Fjarðarpósturinn - 24.03.1988, Blaðsíða 7

Viógerö lokift í HafnarfjarJaitóikju:
Klukkur Hafnarfjarðar-
kiifcju klingja nú með
reglubundnum hætti á ný
Stefnt ai uppsetningu nýs kross fyrir Pálmasunnudag
Klukkurnar í turni Hafnarfjarðarkirkju hringdu til að upplýsa um
tímatalið á ný í síðustu viku, en klukkan hafði verið óvirk frá því í
nóvember vegna bilunar. Eftir er að laga lýsingu í stöfum klukknanna
á turninum en það verður gert alveg á næstu dögum, þannig að sjá má
hvað tímanum líður á öllum tímurn sólarhringsins. Þá megum við enn-
fremur vænta þess, að fyrir fyrstu fermingarnar nk. sunnudag, Pálma-
sunnudag, verði krossinn kominn á kirkjuturninn í upprunalegri
mynd, en hann var nýverið tekinn niður kolryðgaður og skemmdur.
Klukkan, sem kirkjuklukkurn-
ar slá eftir, er þýsk að gerð og
mjög fullkomin. Fjarðarpóstur-
inn hitti Ásgeir Long tækjafræð-
ing Tækniskólans að máli nýverið
og sýndi hann okkur aðstæður í
kirkjuturninum, en hann hefur
tekið að sér umsjón með klukkun-
um og klukkuverkinu.
Klukkan sjálf, sem staðsett er
inn af orgeli kirkjunnar, er með
nákvæmri tímastillingu. Hún er
svonefnd lóðaklukka, þannig að
verkið gengur upp á sekúndubrot
og þolir allt að 12 klukkustunda
rafmagnsleysi, án þess að skekkj-
ast eða stoppa.
í kirkjuturninum eru tvær
klukkur af tveimur stærður. Sú
stærri, sem er úr stáli slær á klukku-
stundafresti, en sú minni, sem er
koparklukka smfðuð í Hamri árið
1930, á fimmtán mínútna fresti;
einu sinni fimmtán mínútur yfir
heilan tíma, tvívegis á hálfa
tímanum, þrjú slög fimmtán
mínútur fyrir heila tímann og síð-
an fjórum sinnum á heila tíman-
um, áður en stóra klukkan slær
sinn hljóm.
Ásgeir sagði það mikið ná-
kvæmnisverk að stilla klukkuna,
en að nú mætti vænta þess að hún
gengi hárrétt. Hann sagði enn-
fremur að Skúli Þórsson rafvirki
sæi um allt sem varðaði rafmagn
svo að nú mætti vænta þess að
klukkan í Hafnarfjarðarkirkju
passaði upp á tímann fyrir okkur
án frekari truflana.
Krossinn var tekinn niður
nýverið, kolryðgaður og svo til
ónýtur að sögn Ásgeirs. Á göml-
um myndum, þeim síðustu frá
1950, má sjá, að neðarlega á
krossleggnum var stór kúla, en
krossinn var búinn til úr galvanis-
eruðu vatnsröri. Nú verður hann
smíðaður úr ryðfríu stáli og kúlan
sem endursmíðuð verður trúlega
úr trefjagleri. Ásgeir sagði, er
Fjarðarpósturinn leitaði frétta af
krossinum sl. mánudag, að hann
væri að bíða eftir efni í hann, en
að allt kapp yrði lagt á að koma
honum upp fyrir fermingarnar á
Pálmasunnudag.
Þess má að lokum geta, að
Hafnarfjarðarkirkja var teiknuð
af Rögnvaldi Ólafssyni húsa-
meistara. Kirkjan var vígð af Þór-
halli Bjarnasyni biskupi 20. des-
ember 1914. Fyrsta helgiathöfnin
sem fór fram í kirkjunni, að
undanskilinni sjálfri vígslunni,
var jarðarför yfirsmiðs kirkjunn-
ar, Guðna Þorlákssonar. Guðni
andaðist 14. desember 1914 úr
lungnabólgu og hafði þá nálega
lokið kirkjusmíðinni. Hann var
jarðsunginn á Þorláksmessu.
Ásgeir Long hefur
tekið að sér umsjón
með klukkunni og
gangverkinu og œtti
hvoru tveggja að
vera í góðum
höndum.
ERUMAÐ
TAKAUPP
VORFATNAÐENN
STRANDGÖTU 31,220 HAFNARFIRÐI, SlMI 53534
Víðivellir
Þroskaþjálfi óskast nú þegar á sérdeild Víðivalla.
Ráðning er til óákveðins tíma. Upplýsingar gefur
deildarþroskaþjálfi í síma 54835.
Norðurberg
Fóstra óskast til starfa á leikskólann í Norður-
bergi. Vinnutími eftir hádegi. Upplýsingar gefur
forstöðumaður í síma 53484.
Smáralundur
Fóstra/starfsmaður óskast til starfa á leikskólan-
um Smáralundi. Upplýsingar gefurforstöðumaður í
síma 54493.
Fóstrur
Fóstrur og annað uppeldismenntað starfsfólk
óskast til starfa á nýtt dagvistarheimili í Hafnarfirði.
Upplýsingar gefur forstöðumaður í síma 652495 og
dagvistarfulltrúi í síma 53444.
FÉLAGSMÁLASTJÓRINN í HAFNARFIRÐI