Fjarðarpósturinn - 16.03.1995, Blaðsíða 2
2 FJARÐARPÓSTURINN
CTJflPMIfiDA
Gildir frá fimmtudegi 16. mars
til 22. mars
Vatnsberinn (20. jan. - 18. feb.)
Einhver þér nákominn leitar ásjár til þín,
geröu þaö sem þú getur. Líttu svo í
kringum þig og taktu til og geröu við
þaö sem hefur bilað. Þaö er af nógu að
taka. Ný markmið og hvatning eru á
leiðinni. Bíddu bara.
Fiskarnir (19. feb. - 20. mars)
Aukin útgjöld, aukiö álag, aukin ábyrgð,
hvaö er aö gerast? En þrátt fyrir erfið-
leika og aukna byröi, leysist þetta af
sjálfu sér. Heppnin er með þér þessa
viku og óþarft að hafa áhyggjur fyrir-
fram.
Hrúturinn (21. mars -19. apr.)
Þú ert laus viö leiðindarverkefni sem
legið hefur þungt á samvisku þinni.
Helgin verður tileinkuð nýju ástinni og
tilfinninganæmnin er ríkjandi. Þú nærð
áttum og ferð að skipuleggja þig upp á
nýtt.
Nautið (20. apr. - 20. maí)
Einhver hefur á orði, “ Þú ert eins og ný
manneskja.” Þér líður líka þannig. Það
er svo margt að ganga upp í lífi þínu og
þú horfir björtum augum á framtíðina.
Það er kominn tími til að hætta þessu
volæði. Þó fyrr hefði verið.
Tvíburinn (21. maí - 20. júní)
Nýtt tímabil er að hefjast og þú finnur
fyrir því. Þú ert frjálsari, óháðari og
værukærari. Þú ert líka að gera ýmis-
legt fyrir sjálfa(n) þig. Fólk sækir til þín
og vill verða þér samferða á þroska-
brautinni.
Krabbinn (21. júní - 22. júlí)
Þér vinnst vel þótt álagið sé mikið. Og
það er einkennandi fyrir þig að það sem
þú tekur þér fyrir hendur er alltaf, “allt
eða ekkert.” Láttu þig ekki dreyma um
að bleyta rétt aðeins tærnar. Það tekur
því ekki. Hugsaðu stórt og stórt verður
það.
Ljónið (23. júlí - 22. ágúst)
Nú er tími til að taka til. Þú þarft að
breyta og betrumbæta heimilið. Mark-
miðið er að gera notalegt og heimilis-
legt í kringum sig. Burt með allan pirr-
ing yfir slóðaskap. Afgreiöa málið strax
í dag.
Meyjan (23. ágúst - 22. sept.)
Ef þú ert í vafa, þá spurðu og spurðu
þar til þú færð fullnægjandi svör. Óviss-
an er harður keppinautur. Láttu ekki
freistast að ganga út af sporinu. Sum-
arið kemur ekkert fyrr þótt þú viljir, svo
leyfðu náttúrlögmálinu að hafa sinn
gang.
Vogin (23. sept. - 22. okt.)
Ef ske kynni að þú efist um tilvist þína,
í dag, máttu vera viss um að þú veist
hvar þú hefur verið og ættir að gefa
gaum af þeim tíma. Kannaðu nýjar leið-
ir í fjármögnun og sölu. Einhver öfund-
ast út í stöðu þína. Margur heldur mig
sig.
Sporðdrekinn (23. okt. - 21. nóv.)
Þér finnst sérlega notalegt þegar fólkið
í kringum þig tekur virkan þátt í því sem
er efst á baugi. Þú verður hrókur alls
fagnaðar um helgina en haltu þig frá
fólki sem tekur og tekur frá þér og er
endalaust með kvartanir. Sumir eru
bara alltaf neikvæðir.
Bogmaðurinn (22. nóv. - 21. des.)
