Fjarðarpósturinn - 02.02.1995, Side 10
10 FJARÐARPÓSTURINN
IÞROTTIR OG HEILSA_
Heilsusamlegt
hjónaband
Sigríðar Siguröardóttur og Kjartans Guðjónssonar
........*...íímsfon
Jóhann G. Reynisson
Sirrý og Kjartan eru ánægð með lífið og tilveruna enda rækta þau sjálf
sig af kappi og hjónabandið í leiðinni. Það er leitun að hjónum um fimm-
tugt sem stundar líkamsrækt af öðru eins kappi.
Þegar ég hafði spurnir af því að
þau hjónin Sigríður Sigurðardótt-
ir, sem er 47 ára, og Kjartan Guð-
jónsson, fimmtugur, æfðu saman
fimnt til sex sinnum í hverri viku,
tvo til tvo og hálfan tíma í senn,
hugsaði ég með mér: Gantan væri
að segja frá þessu!
Og þau tóku vel í það að skýra frá
því hvernig þau hátta heilsusamlegu
líferni sínu á ýmsa vegu. En fyrst
skal gefinn gaumur að forsögunni.
Kjartan er Hafnfirðingur sem spil-
aði fótbolta með hverfisliðinu Eld-
ingu. Þar voru einnig innanborðs
kappar eins og Laddi sem síðar átti
eftir að verða frægur - raunar fyrir
allt annað en leika knattspyrnu.
Kjartan lék einnig handbolta með
yngri flokkum í Haukum og einhvem
tímann rak hann tæmar í kúlu sem lá
í sakleysi sínu grafin einhvers staðar
í bakgarði. Hann tók þegar að varpa
þessu áhaldi í matartímunum sínum
meðan hann vann fiskvinnu fimmtán
ára gamall á Einarsreit. Og það vatt
upp á sig því Kjartan tók að stunda
frjálsar íþróttir af miklum móð þar
sem hann lagði einna helst stund á
tugþraut og kastgreinar.
Um tvítugt fór hann utan til náms
og lagði þá frjálsíþróttirnar á hilluna
frægu. Heldur var íþróttaiðkun af
skornum skammti í Þýskalandi en
þar lék hann þó til skamms tíma
handknattleik með liði í Berlín.
Sigríður, alltaf kölluð Sirrý, byrj-
aði níu ára í ballett og samhliða því
segist hún hafa frá tólf ára aldri
fiktað dálítið við ftjálsar íþróttir um
nokkurra ára skeið, einkum hlaup og
stökk. Sirrý stundaði ballettinn til
tvítugs en þá tók við hjónaband,
námsferðin til Þýskalands og barn-
eignir. Þau eiga tvö böm, Sigurð og
Hönnu Björg.
Komiði seinna!
Kjartan og Sirrý segjast alltaf hafa
verið íþróttalega sinnuð og þegar
ekki haft verið um skipulega íþrótta-
iðkun að ræða þá hafi þau trimmað
töluvert. Einkum hafi þau stundað í-
þróttir lítið meðan þau dvöldu í
Þýskalandi því þar hafi oft gengið
erfiðlega að fá inni í klúbbum. Til
dæmis hafi þau reynt að komast inn í
tennisklúbb en þar hafi þeim verið
sagt að reyna aftur eftir tíu ár!
Um markvissa þjálfun var ekki að
ræða fyrr en eftir þrítugt.
“Ekki fyrr en eftir að bömin fóm
að geta séð um sig að verulegu leyti
sjálf,” segir Kjartan.
Aðspurð um það hvort þau stundi
almennt heilsusamlegt líferni segjast
þau alveg geta svarað því játandi.
“Mikilli íþróttaiðkun fylgir óhjá-
kvæmilega aukinn áhugi til dæmis á
hollustu í mataræðisegir Sirrý og
Kjartan kinkar kolli. Þau segjast þó
borða allan mat nema hvað sneitt sé
hjá feitmeti og sykumeyslu haldið í
lágmarki.
