Fjarðarpósturinn - 24.03.1988, Blaðsíða 16
FLUTNINGUR ER OKKAR FAG
EIMSKIP
VÖRUAFGREIÐSLA HAFNARFJARÐARHÖFN
SÍMAR 51710-52166-52876
Askrifendasöfnun er hafin!
Vinsamlegast hringið í síma 651745 eða 651945 (símsvari eftir lokun
skrifstofu) og tryggið ykkur Fjarðarpóstinn í áskrift strax eftir páska.
Nýr togari Sjólastöövarinnar
Haraldur Kristjánsson HF 2,
í fyrsta sinn til hafnar í gær
Haraldur Kristjánsson HF 2
sigldi fánum prýddur í fyrsta sinn í
heimahöfn í gærmorgun, en skip-
ið er nýtt skip Sjólastöðvarinnar,
systurskip Sjóla. Haraldur er 883
brúttórúmlestir og kemur í stað
togarans Karlsefnis. Skipstjóri á
Haraldi er Helgi Kristjánsson,
yfirvélstjóri Þorbergur Þórhalls-
son. Skipið var smíðað hjá Flekke-
fjord Slipp í Noregi og er það 25.
skipið sem þeir smíða fyrir íslend-
inga.
Haraldur Kristjánsson, sem
skipið er nefnt eftir, var annar
stofnandi Sjóla, ásamt Jóni
Guðmundssyni. Haraldur sem
lést fyrir um 8 árum var skipstjóri
á gamla Sjóla. í júnímánuði n.k.
eru 20 ár liðin frá því Sjólastöðin
var stofnuð. Að sögn Haraldar
Jónssonar framkvæmdastjóra
Sjólastöðvarinnar er kaupverð
skipsins 375 millj. kr., en norska
ríkið mun endurgreiða 75 millj.
kr. af því. Um ástæðu þess, að
þessi gerð af skipi var valin sagði
Jón Guðmundsson, að það kæmi í
stað Karlsefnis sem orðinn var 22
ára, er hann var seldur. Þó Karls-
efni hafi verið stærra skip hefði
Sjóli reynst mjög vel og því verið
ákveðið að Haraldur yrði í sömu
stærð.
Haraldur Kristjánsson er hið
glæsilegasta skip. Það hefur tvær
frystilestir sem einnig eru útbúnar
fyrir ísfisk. Öll aðstaða fyriráhöfn
er til fyrirmyndar og siglinga- og
fiskleitartæki af nýjustu gerð.
Helgi Kristjánsson skipstjóri
sagði að heimferðin hefði gengið
vel og að skipið héldi til veiða
strax í næstu viku.
Eins og sjá má eru vinnupallarnir áberandi við inngang heilsugœslu-
stöðvarinnar.
Heilsugæslulæknar lýsa áhyggjum sínum:
Telja framkvæmdir
við hús Spari-
sjóös útilokaðar
Læknar við heilsugæslustöðina
hafa sent bæjaryfirvöldum bréf
þar sem þeir lýsa áhyggjum sínum
vegna fyrirhugaðra framkvæmda
við þá hlið húss Sparisjóðsins sem
snýr út að Thorsplani. Telja þeir
reyndar útilokað að ráðist verði í
umræddar framkvæmdir meðan
Fjarðarpóstur-
inn á þriöjudag
Fjarðarpósturinn vill vekja
athygli lesenda sinna svo og
auglýsenda á því að næsta
blað kemur út á þriðjudag í
næstu viku vegna páskanna.
Ekkert blað verður hins vegar
fyrst vikuna eftir páska.
Skilafrestur á efni og auglýs-
ingum í næsta blað er til
hádegis á mánudag.
starfsemi heilsugæslustöðvarinn-
arfer þarfram.
Guðmundur Arni Stefánsson,
bæjarstjóri, sagði í viðtali við
Fjarðarpóstinn, að þetta væri
vandræðamál. Sparisjóðurinn
vildi ráðast í nauðsynlegar lag-
færingar sem fælust í að brjóta svo
til alveg niður vegginn sem snýr að
Thorsplaninu. A meðan á því
stæði yrðu þeir að byggja utan um
húshliðina allt að einum metri frá
veggnum. Sagði Guðmundur
Árni, að bæjaryfirvöld væru að
athuga, hvort ekki væri hægt að
fresta framkvæmdunum, en
reiknað er með að unnt verði að
flytja starfsemi heilsugæslustöðv-
arinnar 1. októbern.k. Sparisjóð-
urinn á aftur á móti í vandræðum
þar sem húsnæðið getur legið und-
ir skemmdum vegna lekavanda-
mála og besti tími til slíkra fram-
kvæmda framundan, þ.e. sumar-
tíminn.
Haraldur Kristjánsson HF 2 kemur til heimahafnar í fyrsta sinn snemma í gœrmorgun. Innfellda myndin er
afþeim Helga, Porbergi, Jóni og Haraldi í brúnni.
Bærinn keypti eigin mistök
Bæjarsjóður hefur keypt eigin
mistök, sem fólust í úthlutun lóð-
ar undir parhús við Einiberg í
Setbergslandi, rétt við vegamót
Reykjanesbrautar og Lækjar-
bergs. Botnplata hússins hafði
verið steypt þegar mistökin upp-
götvuðust.
Lóðinni var úthlutað til Péturs
Einarssonar, byggingarmeist-
ara, en úthlutunin fór fram eftir
röngum uppskriftum, að sögn
Gunnars Rafnsbæjarritara. Gef-
ið var út leyfi fyrir parhúsi og
gleymdist að reikna með að
skammt frá lóðinni eru fyrirhug-
uð göng undir Reykjanesbraut.
Botnplata parshússins hefur
þegar verið steypt og er lítil prýði
af, eins og sjá má á meðfylgjandi
mynd. Bæjarritari sagði, að ætl-
unin væri að auglýsa plötuna og
tooina til úthlutunar með breytt-
um byggingarskilmálum, þannig
að þarna mun væntanlega rísa
einbýlishús í samræmi við húsin í
kring. Aðspurður um kaupverð
bæjarsjóðs kvaðst Gunnar ekki
muna töluna en að greitt hefði
verið kostnaðarverð bygging-
armeistarans, sem aðilar komu
sér saman um.