Fjarðarpósturinn - 05.10.1988, Blaðsíða 4
FfflftMR
pösturtnn
RITSTJÓRI OG ÁBM.: FRÍÐA PROPPÉ
AUGLÝSINGAR: HJÖRDÍS ÞORSTEINSDÓTTIR
DREIFING: HALLDÓRA GYÐA MATTHÍASDÓTTIR
LJÓSMYNDIR: FJARÐARPÓSTURINN OG RÓBERT ÁGÚSTSSON
SETNING, UMBROT, FILMUVINNA OG PRENTUN: BORGARPRENT
ÚTLIT: FJARÐARPÓSTURINN
SKRIFSTOFA FJARÐARPÓSTSINS ER AÐ REYKJAVÍKURVEGI 72 OG ER OPIN ALLA VIRKA
DAGA FRÁ KL. 10-17. SÍMAR 651745 OG 651945 (SÍMSVARI EFTIR LOKUN SKRIFSTOFU).
Mittlrf-Égvel
Heilbrigðisráðherra, Guðmundur Bjarnason, gekk á undan
með góðu fordæmi í grunnskóla í Reykjavík í gær og boðaði
uppvaxandi kynslóð, að galdurinn við það að verða langlífur
og mætur þjóðfélagsþegn væri, að hver og einn einstaklingur
tæki sjálfur ábyrgð á lífi sínu. Hann hvatti börnin til að spyrja
sig daglega og við hverja athöfn: Hvað er rétt að gera? Hvað
er rangt að gera?
Boðskapur ráðherrans er góður, og var skemmtilega fram
settur. Vonandi tekst honum að fá skólabörnin til að móttaka
hann. Hvort á ég að velja sígarettu eða gulrót? - lakkrís eða
banana? - vín eða mysu? Er það tilviljun að vín rýmar á móti
svín? Allt hljómar þetta dægilega, eins og einn fyrrum starfs-
félagi leiðarahöfundar myndi orða það. - Vel til fundið.
Fjarðarpóstinum datt í hug, er hann sá ráðherrann dreifa
—þessu ágæta plaggi til skólabarna í Foldaskóla í gær, hvort
hann hefði ekki örugglega dreift þessu sama plaggi á ríkis-
stjórnarfundi í gærmorgun. Ef ekki, þá koma hér á eftir ábend-
ingar um viðbótartexta á slíkt plagg. Vonandi móðgast enginn,
enda er yfirskrift heilsubótarherferðarinnar: Mitt líf. - Ég vel.
Lækkun launa? - Hækkun launa?
Millifærsla? - Niðurfærsla?
Virðum samningsréttinn? - Samningana úr gildi?
Lækkun nafnvaxta? - Hækkun raunvaxta?
Hækkun skatta? - Lækkun skatta?
Þingsetning samkvæmt lögum? - Frestun, afnám þinghalds?
Sannfæring gildi? - Sannfæringu má senda í frí?
Meirihlutinn ráði? - Minnihlutinn ráði?
ísland í NATO? - ísland úr NATO?
Stækkun álvers? - Lokun álvers?
Það stóð í nokkrum börnum, sem fréttamenn spurðu í gær,
hvort þau væru viss um svörin við öllum spurningunum sem
ráðherrann lagði fyrir þau. Skyldu svörin í ríkisstjórninni við
ofangreindum spurningum, þó einfaldar séu, verða sam-
hljóða?
Það sem vekur athygli í stöðu stjórnmálanna er, að sjaldan
eða aldrei hefur óvissa verið eins mikil og skilningur almennt á
stöðu efnahagsmála lítill. Almenningur virðist enn bíða
spenntur eftir áþreifanlegum aðgerðum og trúverðugum upp-
lýsingum um raunverulega stöðu einstaklinga og fyrirtækja.
Yfirlýsingar nýrrar ríkisstjórnar eru léttvægar í hugum flestra
og fólk virðist enn bíða eftir staðreyndunum, einhverju til að
trúa á og haga sér samkvæmt. Því miður virðist hætta á að sú
bið geti orðið nokkuð löng.
Leikskólinn í Hvammi opnaður
Tvær leikskóladeildir í Hvammi opnuðu á ný sl. mánudag og von er
til, að unnt verði að fullmanna dagvistardeild í næstu viku, að sögn
Kristbjargar Gunnarsdóttur forstöðukonu Hvamms í gær.