Hið óvænta kemur þér ekki úr jafnvægi,
eins og svo marga. Þvert á móti fagnar
þú ævintýramennsku. Hugmynd sem
þú hefur verið að gæla við undanfarið
fær á sig aðra mynd og verður ekki að
neinu merkilegu. Reyndu aftur.
Steingeitin (22. des. - 19. jan.)
Hafðu eyru og augu alveg galopin um
helgina. Þú fréttir eitthvað merkilegt og
láttu það endilega ganga áfram. Það
verður mikill hraði á þér, þessa viku og
er það bara í góðu lagi, því þér leiðist
ekki á meðan.
Bros er sæla
Öflugt fjölskyldufyrirtæki
Bflanaust færir
út kvíarnar
Teikning af húsi Bílanausts í Bæjarhrauninu
Við fengum vitneskju um að
Bflanaust hefði keypt bílaverslun-
ina Smyril á Bfldshöfða í Reykja-
vík, en eins og kunnugt er þá opn-
aði Bflanaust útibú hér á Hafnar-
firði fyrir rúmu ári. Við höfðum
líka hlerað að samkvæmt skoðun-
arkönnum Gallup, þá væri vöru-
verð almennt lægra hjá þeim en í
sambærilegum verslunum í Osló,
Stokkhólmi og Kaupmannahöfn.
Bflanaust er öflugt fyrirtæki, sent
samhent fjölskylda á og hefur
byggt upp s.l. 33 ár.
Við ræddum við Lúðvík Matthías-
son, framkv.stj. um fyrirtækið og
reksturinn í Hafnarfirði. Hann sagði
að með þessum kaupum væru þeir að
sinna betur fyrirtækjum í nálægð við
Artúnshöfða, líkt og þeir hefðu verið
að gera með því að opna útibúið í
Hafnarfirði. Auk þess erum við með
þessu að auka varahlutaúrvalið til að
geta þjónað betur viðskiptavinum
okkar. Við erum varahlutaverslun og
leggjum höfuðáherslu á varahluti í
allar tegundir bifreiða. Fyrirtækið er
allt tölvutengt, þannig að með því að
fletta upp í tölvunni er hægt að sjá
strax hvort sá varahlutur er til sem
beðið er um og hvað mikið er í
hverju útibúi fyrir sig og það var
merkilegt að sjá hversu skipulag er
allt frábært hjá þeim, því að á skján-
um sést líka í hvaða hluta vara-
hlutalagersins hluturinn er og meira
að segja í hvaða hillu. Allir staðir í
húsinu hafa sín merki og hver hilla er
merkt. Um leið og þú flettir upp á-
kveðnu vörunúmeri þá kemur, eins
og áður er sagt fram, hvort hluturinn
er til og hvað mikið magn. Auk þess
kemur fram hvaða hluti er hægt að
nota í staðinn, ef hann fæst ekki og
hvort hann er í pöntun og ef svo er þá
hvenær hann kemur. Möguleikar
tölvunnar eru notaðir út í æsar. Þegar
Lúðvík gengur með mér um lagerinn
og verslunina, er auðséð að þeir 60
sem vinna þarna í höfuðstöðvunum í
Borgartúni hafa nóg að gera, hvort
sem þeir vinna í versluninni, lagern-
um, bókhaldinu, símasölu, eða inn-
kaupum svo nokkuð sé nefnt. Hluti
af versluninni er með sjálfsafgreiðslu
og eru þar hinir ýmsu fylgihlutir og
verkfæri, en við eitt lengsta af-
greiðsluborð landsins (ca. 35m) eru
varahlutirnir afgreiddir.
Innkaup þeirra hjá Bílanaust eru
yfir 95% keypt milliliðalaust frá
framleiðendum, en einnig kaupa þeir
mikið í svokölluðum “grúbbu” inn-
kaupum. þ.e.a.s. fyrirtæki á Norður-
löndum kaupa inn sameiginlega
varahluti frá fjarlægari löndum og
með magn innkaupum ná þeir hag-
stæðari verðum og flutningsgjöldum.
Sú “grúbba” sem Bílanaust vinnur
aðallega með er með markað upp á
8.6 milljónir bíla.
