Fjarðarpósturinn - 11.05.1995, Blaðsíða 2

2 FJARÐARPÓSTURINN
CTJÖpmifiPÁ
Gildir frá fimmtudegi 11. maí til mið-
vikudags 17. maí
Vatnsberinn (20. jan. - 18. feb.)
Láttu ekki smá áhyggjur setja þig út af
laginu, sjálfstraustið er nú sterkara en
það. Viljiröu halda áiiti áhrifamikils hóps
fólks, skaltu standa fyrir þínu. Löngun
þín til að stjórna og setja reglur er ekki
byggð eingöngu á metnaði heldur löng-
un þinni til að leggja þitt af mörkum til að
betrumbæta þennan heim.
Fiskarnir (19. feb. - 20. mars)
Einhver hugmynd þín fær ekki góðan
byr, eins og þetta var frumlegt. Brostu
nú samt, annars halda allir að þú sért í
fýlu. Þér var í rauninni alveg sama. Til
að sigrast á keppinautum þarf ekki ann-
að en að hugsa eins og þeir.
Hrúturinn (21. mars -19. apr.)
Eigirðu viö vandamál aö stríöa, skaltu
lesa allt sem þú kemst yfir um málið.
Leystu það svo. Þú ert að upplifa nýja
tíma, aukinn kraftur færist yfir þig og
einn daginn vaknar þú þakklát(ur) fyrir
aö hafa haldið þetta út.
Nautiö (20. apr. - 20. maí)
Hlustir þú á þína innri rödd, gengur allt
vel. Ef þú heldur að þú komist framhjá
réttvísinni, þá skjátlast þér. Róleg og
friðelskandi naut sneiða oft framhjá
óþægilegum málum og taka ekki þátt en
sum mál leysast bara ekki af sjálfu sér.
Tvíburinn (21. maí - 20. júní)
Það virðast töluverðar sveiflur í lifi tvl-
burans um þessar mundir og margt um
að vera. Krafa kemur utanfrá um að
hætta þessu rugli, sumir ósparir á ráöin
til betra lífs, þakkaðu pent fyrir en láttu
það ekki á þig fá. Haltu áfram.
Krabbinn (21. júní - 22. júlí)
Það er efnishyggjufólk I kringum þig
sem hefur litla eða enga trú á Nýju Tíma
stefnunni og þar með fordæmir allt ann-
að en það sem er grjóthörð áþreyfanleg
staðreynd. Hver og einn má hafa sína
skoðun. Og þú átt eftir að spyrja sjálfan
þig á næstunni, “hví er ég hér?"
Ljóniö (23. júlí - 22. ágúst)
Þér er virkileg vorkunn þessa daga, því
þú ert svo yfir þig ástfangin(n) að þú
berð það utaná þér. Hver nennir að
ræða alvarleg málefni við fólk sem svíf-
ur á Ijósrauðu skýi? Njóttu sem lengst.
Er til lækning við ástsýki?
Meyjan (23. ágúst - 22. sept.)
Umhverfið spilar stóran þátt I lífi þínu
þessa daga. Heimsóknir til fjarlægra
vina, sambönd við nágranna, jafnvel
löngu liðnar minningar frá fjarlægum
stöðum, skjóta upp kollinum. Áherslan
er á allt annað en það sem fram fer inn-
an veggja heimilisins.
Vogin (23. sept. - 22. okt.)
Lukkuhjólið er að snúast þína leið en þú
þarft að hjálpa til. Þú getur nokkuð
stjórnað ferðinni sjálf(ur), þó svo ein-
hverjir rísi upp á afturfæturnar og urri,
þá er það alltaf aðeins einn sem tekur
ákvörðun. Ef þú ert réttlát(ur), og lætur
ekki fordóma komast að getur þú ekki
annað en unnið sigur.
Sporödrekinn (23. okt. - 21. nóv.)
Það getur verið erfitt fyrir vini þína að
fylgja þér eftir, því þú ert komin svo langt
á undan. Það skilur enginn hvernig þú
kemst yfir svo mikið á svo stuttum tíma.
Hægðu aöeins á þér og njóttu þess að
sumarið er komið og allt líf að vakna.
