Fjarðarpósturinn - 14.04.1988, Blaðsíða 14

ÍÞRÓTTASÍÐA FJARÐARPOSTSINS

handknattleik
Fjórði flokkur FH í handknatt-
leik náði þeim ágæta árangi að
hafna í fjórða sæti á íslandsmót-
inu sem lauk fyrir skömmu. Mark-
vörður liðsins er Halldór V. Haf-
steinsson og hann gegnir jafn-
framt fyrirliðastöðunni. Halldór
æfir einnig knattspyrnu með FH
og körfuknattleik með Haukum
og hefur því í nógu að snúast.
Fjarðarpósturinn náði tali af þess-
um efnilega og fjölhæfa íþrótta-
manni og innti hann eftir loka-
keppni íslandsmótsins hjá
4. flokki, sem fram fór á Akureyri.
„Arangur okkar á mótinu var
viðunandi að mínum dómi. Auð-
vitað hefði verið skemmtilegra að
vinna leikinn um bronsið en KR-
ingar voru einfaldlega sterkari og
sigruðu 17-10. Liðin voru nokkuð
jöfn að styrkleika ef Fram og Val-
ur eru undanskilin en þau voru í
gæðaflokki fyrir ofan hin liðin.
Það sem háði okkur mikið er
hversu lágvaxnir strákarnir eru og
það munar miklu í handbolta".
- Hvað með þjálfunina og œf-
ingasóknina?
„.lanus Guðlaugsson hefur
þjálfað okkur í vetur og staðið sig
mjög vel, en ætli það séu ekki
u.þ.b. 13-15 strákar sem æfa að
jafnaði en þyrftu að vera mun
fleiri, því breiddin verður að vera
meiri ef árangur á að nást“.
- Hverjir eru þínir uppáhalds-
leikmenn?
„Einar Þorvarðarson og Krist-
ján Arason“.
- Fylgdist þú með 1. deildar
keppninni?
„Að sjálfsögðu gerði maður
það. Ég reyndi að fara á alla
heimaleiki FH og var reyndar
sannfærður um að þeir ynnu
íslandsmeistaratitilinn, spáði
þeim sigri 22-20 en það fór á ann-
an veg“.
- Fer mikill tími í íþróttirnar?
„Já, alveg gífurlegur. í augna-
blikinu eru þetta 9 æfingar á viku
og það er of mikið. Næsta vetur
ætla ég að æfa minna og e.t.v. að
leggja einhverja greinina til
hliöar", sagði þessi geðþekki
íþróttamaður að lokum.
Ólafur Jóhannesson, þjálfari FH-inganna.
Halldór V. Hafsteinsson, mark-
vörður 4. flokks FH í handknatt-
leik.
FH og Haukar mætast í Litlu-bikarkeppninni á laugardag:
„Ég nefni engar lölur1
(

