Fjarðarpósturinn - 16.03.1995, Blaðsíða 5
Spurningar til frambjóðenda
Fjarðarpósturinn byrjaði á því í síðasta tplublaði að gefa frambjoclendum llokkanna sem bjóða fram í Reykjaneskjördæmi kost á að svara einföldum spurningum
blaðsins. Undirtektir hafa verið góðar. I þessu blaði höldum við áfram. Alþingi setur mörg lög um hin margvíslegu ntálefni, þar sem sérstakir tekjustofnar eða
skattar eru lagðir á til að framfylgja lögunum. Hægt er að telja upp langan lista yfir slík lög sem öll eiga það sammerkt að teKjustofnar þeirra eru innheimtir að
fullu, en aðeins hluti þeirra eða ekkert fer til þeirra verkefna sem peim er ætlað. Stór hluti þeirra fer til annara verkefna eða fer í almennan rekstur ríkisins. Hefur
svo verið í mörgum tilfellum í áratugi.
Spurningar í dag eru því:
1. Er ekki ábyrgðarlaust af Alþingi að setja slík lög og láta þau vera í gildi í áravís, vitandi að þau eru ekki notuð í það afmarkaða verkefni sem þau voru sett til?
2. Eru Alþingismenn ekki að blekkja sjálfa sig og kjósendur með slíkum vinnubrögðum?
Kvennalistinn
1. Vegurinn til glötunar er varðað-
ur góðum áformum, segir gamalt
máltæki, sem á vel við um þetta efni.
A bak við lagasetningu af þessu tagi
er vitanlega alltaf góður ásetningur,
en svo verður tómahljóðið í ríkis-
skassanum yfirsterkara. Ríkisstjóm-
arflokkar hafa árlega freistast til að
höggva í lögbundna tekjustofna til
hinna ýmsu verkefna og bera við
slæmri stöðu ríkissjóðs. Þetta eru
ótæk vinnubrögð, sem verður að
bæta.
2. Kvennalistakonur hafa margoft
gagnrýnt þetta framferði og einmitt
lýst þeirri skoðun, að annað hvort
standi Alþingi við lög í þessu efni
eða afnemi þau.
Þjóðvaki
1. Jú, Alþingismenn vinna oft
ómarkvisst að fjármálum ríkisins.
Heppilegra er að tekjustofnar séu
ekki afmarkaðir til ákveðinna verk-
efna nema hugur fylgi máli.
Þjóðvaki leggur til að fjárlaga-
vinnunni verði gerbreytt, þannig að
gerð verði rammafjárlög til fjögurra
ára þar sem forgangsröðun verði á-
kveðin. Aætlanagerð til eins árs í
senn þar sem útgjöld upp á milljarða
króna em ákveðin í tímhraki á nætur-
fundum rétt fyrir jól eru óverjandi
með öllu.
2. Vissulega. Alþingismönnum
fmnst oft þægilegt að setja markaða
tekjustofna, en síðan bregðast þeir
starfsskyldum sínum og trúnaði
gagnvart kjósendum með því að
fylgja því eftir eins og upprunalega
var ákveðið. Þetta er einn af veik-
leikum flokkakerfisins. Uppstokkun
þess er eitt brýnasta mál samtímans
eins og Þjóðvaki leggur áherslu á.
Sjálfstæðisflokkur
1. Eg er ósammála fullyrðingunni
um að tekjustofnar séu markaðir
fyrirfram, vitandi vits um að þeir
verði ekki notaðir til verkefnisins.
Forgangsröðun verkefna hjá
framkvæmdavaldinu breytist og oft
er það vegna nýrra ákvaðana löggja-
farvaldsins. Ef litið er til þessa
kjörtímabils sést, að það hefur beinlí-
nis verið forðast að eyrnarmerkja fé
og setja Alþingi þannig skorður inn í
framtíðina.
2. Eg svara á sama hátt, að
blekkingum hefur ekki verið beitt, en
vísa til þess að það verður forðast að
vísa ábyrgð inn í framtíðina.
Ámi R. Árnason, 4. maður á lista
Sjálfstæðisflokksins í Reykja-
neskjördæmi.
Kristín Halldórsdóttir, skipar 1. sæti
lista Kvennalistans í Reykjaneskjör-
dæmi
Alþýðuflokkur
I. Jú, það má til sanns vegar færa,
að markaðir tekjustofnar sem síðan á
að verja til tiltekinna verkefna, eru
mjög oft skertir þannig að hluta
þeirra fjármuna er varið til annarra
verkefna. Það er vissulega óeðlilegt
að til margra ára og áratuga skuli
tekjustofnar, sem lögum samkvæmt
skulu renna til ákveðinna þátta, nýtt-
ir til annarra óskyldra verkefna. Það
er þó réttlætanlegt í vissum tilfellum
um skamma hríð í senn.
Hins vegar er spurningin sú, þegar
um er að ræða tekjustofna sem eru
settir vegna tiltekinna átaksverkefna
s.s. eins og byggingar Þjóðarbók-
hlöðu og fleiri verkefna, hversu lengi
þeir eiga að standa. Yfirleitt eru
þessir sérstöku skattar látnir halda
sér, þótt átakinu sé að mestu lokið.