Þegar Fjarðarpóstinn bar að
garði voru börnin í óða önn að
taka til starfa þar sem frá var
horfið. Kristbjörg sagði m.a., að
tekist hefði að ráða fimm nýjar
starfsstúlkur á leikskóladeildina
með því að koma til móts við þær
varðandi dagvistun barna þeirra.
Hún sagðist fullviss um, að sú
aðferð kæmi vel til móts við marg-
an starfsmanninn, enda væri dag-
vistun barna dýr. Það mun kosta
um 15 þúsund kr. á mánuði að
hafa barn í umsjón dagmömmu.
Bærinn hefur tekið að sér að
greiða úr dagvistunarvanda
þeirra, sem vilja taka til starfa á
barnaheimilum bæjarins.
Kristbjörg sagði ennfremur, að
dagheimilisdeild hefði verið frá
upphafi með færri börn en vera
mætti vegna skorts á fóstrum. í
næstu viku reiknaði hún með að fá
eina fóstru til starfa á sömu
kjörum, þannig að þá yrði unnt að
bæta úr því.
Á leikskóladeildum eru tvær
deildir fyrir hádegi og tvær eftir
hádegi með samtals 80 börn. Á
dagheimilisdeild geta verið 17
börn og verða það vonandi í næstu
viku.
Ó, ÞÚ HÝRIHAFNARFJÖRÐUR:
„Á Benkkmn er best að vera“
Hagyrðingaþátturinn okkar
hefur tekið sér nokkuð langt frí,
eða í allt sumar. Sumum þótti nóg
um og ekki hefur skort áskoranir
um að taka hann upp á ný, ein-
vörðungu hefur plássleysi
hamlað.
Það brá svo við, að í Gaflara-
ferðinni víðfrægu til Benidorm í
síðasta mánuði barst ein áskorun-
in enn, og ekki aðeins orðin tóm,
heldur meðfylgjandi þrír fyrri-
partar. Því verður vart látið ósvar-
að.
Það er hann Kristján Stefáns-
son sem skorar á Fjarðarpóstinn
og lesendur, en hann sendi inn
ótalda botna sl. vetur. Hér koma
fyrripartar hans, frumsamdir á
staðnum:
Á Benidorm er best að vera
bjórinn kostar sama og vatn.
°g
Með Hagsýn fara hópar stórir
hagstæð kjör á sólarströnd.
og
Fjarðarpóstsins Fríða Proppé
ferðast víða í leit að efni.
Sá háttur var hafður í þættinum
okkar, að þeir sem lögðu fram
fyrriparta skoruðu á annan
hagyrðing að koma með næstu
fyrriparta. Kristjáni brást þarekki
bogalistin fremur en í kveðskapn-
um og skorar hann á Sæmund Ste-
fánsson, starfsmann ÍSAL, til af-
reka í næsta þætti.
Við biðjum forláts á að þáttur-
inn hefur fengið svo langt sumar-
frí og þökkum Kristjáni fyrir að
taka upp þráðinn þar sem frá var
horfið. Við hvetjum lesendur til
að reyna sig við að botna og æskj-
um botnanna til birtingar í síðasta
lagi n.k. mánudag. Heimilisfang-
ið er Reykjavíkurvegur 72, sím-
arnir eru 65 17 45 og 65 19 45.
Þjónusta við aldraða
Styrktarfélag aldraðra hefur
hætt störfum, en þess í stað hefur
Víðistaðasókn uppi áætlun um að
koma af stað þjónustu við aldr-
aða. Hún mun m.a. fólgin í opnu
húsi, kaffikvöldum o.fl., sem
væntanlega verður auglýst síðar.
Þá mun bæjarfélagið beita sér fyr-
ir þjónustu fyrir aldraða, sem
verður nánar kynnt hér á eftir.
Ástæður þess, að Styrktarfélag-
ið hætti störfum munu vera víð-
tækar, og viðkvæmar, en m.a.
hefur áhugaleysi verið kennt um.
Bæjarfélagið hefur á prjónunum
að fara með aldraða í leikhúshóp-
ferð. Þá er ætlunin að bæta við
einum „matardegi" í viku í Álfa-
felli, þ.e. félagsmiðstöðinni fyrir
ofan íþróttahúsið við Strandgötu.
Þar hafa verið „matardagar" einu
sinni í viku, en nú er fyrirhugað að
hafa þá bæði á þriðjudögum og
fimmtudögum. Þetta verður aug-
lýst síðar, en boðið er upp á
hádegismat, þar sem þátttakend-
ur borga hréfniskostnað.