„Æfi 9 sinnum í viku“
- segir Halldór V. Hafsteinsson, markvörður 4.f lokks FH í
Stuðningsmannafélag FH
Stjórn knattspyrnudeildar FH hefur ákveðið að boða til stofn-
fundar fclags stuðningsmanna deildarinnar þann 20. apríl næst-
komandi og verður fundurinn haldinn á efri hæð veitingahússins
Gafl-inn.
Þessi ákvörðun fylgir í kjölfar hvatningar frá mörgum eldri
félögum í knattspyrnunni innan vébanda FH, sem vilja leggja
félaginu lið á einhvern hátt. Þeir sem hafa áhuga á að gerast stofn-
félagar eða vilja nánari upplýsingar geta haft samband við ein-
hvern eftirtalinna: Guðmund Sveinsson í síma 51261, Daníel Pét-
ursson í síma 53953 eða Viðar Halldórsson í síma 51065.
- segir Ólafur Jóhannesson, þjátfari FH.
Onnur umferð Litlu Bikarkeppninnar fer fram n.k. laugardag. Stór-
leikur umferðarinnar er viðureign Hafnarfjarðarliðanna, FH og
Hauka. Ekki er Ijóst hvort leikurinn fer fram á Hvaleyrarholtsvelli eða
Kaplakrika, þegar þessar línur eru ritaðar en Haukar eiga heimaleik.
Kaplakrikavöllurinn er mun stærri og því aUt eins líklegt að leikurinn
verði háður þar.
Fjarðarpósturinn sló á þráðinn
til Ölafs Jóhannessonar og bað
hann að spá um úrslit leiksins.
Ólafur, sem leikur einnig með lið-
inu og er jafnframt fyrrum
leikmaður Hauka, sagðist engu
vilja spá og þaðan af síður fékkst
hann til að nefna tölur. Aðspurð-
ur kvaðst Ólafur hafa sterkar
taugar til Hauka en nú væri hann
þjálfari FH og það gengi fyrir og
því stefndi hann á sigur.
Ólafur gat þess einnig í spjalli
við Fjarðarpóstinn að æfingaferð
þeirra FH-inga til Hollands á
dögunum, hefði gengið mjög vel
þrátt fyrir leiðinlegt veður. Æft
var á grasi allan tímann og leikið
m.a. tvívegis við Þór frá Akur-
eyri. Jón Erling Ragnarsson æfði
með liðinu í ferðinni og verður til-
búinn í slaginn þegar Islandsmót-
ið hefst í næsta mánuði.
l-þ-r-ó-t-t-a
o-l-a-r
Ivar Asgrímsson, leikmaður
körfuknattleiksliðs Hauka og
markvörður 4.deildarliðs Hauka í
knattspyrnu, missir af undirbún-
ingi Islandsmótsins í knattspyrnu.
ívar, sem starfar hjá SH-Verktök-
um, varð fyrir óhappi við vinnu
sína og sauma þurfti 16 spor í fing-
ur hans. Ivar hefur verið frekar
óheppinn þegar meiðsli eru ann-
ars vegar og má segja að óheppnin
hafi elt hann, allt frá því að
ónefndur blaðamaður á Fjarðar-
póstinum, fíngurbraut hann a
knattspyrnuæfingu hjá 5.flokki
fyrir „nokkuð“ mörgum árum!
Reynir Larsen, hinn harð-
skeytti varnarmaður Hauka, hef-
ur tekið fram knattspyrnuskóna
og hafið æfingar. Reynir lenti í
bílslysi árið 1986 og missti af síð-
asta keppnistímabili. Þess má
geta að Reynir er sonur Jóhanns
Larsen, þess hins sama og sér um
þjálfun liðsins.
Þórður Sveinsson, fyrrum
leikmaður FH, lýkur lögfræði-
námi nú í vor og hefur honum
boðist góð staða í Vestmanneyj-
um. Þórður tekur með sér knatt-
spyrnuskóna til Eyja og verður
fróðlegt að sjá hann í baráttu við
sína fvrrum félaga í 2.dcildinni.
Pétur Petersen, leikmaður
l.deildarliðs FH, verður fjarri
góðu gamni þegar handboltaver-
tíðin hefst á nýjan leik í haust.
Pétur hefur ákveðið að leggja
stund á markaðsfræði við háskól-
ann í San Jose og hittir þar fyrir
félaga sína úr Firðinum, knatt-
spyrnumennina Jón Erling Ragn-
arsson og Inga G. Ingason. Það
verður örugglega sjónarsviptir af
Pétri úr handboltanum enda er
Pétur harðfylginn og baráttuglað-
ur leikmaður sem gefst aldrei upp.
Fjórða flokks strákar í FH ætla
að leika knattspyrnu í 24 klukku-
stundir samfleytt nú um helgina.
Tilgangur með þessari maraþon-
knattspy rnu er að safna fé til utan-
landsferðar. Fyrirhuguð er æf-
inga- og keppnisferð til Skotlands
og er vonandi að bæjarbúar taki
við sér og heiti á strákana. Hægt
er að styrkja strákana um 10, 15
eða 20 krónur per klukkustund,
allt eftir fjárhagsstöðu hvers og
eins.
Pétur Petersen, hinn harðskeytti hornamaður FH, verður fjarri góðu
gamni nœsta haust.
14
Löggur á stuttbrókunum
Það verður væntanlega hressilega tekið á í íþróttahúsinu við Strandgötu á mánudaginn þegar fyrstu
leikirnir í Evrópukeppni lögreglumanna í handknattleik fara fram. Islendingar mæta Frökkum kl. 18 og
í kjölfarið mætast V-Þjóðverjar og Svíar eða Svisslendingar. Þessar þjóðir leika á morgun um sæti í
keppninni.
Lið íslands er ekki skipað neinum aukvisum og má nefna leikmenn á borð við Sigurð Gunnarsson,
Guðmund Hrafnkelsson, Hans Guðmundsson, Arna Friðleifsson, Valgarð Valgarðsson og Hannes
Leifsson því til stuðnings.
Margt góðra leikmanna er einnig í hinum liðunum. T.d. hafa Frakkar Bernard Gaffet í sínum röðum
en sá hefur reynst íslendingum skeinuhættur í landsleikjum síðustu ára.
Vakin er athygli á því að aðgangseyrir á leikina er enginn og því kjörið tækifæri til að sjá löggurnar á
stuttbrókunum.