“Samt sem áður forðumst við allt
ofstæki,” segir Kjartan.
Nú má segja að báðir fuglamir séu
flognir úr hreiðrinu og þá gefst þeim
Sirrý og Kjartani aukið svigrúm til
að sinna áhugamálum sínum. Þau
segja þó að íþróttir hafi verið svo
viðloðandi fjölskylduna að hvort sem
er hafi yfirleitt enginn verið heima á
þeim ti'mum sem þorri þjóðarinnar
velur til að matast. Því hafi þetta ekki
komið að sök.
Góð tilbreyting
Það er meðal áhugaverðra atriða,
sem koma fram þegar spjallað er við
þau Sirrý og Kjartan, að þau sækja
sér hreyfinguna oft og tíðum saman.
Til margra ára léku þau badminton
og nú fara þau saman í þolfimi, síðan
í tæki og þar á eftir í gufubað. Að
þeirra mati hefur þetta góð áhrif m.a.
á hjónabandið og allt sem því fylgir.
“Fólk hefur gott af því að rífa sig
upp frá hversdagsleikanum, sjón-
varpinu og kartöfluflögunum til þess
að hreyfa sig og líða þar af leiðandi
betur bæði á líkama og sál,” segir
Kjartan en hann segist ennfremur
fara gjaman út á síðkvöldum að sum-
arlagi til þess að leika nokkrar holur
á golfvellinum. Þannig sé rekinn full-
kominn endahnútur á góðan dag.
Sirrý hefur látið golfið eiga sig en
hún hefur undanfarin ár getið sér gott
orð sem þolfimiþjálfari. En nú segist
hún vera hætt því, í bili að minnsta
kosti.
Og enn er íþróttaiðkunin ekki upp-
talin því þau hjónin fara reglulega á
skíði yfir veturinn, bæði hérlendis og
erlendis. Það virðist fara um þau ein-
hver einkennilegur straumur þegar
minnst er á skíðaferðir til Austurrík-
is en þangað fara þau helst árlega.
Ljóst er að þessi hjón eru ekki í
vandræðum með að koma frístund-
um sínum í lóg. En þau hafa borið
gæfu til að veija þeim sameiginlega
og það segja þau að geri gæfumun-
inn. Sirrý segist hiklaust mæla með
hvers konar hreyfmgu fyrir fólk á
öllum aldri. “Og það á ekki bara að
taka sig á í mánuð heldur til fram-
búðar og skapa sér heilbrigðan lífs-
stfl.”
Athugasemdir frjálsíþrótta-
manna viö forgangs-
röðun íþróttamannvirkja
Sigurður Haraldsson, formaður frjálsíþróttadeildar, segir tíma koniinn
til að tekið verði mark á samþykktum fþróttabandalags Hafnarfjarðar
uni framkvæmdir við íþróttamannvirki.
I fyrsta tölublaði Fjarðarpósts-
ins á þessu ári sagði Ingvar S.
Jónsson, íþróttafulltrúi, að næst á
framkvæmdaáætlun íþróttamann-
virkja bæjarins væri bygging í-
þróttahúss á Ásvöllum. Sigurður
Haraldsson, formaður frjálsí-
þróttadeildar FH, gerir athuga-
semdir við þetta, segir tíma til
kominn að deildin fái bætta að-
stöðu sína í Kaplakrika. Það hafi
staðið til í niörg ár en aldrei kom-
ist til framkvæmda. Og nú, þegar
íþróttahús á Ásvöllum virðist kom-
ið fram fyrir frjálsíþróttaaðstöðu í
Kaplakrika á framkvæmdaáætl-
un, verði að taka tillit til ítrckaðra
samþykkta íþróttabandalags
Hafnarfjarðar um málefni frjálsí-
þróttadeildarinnar.
Að sögn Sigurðar hefur ekki verið
hægt að halda almennileg frjálsí-
þróttamót í Kaplakrika síðan 1987.
