milli
Hamarsness og Grímsness. Þar
væri engin byggð, en aftur á móti
mætti búsat við heilu áveri á svip-
uðum slóðum og bærinn væri að
úthluta þeim æfingarsvæði.
í Skotfélagi Hafnarfjarðar eru
nú skráðir um 140 félagsmenn, en
Ferdinand sagði, að líklega væru
40 til 50 félagsmenn virkir og
mættu á æfingar. Hann sagði
skambyssuskotfimi mest stund-
aða innan félagsins ennfremur, að
allar tegundir skotfimi sem yfir
höfuð væru stundaðar séu viður-
kenndar Olympíugreinar.
Bæjarráð tók bréfið með and-
mælum Skotfélagsins til
umfjöllunar á fundi sínum 10.
mars sl. og vísaði því til skipulags-
stjóra til frekari athugunar.
GVENDUR GAFLARI:___________________
Sérfræðingar og sérfræðikunn-
átta við sérstakar sérhannanir
í margs konar almennri
umræðu gcrast oft ýmsar mál-
tískur, ef svo má að orði komast.
Sumar slíkar tískur verða leiði-
gjarnar, ef þær eru ofnotaðar.
Eg hefí áður drepið á það hvim-
leiða fyrirbrigði, að nú er helst
enginn maður fróður lengur, en
hann skal því oftar vera sér-
fróður. í fréttum er ekki lengur
vitnað til fróðra manna heldur
nægir ekki minna en hann sé sér-
fróður, ef nokkurt mark skal á
honum takandi.
Áður fyrr voru flestallar fram-
kvæmdir teiknaðar og gerðar um
þær áætlanir og útreikningar.
Svo breyttist þetta og það var
farið að hanna alla skapaða
hluti. En nú dugar það heldur
ekki lengur því nú er farið að sér-
hanna flest það sem gera skal.
Það eru sérfræðingar sem sér-
hanna framkvæmd í þessu landi
núorðið, þó það megi ekki skilja
það svo, að þjóðfélagið sé úr hófi
fram sér-hæft eða sér-viturt.
Þvert á móti er allt okkar samfé-
lag að verða sífellt fjölbreyttara
á flestum sviðum.
Menn menntast heldur ekki
lengur. Það dugar ekkert minna
en sér-menntast. Þetta er sér-
kennilegt fyrirbæri og sérstæð
málvenja sem er að skapast.
Líklega erum við farin að
ofdýrka hvers konar sérfræð-
ings- og sérfræðikunnáttu við
sérstakar sér-hannanir í sér-
hverri athöfn og framkvæmd.
Ekki þarf að draga í efa að jafn-
vel hriplek hús hafa í upphafi og
af góðum ásetningi verið sér-
hönnuð og byggð af sér-fróðum
mönnum. Ég hefði viljað sleppa
öllum sérstökum áherslum á
gerð slikra sér-hannaðra húsa og
láta þess aðeins getið upp á
gamla móðinn, að slíkt hús hafi
einungis verið teiknað og síðan
byggt.
Orðin sérfræðingur og sér-
hönnun eru svo sterkar áherslur í
hvers konar lýsingum á fram-
kvæmdum og athöfnum , að þau
eru farin að vekja hjá manni
grun um, að ekki sé allt með
felldu.
Og þegar fréttamenn vitna til
álits sérfróðra manna til að
undirstrika sannleiksgildi frétta
sinna þá læðist orðið að manni sá
grunur, að það sé verið að segja
manni einhverja bölvaða lygi.
Það hlýtur að vera þessi sérstaka
ofnotkun á orðunum til lýsingar
á sérstæðum atburðum og
athöfnum. Líklega er of seint að
stilla svona sérstæðum lýsingum
í hóf.
Önnur sérstök málvenja hefur
skapast á síðustu árum. Það eru
helst ekki skipaðar lengur nefnd-
ir til að sinna hinum fjölbreytt-
ustu verkefnum. Nú tala póli-
tíkusarnir um vinnuhópa. Lík-
lega kemur þetta til af því, að
menn eru farnir að hafa skömm á
nefndum. Það er alþekkt fyrir-
brigði til dæmis á Alþingi, ef
menn vilja svæfa eitthvert mál,
þá er það sett í nefnd, eða vísað
til nefndar. Fólk var farið að hafa
svo mikla skömm á nefndum,
sem almennt voru þekktar fyrir
allt annað en að vera röskar að
vinna.
Nefndir voru skipaðar í sér-
hverju máli til undirbúnings og
athugana. Og fjölmargar nefndir
voru þekktar af því að sinna í
engu því sem þeim var ætlað að
gera.
Með allra víðfrægustu nefnd-
um mun þó líklega vera stjórnar-
skrárnefnd, sem hefbr verið við
líði um nokkurra áratuga skeið,
án þess að menn minnist þess að
nokkrar niðurstöður hafi legið
fyrir. Einhver laun munu þó
greidd þessari nefnd.
Líklega hefur það fyrirbrigði
að skipa vinnuhópa til að undir-
búa mál eða álykta um verk og
athafnir þann tilgang að undir-
strika þann vilja og áhuga, að
ekki sé verið að svæfa málið.
Nefnd sérfróðra manna lofar
ekki góðu og líklega er vinnu-
hópur fróðustu manna skömm-
inni skárri.
Pessi ,fsérfrœðingur“ er í þungum þönkum við tölvuna.
6