Fjarðarpósturinn - 19.01.1995, Blaðsíða 4

4 FJARÐARPOSTURINN
Útgefandi:
Framkvæmdastjóri:
Ritstjóri:
íþróttir og heilsa:
Innheimta og areifing:
Umbrot:
Prentun:
ÚJARÐ^RPÓSTURINN hf.
Óli Jón Ólason.
Friðrik Indriðason.
Jóhann Guðni Reynisson
Steinunn Hansdóttir.
Fjarðarpósturinn
Borgarprent.
FJARÐARPÓSTURINN, Bæjarhraun 16,
220 Hafnarfjörður.
Símar: Ritstjórn 565 1945.
Auglýsingar 565 1745. Símbréf 565 0835
Þjóðarsorg
Þjóðin öll er harmi slegin yfir atburðum þeim sem áttu
sér stað á Súðavík á mánudagsmorguninn er snjóflóð féll
á plássið. Alls fórust 14 í snjóflóðinu þar af 8 börn. Þetta
er því mannskæðasta snjóflóð á landinu frá 1919.
Náttúruöflin hafa lagst á eitt við að gera björgunarstarf
mjög erfitt. Foráttuveður hefur verið á Vestfjörðum frá því
að björgunarstarf hófst og það björgunarfólk sem af mikl-
um dugnaði og hetjuskap hefur leitað þeirra sem saknað
var hefur sjálft verið í stöðugri líshættu.
Það er hörmulegra en tárum taki að skömmu áður en
snjóflóðið féll var farið að huga að flutningi fólks frá
svæðinu sem flóðið skall á en ekki gafst tími til þess.
Strax og ljóst var hve umfangsmikill skaðinn var á-
kváðu ráðamenn að gera allt sem í mannlegu valdi stóð til
aðstoðar Súðvíkingum. Skip með björgunarfólk fóru víða
af landinu í átt til Súðavíkur en sóttist ferðin seint sökum
óveðursins. Til marks um veðurofsann var varðskipið Týr
rúmlega 20 tíma að sigla frá Reykjavík til Vestfjarðra, alla
leið á móti veðrinu og tveir togarar sem voru að flytja
bjögunarfólk milli staða á Vestfjörðum fengu á sig brot-
sjói. í öðru tilvikinu það stóran að öll siglingartæki urðu ó-
virk.
Miskunnarlaust vetrarveðrið hefur spilað stórt hlutverk
í þeim harmleik sem varð. ísland er eitt harðbýlasta land í
heiminum og taka má undir með Davíð Oddssyni forsæt-
isráðherra er sagði að þetta væri kannski fórnarkostnaður
þess að vera Islendingur.
A stundum sem þessum sameinast þjóðin í eina sál og
um land allt voru haldnar hugvekjur í kirkjum landsins
þeirra á meðal Hafnarfjarðarkirkju þar sem fjölmenni
safnaðist saman á mánudagskvöld og bað fyrir þeim sem
eiga um sárt að binda eftir snjóflóðið. Þar að auki voru
friðarljós kveikt víða á landinu og nemendur í Flensborg-
arskólanum kveiktu á eitt hundrað kertum á Hamrinum.
Snjóflóðið á Súðvík er einhver mesti harmleikur sem
skollið hefur á þjóðina á síðari árum. Allir fslendingar nær
og fjær hugsa nú til Súðvíkinga með hluttekningu og von-
andi mun sá samhugur styrkja þá sem eiga um sárt að
binda og lifa nú í þeirra átakanlegu sorg sem fylgir því að
missa sína nánustu í náttúruhamförum.
Fjarðarpósturinn vottar öllum aðstandendum þeirra er
fórust á Súðavík sína dýpstu samúð.
Friðrik Indriðason
Vopnasmíði er hefðbundin atvinnugrein á víkingahátíðum eins og halda á í sumar.
Víkingahátíðin í Hafnarfirði í sumar
Markmiðið að
endurskapa
víkingatímann
Yfir 300 manns munu koma erlendis frá
í sumar verður efnt til viðamik-
illar víkingahátíðar í Hafnarfírði
en markmiðið með henni er að
endurskapa víkingatímann á Is-
landi. Island hefur sérstöðu í hug-
um þeirra sem fást við víkinga-
tímabilið og menningu víkinga. Er
það fyrst og fremst að þakka Is-
íendingasögnunum sem gjarnan
eru lagðar til grundvallar þeinm
hátíðum sem haídnar eru erlendis.
Ætlunin er að gera víkingahátíð-
ina að föstum lið í bæjarlífinu á
komandi árum.
Rögnvaldur Guðmundsson ferða-
málafulltrúi Hafnarfjarðar hefur tek-
ið saman nokkra almenna punkta um
víkingahátíðir þær sem haldnar hafa
verið um norðanverða Evrópu und-
anfarin 20 ár eða svo. íslenska hátíð-
in mun að grunni til verða á svipuð-
um nótum og þær hátíðir. Nú þegar
hafa yfir 300 erlendir “víkingar”
skráð sig á hátíðina en af þeim eru
um 80 áhafnarmeðlimir á fimm vík-
ingaskipum, 120 handverksmenn,
tæplega 50 bardagamenn og 60
hestamenn.
Sívaxandi áhugi
Á sumri hverju hittast víkingaá-
hugamenn um alla norðanverða Evr-
ópu á tugum hátíða eða móta þar sem Gestum og gangandi er boðið að kaupa ýmsa muni í stíl víkingatí-