Þá hafi verið veitt fjármagni til við-
halds og endurbóta á aðstöðunni en
síðan hafi viðhald verið í lágmarki og
aðstöðunni hnignað verulega. Nú sé
svo komið að frjálsíþróttavöllurinn
sé ekki mönnum bjóðandi, hvað þá
besta frjálsíþróttaliði landsins en FH
hefur þrisvar á síðastliðnum fjórum
árum unnið bikarmótið, stærstu
frjálsíþróttakeppni landsins. Ekki
megi heldur líta fram hjá árangri
karlaliðsins sem hafi síðastliðin sjö
ár hlotið flest stig allra karlaliða í
bikarkeppninni. Þetta afreksfólk og
aðrir eljusamir frjálsíþróttamenn
sæki á sumrin nær allar æfingar til
Reykjavíkur.
Sigurður segir ekki virðast skorta
góðan vilja meðal forystumanna í
hafnfirsku íþróttalífi til þess að
frjálsíþróttadeildin fái úrlausn sinna
mála. Á þingi Iþróttabandalags Hafn-
arfjarðar (ÍBH) árið 1991 hafi verið
gerð samþykkt ályktun um bætta að-
stöðu til iðkunnar frjálsra íþrótta í
Kaplakrika. Þar með hafi verið kom-
in fram viljayftrlýsing ÍBH í málinu
og endurbætur á aðstöðu frjálsí-
þróttafólks komnar á dagskrá. I bréfi
frá aðalstjórn FH til bæjarráðs árið
1992 var vilji ÍBH ítrekaður. Málinu
var að vísað til íþróttaráðs en þrátt
fyrir það segir Sigurður að enginn
frjálsíþróttamaður haft verið kallaður
til umræðna um málið. Árið 1993
mun enn hafa borist ítrekun frá ÍBH
um að frjálsíþróttum væri sinnt sam-
kvæmt samþykktum bandalagsins.
Sigurður segir engra viðbragða hafa
orðið vart þrátt fyrir þetta.
Fjölnota íþróttahöll
draumsýn
Á síðastliðnum árum hafa komið
fram hugmyndir um yfirbyggðan
knattspymuvöll þar sem frjálsar í-
þróttir gætu fengið góða aðstöðu.
Ingvar S. Jónsson viðraði þessar hug-
myndir lauslega í framangreindu við-
tali og segir Sigurður þær góðra
gjalda verðar. Hins vegar verði að
líta raunsætt á málið. Þess verði til
dæmis varla að vænta að lagðar verði
150 milljónir til þessara fram-
kvæmda í náinni framtíð. Frjálsí-
þróttadeildin leggi ríka áherslu á að
farið verði í að gera frj álsfþróttavöl 1
með gerviefni sem verði tilbúinn
vorið 1996. Og nú liggur fyrir erindi
til bæjarins bæði frá frjálsíþróttadeild
og aðalstjóm FH um þá framkvæmd.
Um er að ræða framkvæmdir fyrir 30
milljónir í tveimur jöfnum hlutum.
Svo er að sjá af nýrri fjárhagsáætl-
un bæjarins að ekki virðist enn vera
komið á dagskrá bæjarstjómar að
byggja upp almennilega aðstöðu fyr-
ir frjálsar íþróttir í Hafnarfirði. Því er
að bíða og sjá hvort ÍBH geri enn
eina samþykkt um málið.
Þrátt fyrir aðstöðuleysi hefur mik-
ill uppgangur orðið innan frjálsí-
þróttadeildarinnar á undanförnum
ámm. En nú segir Sigurður að sé svo
komið að vemlegrar óánægju gæti
meðal keppnisfólks og þær raddir
gerist æ háværari sem hóta því að yf-
irgefa félagið. Sigurður segir að ef
ekki verði ráðin bót á aðstöðuleysi
deildarinnar megi allt eins gera ráð
fyrir að frjálsar íþróttir leggist af í
Hafnarfirði. Verður að segjast eins og
er að þá yrði hér skarð fyrir skildi og
skömm í hatt bæjarfélagsins ef þessi
yrði raunin.