Elín Harðardóttir
2. Meginmálið er að, skattar séu
sem mest sýnilegir og fólk geri sér
glögga grein fyrir hvert þeir fjármun-
ir renna. Hvort skynsamlegt er að
skattar séu strax við innheimtu eym-
armerktir til ákveðinna verkefna s.s.
eins og bygginga til aldraðra og fatl-
aðra og fjölmargra annarra hluta sem
teknir em stundum með sköttum en í
öðmm tilfellum með þjónustugjöld-
um, eða hvort skattlagning eigi að
vera almenns eðlis og tekjunum ráð-
stafað að fullu gjaldamegin í fjárlög-
um óbundið. Er það t.d. skynsamlegt
að taka upp á nýjan leik almanna-
tryggingargjöld sem renni til heil-
brygðisþjónustunnar, en að lækka að
sama skapi tekjuskatt.
Meginatriði skattamálanna er hins
vegar, að skattbyrðin sé réttlát og
þeir borgi sem borgað geta og borga
eiga. I því sambandi leggur Alþýðu-
flokkurinn áherslu á að tekinn verði
upp fjármagnstekjuskattur, stór-
eignaskattur, raunverulegur hátekju-
skattur. Með þessum sköttum og
stórhertu eftirliti og átaki gegn
skattsvikum gefst m.a. kostur á því
að hækka skattleysismörkin og
lækka þannig skattbyrði á hendur
þeim sem lægst hafa launin .
Framsóknarflokkur
1. Jú, alveg tvímælalaust. Það er
allt of algengt að slík vinnubrögð séu
stunduð og ég tel að það verði að
taka á þessu og það ekki seinna en
strax. Sérstaða Framsóknarmanna á
Reykjanesi er sú að stór hluti fram-
bjóðenda er ungur að árum og hefur
horft upp á þetta ár eftir ár og hefur
það vakið mikla gremju hjá okkur.
Við teljum að það geti ekki verið
réttlátt að leggja skatta t.d. á almenn-
ing f landinu sem ætlað er að veita til
ákveðinna verkefna, en síðan þegar
innheimtan er byrjuð, eru þeir notað-
ir eftir duttlungum stjómvalda hverju
sinni og jafnvel í alls óskyld verk-
efni. Fram til þessa höfum við Fram-
sóknarmenn á Reykjanesi ekki haft
tækifæri til þess að hafa áhrif á laga-
setningum í slíkum tilvikum og því
síður að við höfum getað tryggt að
það fjármagn sem eymamerkt er á
einum stað sé notað nákvæmlega þar.
Þessu viljum við breyta og við mun-
um leggja áherslu á það, þegar við
stýrum þjóðarskútunni að nýju eftir
kosningar. Lög og reglur í landinu
eru til þess að fara eftir þeim. Ef við
viljum nýta peningana í annað en
þeim er ætlað þá eigum við hreinlega
að breyta lagasetningunum og inn-
heimta skattana á réttum stöðum.
2. Jú. Þetta er einn blekkingarvef-
ur. Stjómmálamenn hafa reynt að
sannfæra kjósendur um að það sé
eðlilegt að nýta sameiginlega sjóði
okkar allra í eitthvað annað en á-
kveðið hefur verið. I mínum huga
gengur þetta ekki upp. Hið opinbera
Siv Friðleifsdóttir, Franisóknar-
frömuður á Reykjanesi
leggur t.d. í dag mikla áherslu á að
borgaramir stundi áætlanagerð og
skipuleggi fjármál sín. Ef við sjálf
myndum beyta sömu vinnubrögðum
og blekkingu hjá sjálfum okkur
myndi ekki vel fara. Við væmm að
blekkja sjálf okkur og það er það
sama og Alþingismenn em að gera
með slíkum vinnubrögðum, blekkja
sjálfan sig og það sem verra er alla
íslendinga.
Alþýöu-
banda-
lagið
Alþingi íslendinga er æðsta lög-
gjafavald þjóðarinnar. Lög frá Al-
þingi er ætlað að vera undirstaða
þjóðaröryggis íslendinga. Því er það
ótrúlegt að skuli vera til lög, sett af
Alþingi sem brotin hafa verið í
fjölda ára, án þess að Alþingi telji á-
stæðu til að breyta þeim. Enn á-
byrgðarlausara er það gagnvart um-
bjóðendum að hafna endurskoðun
slíkra laga hafi einhver einstakur
þingmaður lagt fram breytingatillög-
ur vegna slíkra lagabrota.
Kristín Á. Guðmundsdóttir sem
skipar 3. sæti á G - lista Alþýðu-
bandalagsins og óháðra í Reykjanes-
kjördæmi
Ódýrara
í áskrift
Þetta eintak Fjarðarpóstsins
er ókeypis. Fjarðarpósturinn er
að öllu jöfnu scldur á aðeins 100
krónur en við vekjum athygli
þína á því að hann er ódýrari í
áskrift.
Blaðið, sem er 8-16 síður, lit-
prentað og fullt af efni um
Hafnarfjörð og hafnfirsk málefni,
kostar aðeins 80 kr. í áskrift.
Blaðið er sent með pósti og berst
því áskifendum á öruggan liátt.
Heppinn áskrifandi fær vöruúttekt
að eigin vali fyrir 25.000.kr. Taka
skal úttektina út í fyrirtæki í
Hafnarfirði. Næst verður dregið úr
pottinum 12. apríl. Verður nafn
þitt, lesandi góður í pottinum?
Áskriftarsíminn er 5651945 og
5651745. Hringdu núna, pantaðu
áskrift og fáðu Fjarðarpóstinn í
hverri viku.