Við spyrjum Lúðvík hvenig útibú-
ið í Bæjarhrauninu gangi. “Það geng-
ur vel og er vaxandi. Það tók dálítinn
tíma að fá fólk til að átta sig á því að
allt það sama fengist þar eins og hér
í aðalstöðvunum. Eg man t.d. eftir
manni sem kom hér og bað um vara-
hlut og það stóð þannig á að hlutur-
inn var ekki til hér en við bentum
I Mýrdalshreppi fer fram um-
fangsmikið starf á sviði lífrænnar
ræktunar og þar hefur Lífrænt
samfélag m.a. unnið að því að
koma á fót íslensku vottunarkcrfi
og stöðlum á þessu sviði. Mýrdals-
hreppur hefur nú leitað eftir sam-
starfi við Hafnarfjarðarbæ.
Hugmyndirnar eru á þá leið að
sveitarstjómir Hafnarfjarðar og Mýr-
dalshrepps hafi frumkvæði að ný-
sköpunarátaki í framleiðslu og þjón-
honum á að hann fengist í útibúinu í
Bæjarhrauninu og við gætum fengið
hann sendan hingað síðar um daginn.
Hann hélt nú ekki. Hann var nefni-
lega Hafnfirðingur, en athugaði ekki
að hann var að fara yfir lækinn til að
ná í vatn. Hafnfirðingar eru í dag
búnir að átta sig á því að þeir hafa
fullkomið útibú sem á flesta hluti og
getur útvegað flesta þá hluti sem þeir
eru búnir með eða vanhagar um,
samdægurs. Einnig versla Suður-
nesjamenn mikið hjá okkur í firðin-
um”. Það var ánægjulegt að sjá þeg-
ar Lúðvík var að fletta upp fyrir mig
í tölvunni hinum ýmsu varahlutum
að nær undantekningarlaust var úti-
búið í Bæjarhrauninu með þá á lager.
Þegar við kvöddum Lúðvík var hann
að fara að undirbúa ferð á sýningu í
Englandi daginn eftir. “Við verðum
að fylgjast með og alltaf að vera vak-
andi fyrir nýungum,” sagði Lúðvík
um leið og við kvöddumst.
ustu þar sem umhverfisvemd, hrein-
leiki og hollusta verði undirstaða
þróunar í atvinnulífi.
Að sögn Magnúsar Jóns Arnason-
ar bæjarstjóra hefur bærinn tekið vel
í þessa málaleitan Mýrdælinga.
Sennilega verða hafnfirsk leikskóla-
börn fyrst Hafnfirðinga vör við átak-
ið því fyrstu hugmyndir gera ráð fyr-
ir að borin verði lífrænt ræktuð mat-
væli á borð fyrir böm á leikskólum í
bænum.
Lífrænt fyrir leikskólabörnin
Æringi
- meinlegur og miskunnarlaus -
skrifar án ábyrgðar:
Budda og
gámanemendurnir
Kennarar hafa nú verið mánuð í
verkfalli. Töluverður skaði er skeð-
ur, bæði fyrir þá sjálfa og skjól-
stæðinga þeirra, nemendur.
Það er einkenni á baráttugleðinni
fyrst um sinn að leiðrétting í launa-
kerfinu verði bitbein í samningum.
Engar leiðréttingar = engin kennsla
= ekkert nám = allt í veseni. Nema
í ríkissjóði sem ávaxtar pundið sitt
meðan engin þarf að greiða kenn-
aralaunin.
Næstum því stoltir af lágu laun-
unum sínum reyna kennarar að
halda á lofti mikilvægi sfnu, þessi
hugsjónastétt fyrir bömin. En nú er
nóg komið, segja þeir, við eigum
peninga í verkfallssjóði og ætlum
að vera í verkfalli þar til allt um
þrýtur.