í tengslum við „matardagana“
verður föndur, leikfimi og eitt-
hvað til skemmtunar.
4
Umsóknin er ekki út í loftið
-enég vil ekki koma af stað neinum deilum í bænum með þessu
Það vakti óneitanlega athygli, þegar Jóna Ósk Guðjónsdóttir, forseti bæjarstjórnar, sótti nýverið um
stöðu forstjóra Hafnarborgar, ásamt tíu öðrum. Fjarðarpósturinn skýrði frá umsókn Jónu Óskar í síðasta
blaði en náði þá ekki sambandi við hana til að spyrja hana ástæðu þess að hún sótti um. Hún var þá stödd
erlendis, en er nú komin heim. Fjarðarpósturinn ræddi við hana í gærkvöldi um stöðuna og umsókn hennar.
Það vakti sérstaka athygli við umsókina, að enginn af hennar meðstjórnendum í bæjarmálum virtist vita,
að hún hygðist sækja um. Umsóknin barst á sama tíma og hún fór utan. Fer viðtalið hér á eftir, en þess má
geta að umsögnum um umsækjendur var frestað á fundi stjórnar Hafnarborgar í upphafi vikunnar. Þess má
og geta, að Jóna Ósk starfar á Þjóðminjasafni íslands.
Jóna Ósk var fyrst spurð, af
hverju hún hefði stokkið af til
útlanda um leið og hún hafði lagt
inn umsókina, eins og einn við-
mælandi Fjarðarpóstsins orðaði
það. Hún svaraði: „Stokkið og
ekki stokkið. Þessi ákvörðun mín
var ekki fyrirliggjandi fyrr. Ég tók
þá ákvörðun að leggja inn
umsókn á þessum tímapunkti.
Það var ekkert í tengslum við
þessa utanlandsferð. Hún var
löngu ákveðin. Varðandi það að
vera forseti bæjarstjórnar þá
mundi ég heyra nákvæmlega það
sama, bara fyrir að vera krati. Það
er ekki litið á það sem starf að
vera bæjarfulltrúi, einvörðungu
„aukahobbý", enda launað sem
slíkt. Bæjarfulltrúar þurfa annað
starf sér til viðurværis. Þá er
spurningin, hvort maður hefur
rétt til að sækja um vinnu sem til-
fallandi er.“
- Þú hefur sem sagt áhuga á að
taka þessari vinnu?
„Já, þessi umsókn er ekki út í
loftið. Ég er nú einu sinni búin að
vinna að starfrækslu safns í níu ár.
Ég hef haft áhuga á því að breyta
til undanfarin ár og það liggur
heldur ekkert á lausu að fá vinnu í
Hafnarfirði.“
- Gerir þú þér vonir um að fá
þetta starf?
„Ekkert frekar. Það er stjórn-
arinnar að meta umsækjendur og
bæjarstjórn hlýtur að taka tillit til
þess. Það verður bara að hafa sinn
gang. Ég treysti því bara að menn
líti á umsóknirnar út frá faglegu
sjónarmiði. Ég ætlast ekki til
annars.“
- Hefur þú orðið fyrir þrýstingi
að draga umsókina til baka?
„Nei, en það kemur alveg inn í
myndina hjá mér að draga hana til
baka. Ég vil ekki koma af stað
neinum deilum í bænum með
þessu. Það var ekki meiningin."
- Telur þú að svo geti orðið?
„Ég veit það ekki. En ég átti nú
ekki von á tilskrifum eins og í
Fjarðarpóstinum, - að þessu yrði
slegið upp."
- Varla ræður Fjarðarpóstur-
inn neinu þar um, en hvað um
þína stöðu í bæjarstjórn?
„Ég ætla að sjá til. Ég hef engan
áhuga á að taka við starfi í óþökk
fólks.“
- Ertu að hugsa um að draga
umsóknina til baka, og hefur ver-
ið farið fram á það við þig?
„Það kemur bara í Ijós hvort ég
dreg hana til baka, en það hefur
alls ekki verið farið fram á það.“
- Viltu frcmur draga hana til
baka, en að annar verði kjörinn
en þú?
„Nei, nei. Það yrði þá bara út
frá mínu eigin persónulegu mati,
það er hvað mér finnst um það.“
- Til þess að halda friðinn?