Dagurinn í dag er sá sem skiptir öllu
máli.
Bogmaöurinn (22. nóv. - 21. des.)
Eitthvað úr fortíðinni kallar á uppgjör. Þú
ferð létt með það þar sem þú ert á því
planinu aö gera gott úr öllu. Ef þú gætir,
myndir þú gera þennan heim okkar aö
mikiö kærleiksríkari og heilbrigöari
heimi. Þú gætir í huganum látið rigna
gull flögum yfir hvert land og láð.
Steingeitin (22. des. -19. jan.)
Nú er góður tími til að hreinsa burt vetr-
arslóðann. Hálfkák dugar ekki. Hafðu
ekki áhyggjur fyrirfram, sum vandamál
leysast af sjálfum sér. Þú gætir þó
frestað smá verkefnum sem þér leiðist
heil ósköp ef þau þola bið.
Bros hefur tilgang
Stafa-
turninn
vígður
á 5 ára
afmæli
Fjöru-
kráar-
innar
Mikið ástarhreið-
ur tileinkað Freyju
-segir Jóhannes V. Bjarnason veitingamaöur
Jóhannes V. Bjarnason veitingamaður en á efri m.vndinni má sjá
stafaturninn.
Hinn nýji stafaturn á Fjöru-
kránni var vígður í gærkvöldi
að fornum sið á 5 ára afmæli
veitingahússins. Jóhannes V.
Bjarnason veitingamaður segir
að turninn verði mikið ástar-
hreiður í framtíðinni enda var
hann tileinkaður Freyju. Pað
var Jörmundur Ingi allsherjar-
goði ásatrúarmanna sem vígði
húsið. Stafaturninn verður
hinsvegar ekki tekinn í notkun
fyrr en föstudaginn 19. maí n.k.
Jóhannes segir að ýmislegt
verði að ftnna í tuminum fyrir
utan glæsilegan bar fyrir gesti
staðarins. Hann nefnir sem dæmi
útskurð sem Erlendur Magnússon
hefur m.a. annast ásamt erlendum
handverksmönnum, átta metra
langan refil þar sem Haukur Hall-
dórsson tröllateiknari hefur fært
Hrymskviðu í myndrænt form og
fleira tengt ásatrú.
Ibúar í einu húsi í nágrenni
Fjörukráarinnar mótmæltu bygg-
ingu tumsins og komu þeim mót-
mælum á framfæri við bæjaryftr-
völd. I bæjarráði var hinsvegar
samþykkt að afturkalla ekki bygg-
ingarleyfið og byggingarfulltrúa
falið að sjá til þess að samþykkt-
um teikningum yrði framfylgt.
Jóhannes segir að mótmæiin
hafi komið sér á óvart og hann sé
hissa á þeim. “Með þessari bygg-
ingu er miðbærinn í Hafnarfirði
orðinn einn sá fegursti á landinu
og það er óhætt að fullyrða að
tuminn á eftir að vekja athygli er-
lendra sem innlendra ferðamanna
í Hafnarfirði,” segir Jóhannes.
Æringi
meinlegur og miskunn-
arlaus - skrifar án
ábyrgðar:
Gleymt en
ekki...
Heldur voru heimtumar rýrar af fjöllum
verkaiýðsins þegar aðalsmalinn fór í eftir-
leitir um bæinn með lúðrasveit á hælununt.
Hann hefði kannski átt að halda áfram eft-
ir eftir Hverfisgötu, upp Öldugötu, yfir
Reykjanesbraut og þar uppeftir tii að sjá
hvort þar reyndust ekki einhverjar eftir-
legukindur?! Að minnsta kosti er að sjá af
fjöldanum í kröfugöngunni að Sigurður T.
og félagar þurfi að leita alllangt at'tur í tím-
ann tii þess að finna réttu stemmninguna.
Nú, og svo var auðvitað skítakuldi...:
Einbeittur með aldinn fána,
arkar Siggi í æskuleit.
Á hælum lians, af kulda blánar,
æðrast frosin lúðrasveit.
Heldur fáir gengu garpar,
ei grín er Siggans áfall.
