Fjarðarpósturinn - 29.03.1988, Blaðsíða 12

GVENDUR GAFLARI:___________________________________
„Síbyljan" er það sem fólkið vill
Fjölmiðlun hefur verið ákaflega mikið til umræðu manna á meðal
þessi síðustu misseri enda „fjölmiðlabyltingin“ sem svo hefur verið
nefnd í algleymingi og sér ekki fyrir endann á henni. Útvarpsstöðvar
hafa skotið upp kollinum, hver á fætur annarri, en þrátt fyrir hina
miklu þenslu Ijósvakamiðlanna hafa prentmiðlarnir haldið velli -
þvert ofan í spár ýmissa spekinga. Víkjum að þeim hér á eftir.
Nýju útvarpsstöðvarnar náðu
eyrum fólks í upphafi, sér í lagi
Bylgjan, enda fyrsta stöðin í
einkaeigu. Um leið og hún kom
fram á sjónarsviðið kepptist fólk
við að lofa hana og prísa -aðal-
lega í ljósi þess að þar var um að
ræða hið mjög svo dáða og elsk-
aða einkaframtak. Gæði dag-
skrár skiptu í sjálfu sér litlu máli
- allir hylltu einkaframtakið í
samkeppninni við „stóra
hróður“, ríkisútvarpið. Nokkur
byrjendabragur var á Bylgjunni
til að byrja með en fór fljótt af
henni. I dag er hún án nokkurs
vafa langsamlega áheyrilegasta
„létta“ útvarpsstöðin.
Minni hlustun
Nýleg könnun á hlustun
útvarpsstöðvanna leiðir þó í ljós,
að Stjarnan nýtur mestrar hylli á
meðal almennings um leið og
hún hnykkir á þeirri staðreynd,
að hlustun á útvarp fer almennt
minnkandi. Fyrstu mánuðina
eftir að Rás 2 hóf starfsemina og
nýjabrumið var enn á einu „létt-
mestisstöðinni" var hlustunin
um og yfir 50%. Stjarnan,
Bylgjan, Rás 2, Rás 1 Ljósvak-
inn og Rót ná þessari hlustun
ekki samanlagt í dag ef hádegis-
°g kvöldfréttir Rásar 1 eru
undanskildar.
Oneitanlega er það merkileg
staðreynd, að Stjarnan skuli hafa
jafnmikla hlustun og raun ber
vitni - og þó kannski ekki. Efni
Stjörnunnar er að stórum hluta
ákaflega léttvægt og lítið í það
lagt. Uppistaðan er vinsælda-
listapopp og stuttar kynningar
kryddaðar með nafni þáttagerð-
armanns, hvað klukkan er,
hvernig veðrið er og hvað þáttur-
inn heitir. Þessar kynningar eru
svo endurteknar í sí og æ. Stjarn-
an er í raun persónugervingur
hinnar mjög svo umræddu og
umdeildu „síbylj u“ nýju
útvarpsstöðvanna. Þrátt fyrir
alla gagnrýnina á „síbyljuna"
kemur Stjarnan best út úr
nýjustu könnuninni. Könnunin
staðfestir í raun að „síbyljan" er
það sem fólk vill heyra.
Hver er skýringin?
Niðurstöður þessarar nýjustu
hlustendakönnunar þurfa í sjálfu
sér ekki að koma svo mjög á
óvart. Það eru tvær meginástæð-
ur fyrir því að hlustun hefur
dregist svo mikið saman sem
raun ber vitni. Önnur er sú, að
almenningur vinnur meira en
áður og gefur sér þar af leiðandi
æ minni tíma til þess að hlusta á
útvarp yfir daginn. Hin er sú, að
aðeins lítið brot landsmanna er
svo illa gefið, að það láti mata sig
daginn út og inn með innihalds-
lausu hjali um ekki neitt. Þetta
litla brot er hins vegar sú hjörð
sem fylkir sér um „síbyljuna.
Þessa hjörð skiptir engu þótt ver-
ið sé að segja henni það sama alla
daginn - aðeins með örlítið
breyttum áherslum.
Enginn skyldi þó ætla að á
„léttu“ útvarpsstöðvunum fynd-
ist hvergi neitt gott. Sem dæmi
um slíkt má nefna þætti eins og
„Reykjavík síðdegis" á Bylgj-
unni, „Dagskrá" á Rás 2 og fleiri
þætti. Rás 1 hefur aftur á móti
haldið sínu striki allan tímann og
býður upp á langsamlega vand-
aðasta útvarpsefnið þótt það
gangi e.t.v. ekki í unga fólkið.