„Já, en það er kannski ekki rétt
að orða það þannig. En það var
aldrei ætlun mín að koma illa við
einn eða neinn, ef einhver hefur
tekið það þannig. Mér er of annt
um, að þessi starfsemi fari vel af
stað til þess að ég vilji eiga það
undir mér.“
Flóamarkaður
Viltu skipta á þriggja
herbergja íbúð í Vestmanna-
eyjum fyrir sambærilega
íbúð í Hafnarfirði? Uppl. í
sima 51716.
VEISTU ...
að aflursætið
fer jafnhratt
og framsætið.
SPENNUM BELTIN
hvar sem við sitjum
í bilnum.
UUMFEROAR 'fa'
RAD
Kópavogsbúi um ræstingar í hafnfirskum skólum:
Ræstingakonur óþarfar?
Á fundi skólanefndar 28. sept-
ember sl. var lagt fram bréf frá
Jóhanni Stefánssyni að Hlíðar-
vegi 44 í Kópavogi, þar sem hann
vekur athygli á nýju ræstingar-
kerfi í skólum. Jóhann þessi hefur
unnið síðustu mánuði að útfærslu
Betraer
á þessu kerfi fyrir grunnskóla
Kópavogs.
Áðferð Jóhanns er sögð byggja
á þeim grunni, að öll ræsting fari
fram á starfstíma skóla og verði
unnin af fólki í föstum störfum.
Auk ræstinga sjái það fólk einnig
um gangavörslu.
Síðan segir í lýsingu, að gerð
verði verðskrá sem tekur mið af
stundaskrá viðkomandi skóla og
getur hún verið breytileg milli vik-
udaga. Þeir virkir dagar, sem
kennsla fellur niður í skólum eru
notaðri til „sérverka“ t.d, grunn-
hreinsunar.
Það er eins og Fjarðarpóstinn
rámi í, að hafa séð mynd á forsíðu
DV nýverið, þar sem ræstingar-
konur í Kópavogi fjölmenntu á
bæjarstjórnarfund þar í bæ.
Væntanlega til að fylgjast með
umræðum um þetta málefni, eða
þá mál svipaðs eðlis.
Nýtt um S.V.F.I.
Vetrarstarfið hjá Hraunprýði, slysavarnardeild, er að hefjast. Fyrsti
fundur félagsins verður haldinn þriðjudaginn 11. október n.k., í húsi
félagsins að Hjallahrauni 9. Rekstrarráðgjafí S.V.F.Í., Sigurður Örn
Gíslason, verður gestur fundarins og ræðir um starfsemi Slysavarnar-
félagsins.
I fréttatilkynningu frá Hraun-
prýði eru konur kvattar til að
mæta á fundinn og aðra fundi
vetrarins, sem hafa verið dagsett-
ir: Annar fundur 8. nóvember kl.
20.30 í húsnæði félagsins, en þá
verður m.a. spilað bingó. Þriðji
fundur 13. desember kl. 20.00.
Það er jóla- og afmælisfundur í
veislusal Skútunnar, og verður
sérstaklega vandað til hans.
Fjórði fundur 14. febrúar kl.
20.30, en það er aðalfundur í húsi
félagsins. Fimmti fundur 10.
mars, kl. 20.30. Þar verður spiluð
félagsvist. Sjötti fundur 13. apríl
kl. 20.30, en það er „Vorgleði“
Hraunprýðiskvenna og væntan-
lega haldinn í Fjarðarseli (íþrótt-
ahúsinu).
Þá segir í fréttatilkynningu, að
basar þeirra kvenna verði í byrjun
nóvember og aðalfjáröflunardag-
ur í kringum 11. maí.
Vantar íbúð
Vantar tveggja til þriggja herbergja íbúö sem
fyrst fyrir danskan starfsmann okkar.
Upptýsingar í síma 651499.
Fithf
I I L SKUTAHRAUNI2, HAFNARFIRÐI, S: 651499
seinten
aldrei
Þessa ungu aflakló hitti Fjarð-
arpósturinn niður á bryggju í sum-
ar og erum við alveg sammála
honum um það, að myndina hefði
mátt birta fyrr. Það er sama sagan
með myndina og fleira. Plássleys-
ið hefur hamlað. Við biðjum vin
okkar velvirðingar og vonum að
hann þekki gamla góða máltakið,
að betra er seint en aldrei.
HRAUNPRYÐI
Slysavarnardeild
Fundur verður haldinn þriðjudaginn 11. október
kl. 20.30 að Hjallahrauni 9.
Sigurður Örn Gíslason rekstrarráðgjafi SVFÍ
verður gestur fundarins.
Myndir og frásögn frá sumarferðalaginu.
STJÓRNIN
5