Hirðar gætu gengið snaipar,
en gleymdist að smala Asfjall...?
Héldu ræður, hljómaði krafa,
en harla voru eyrun fá.
Það er alltof fátt að hafa,
aðeins tvö hverjum kolli á.
Það vantar hins vegar ekki eldmóðinn í
verkalýðinn milli fyrstumaíanna sem koma
eðlilega með reglulegu millibili. En þegar
að því kemur að dubba sig upp í kröfu-
göngukuldagallann brestur oss minni ótrú-
lega skjótt:
Góð eru ráðin,
grefilli dýr.
Fögur er dáðin,
en drátturinn rýr.
Vælum og skælutn,
en skundum ei.
Sleppum stælum,
suss og þey!
Viljunt þó hærra,
helvítis kaup.
Stærra og stærra,
styrkist raup.
í kröfugöngu,
kúldrumst ei leið.
Gleymt fyrir löngu,
grátur og neyð.
Fuílt nafn? Símon Jón Jóhannsson.
Fæðingardagur? 19. mars, 1957.
Fjölskylduhagir? Kvæntur Hall-
fríði Helgadóttur, á einn son, Ágúst
Bjarma (16) og tvær fósturdætur,
Katrínu (11) og Huldu (8).
Bifreið? Toyota Corolla árg. ‘95.
Starf? Islenskukennari við Flens-
borgarskóla en fæst einnig við rit-
stöif.
Fyrri störf? Margvísleg störf með
skóla og kennslu, t.d. við Ríkisút-
varpið.
Heisti veikleiki? Á það til að vera
frekur og eigingjam en svo er ég
veikur fyrir góðum mat og öðrum
lífsnautnum.
Helsti kostur? Það er nú augljóst...!
Versti matur? Allt með sveppum og
ógeðslegir framandi sjávarréttir.
Eftirlætistónlist? Jazz, blús og
melódísk, rómó tónlist og svo er ég
svolítið veikur fyrir Megasi og fleiri
trúbadúrum.
Eftirlætisíþróttamaður? Enginn.
Eftirlætissjónvarpsefni? Breskir
sakamálaþættir, góðar kvikmyndir,
fréttir og fræðsluþættir.
Leiðinlegasta sjónvarpsefni? Sáp-
ur og aðrir ófyndnir „skemmtiþættir”.
Besta bók sem þú hefur lesið?
Heimsljós (Halldór Laxness).
Hvaða bók ertu að lesa núna?
Þjóðsagnasafn Sigfúsar Sigfússonar,
Heimskra manna ráð (Einar Kára-
son) og Ævisögu Jörundar hunda-
dagakonungs (Rhys Davies).
Eftirlætisleikari? Anthony Hopkins.
Besta kvikmynd sem þú hefur séð?
Paradísarbíóið, Skuggalendur o.fl.
Hvað gerirðu í frístundum? Fer í
bíó, les, bind inn bækur, geri upp
húsið og ferðast.
Fallegasti staður sem þú hefur
komið til? Akureyri og Prag.
Hvað meturðu mest í fari ann-
arra? Heilindi og lífsgleði.
Hvað meturðu síst í fari annarra?
Óheilindi, hroka og mannfyrirlitn-
ingu.
Hvað vildirðu helst í afmælisgjöf?
Einhverja fágæta útgáfu af góðri
ljóðabók.
Hvern vildirðu helst hitta? Davíð
heitinn Stefánsson.
Hvað myndirðu gera ef þú ynnir 2
milljónir í happdrætti? Borga nið-
ur skuldir um milljón og bjóða svo
fjölskyldunni til Kína fyrir hina.
Hvað myndirðu gera ef þú værir
bæjarstjóri í einn dag? Stjóma
bænum áfram í anda Magnúsar Jóns.
Ef þú værir ekki maður, hvað
værirðu þá? Fluga á vegg.
Hver er besti Hafnarfjarðar-
brandari sem þú hefur heyrt?
Þegar Hafnfirðingar fengu nýjan
brunabíl var slökkviiiðsstjórinn
spurður hvað þeir ætluðu að gera við
gamla brunabílinn. „Við notum
hann í göbbin,” svaraði hann!