„Þar til allt um þrýtur” er hér
lykilsetning. Það lærðu ráðamenn
þjóðarinnar. eflaust af KENNUR-
UNUM SÍNUM, fyrir mörgum
ámm að væri aðeins spurning um
tíma. Slíkum hagnýtisfróðleik
gleyma hinir vellaunuðu gjaldkerar
ríkissjóðs ekki. Besta vinkona
þeirra er hún Budda. sá meðlimur í
vísitölufjölskyldunni sem er ekki
talinn með.
Þegar sjómenn fóru síðast í verk-
fall sagði sjávarútvegsráðherrann
að hann gæti hreint ekki horft upp á
flotann bundinn við bryggju þegar
öll þessi verðmæti svömluðu óá-
reitt í sjónum.
Sem sagt: Kennaraflotinn liggur
allur í höfn og ftskurinn, spriklandi
þyrsklingar á þumt landi, er undir-
máls og þess vegna lítils virði. Við
getum ekki selt manngildis æsku
þessa lands ísaða, saltaða, frysta
eða fullunna í gámum úr landi. Það
er vandamálið. Það veit „sjávarút-
vegsráðherra" menntamála. Það er
líka vandamálið:
Kennarafjöld í klakaböndum,
kúldrast heima í volæðisraupi.
Dreymir um hálaun í heitum löndum,
hijóumdi’í verkfalli’ á engu kaupi.
Stjómar rikis samningamenn,
söngva milljóna kyija t\'o.
Kennarar hrista höfuð sín enn,
hungmð er Budda en alls ekki svo.
Aldeilis uppi á þeim typpið.
við upphaf og baráttan glymur.
En biútt kemst hún Budda á nippið.
og bognar þá kjarkvisinn limur.
OAFLARI VllUNNAR 08 9 "a
Fæðingardagur? 17. maí, 1966.
Fjölskylduhagir? I sambúð með
Sigrúnu Jónsdóttur og hún á Ingu
Huld (13).
Bifreið? Golf, öruggur á alla vegu.
Starf? Hönnuður og ráðgjafi í aug-
lýsinga- og markaðsmálum.
Fyrri störf? Tækniteiknari, út-
litsteiknari, auglýsingateiknari.
Helsti veikleiki? Erfið vöknun.
Helsti kostur? Stend við það sem ég
segi.
Eftirlætismatur? Piparsteik með
sósunni hennar Sigrúnar.
Versti niatur? Soðin ýsa...
Eftirlætistónlist? Elvis Presley.
Eftirlætisíþróttamaður? Sigrún
Huld Hrafnsdóttir.
A hvaða stjórnmálamanni hefur
þú mestar mætur? Ópólitískur með
öllu.
Eftirlætissjónvarpsefni? Quantum-
Leap.
Leiðinlegasta sjónvarpsefni?
Bingó-Lottó.
Besta bók seni þú hefur lesið? Out
on a Limb (Shirley MacLaine).
Hvaða bók ertu að lesa núna? Að
elska er að lifa (Gunnar Dal).
Uppáhaldsleikari? Harrison Ford.
Besta kvikmynd sem þú hefur séð?
Aliens.
Hvað gerirðu í frístundum þínum?
Lifi lífinu lifandi.
Fallegasti staður sem þú hefur
komið til? Israel.
Hvað meturðu mest í fari
annarra? Traust.
Hvað meturðu síst í fari
annarra? Slappt handtak.
Hvern vildirðu helst liitta?
Steven Spielberg.
Hvað vildirðu helst í afmæl-
isgjöf? Koss og rós frá kon-
unni.
Hvað myndirðu gera ef þú
ynnir 2 ntillj. í happa-
drætti? Ferðast um S-Amer-
íku.
Hvað myndirðu gera ef þú
værir bæjarstjóri í einn
dag? Afnema fasteignagjöld-
in.
Uppáhalds Hafnarfjarðar-
brandarinn þinn? Skynsam-
ur maður lagar sig eftir um-
hverfinu. Hafnfirðingurinn
streitist við að laga umhverfið eftir
sér. Þess vegna eru allar framfarir
Hafnfirðingum að þakka!