Þrátt fyrir allan djöfulganginn og
moldviðrið í kringum „léttu“
stöðvarnar hefur Rás 1 „haldið
haus“ sem sagt er og ekki hvikað
frá sinni stefnu. Hinar stöðvarn-
ar hafa smám saman verið að
grafa sína eigin gröf með sífelld-
um tilfærslum og uppstokkunum
á efni - en þó í raun aðeins upp-
stokkun á sama grautnum - í
tryllingslegri tilraun sinni til þess
að ná til hlustenda. Allur þessi
handagangur hefur aðeins leitt
til þess að fjöldi fólks hefur orðið
fráhverfur útvarpi.
Hrakspár
En aftur að prentmiðlunum.
Það er ekki nýtt að þeim birtist
hrakspár. Þegar útvarpið kom
Laun 12 starfsmanna rúmar
11 milljónir króna á hálfu ári
Yfirvinnubann
U.17ámorgui
Hvorki sjónvarp, útvarp eöa tölvubyltingin hafa náð að velta prentmiðlunum úrsessi. Byltingin á Ijósvaka■
miðlunum hefur aðeins styrkt stöðu bœjar- og héraðsfréttablaða.
fyrst til sögunnar töldu menn að
blöðin ættu ekki möguleika á
samkeppni í fréttaflutningi.
Útvarp yrði alltaf fyrr á ferð með
fréttirnar. Þessi kenning hefur
haldið velli að hluta til en alls
ekki að öllu leyti. Fréttatímar
útvarpsstöðva eru stuttir og
knappir og leyfa ekki að farið sé
ítarlega í saumana á málum
þvert ofan í það sem dagblöðin
gera.
Þegar sjónvarpið kom fyrst til
sögunnar heyrðust sömu radd-
irnar og enn heyrðust þær þegar
tölvuöldin gekk í garð með öll-
um sínum möguleikum. Strax
heyrðust þær raddir, að kerfi á
borð við „Teletext", þar sem
sjónvarpsáhorfandi getur gerst
áskrifandi að sérstakri frétta- og
upplýsingaþjónustu og nýtt sér
hana hvenær sólarhringsins sem
er, myndi ríða blöðunum að
fullu. En allt fór þetta á sömu
leið. Dagblöðin lifa enn og það
góðu lífi mörg hver.
Þróun dagblaða á íslandi er
komið út í óheppilegt tvíhöfða
veldi Morgunblaðsins og DV.
Tíminn, Þjóðviljinn, Dagur og
Alþýðublaðið eru með í slagnum
en af mismiklum mætti. Dagur
hefur þó þá sérstöðu að vera eina
dagblaðið utan Reykjavíkur og
virðist hafa náð fótfestu í Eyja-
fjarðarbyggðum og nærliggjandi
héruðum.
Dagur er í raun héraðsblað þótt
hann sinni ýmsu er gerist „sunn-
an heiða“ og þar er lykillinn að
velgengni hans falinn.
Með stöðugri „síbylju“ dag-
blaðanna um hörmungar úti í
heimi, afleitu efnahagsástandi
innanlands þrátt fyrir „góðæri“
og öðru í þessum dúr, vex þörfin
fyrir fréttablöð er sinna eistök-
um bæjum og bygðalögum. „Sí-
byljan" hefur eftir allt saman
haft þau áhrif, að blöð á borð við
Fjarðarpóstinn gegna æ mikilvæg-
ara hlutverki í sínu byggðalagi.
Það hefur sannast áþreifanlega
með „nýja“ Fjarðarpóstinum
sem hefur fengið forkunnargóð-
ar móttökur Hafnfirðinga.
EFTIRTALIN FYRIRTÆKI SENDA HAFNFIRÐINGUM
BESTU ÓSKIR UM GLEÐILEGA PÁSKA
Bílamálun Alberts
-Stapahrauni, sími 54895
BB-húsgögn
- Dalshrauni 1, sími 51620
Freeman’s-vörulistinn,
- Reykjavíkurvegi 66, sím 53900
BK-innréttingar,
- Skútahrauni 5, sími 51708
Hárgreiðslustofan Toppur,
- Austurgötu 4, sími 652343
Ás-húsgögn,
- Helluhrauni 10, sími 50564
Fiskverkun Aðalsteins,
- Eyrartröð 4, sími 53853
Snyrtistofa Áslaugar,
-Álfaskeiði 105, sími 51443
Söluturninn
- Flatahrauni, sími 50553
12