Fjarðarpósturinn - 11.05.1995, Blaðsíða 6
6 FJARÐARPÓSTURINN
Útgefandi:FJARÐARPÓSTURINN hf.Bæjarhraun 16, 220Hafnar-
fjörður. Símar, ritstjóm 565 1945,auglýsingar 565 1745, símbréf 565 0835.
Framkvæmdastjóri: Óli Jón Ólason, ritstjóri: Friðrik Indriðason, íþróttir
og heilsa: Jóhann Guðni Reynisson, innheimta og dreifing: Steinunn
Hansdóttir, umbrot: Fjarðarpósturinn, prentun: Borgarprent.
Umhverfisspjöll
Gífurleg hrauntaka verktaka í Kapelluhrauni hefur
verið í fréttum undanfama daga. Ljóst er að þarna er
verið að vinna mikil umhverfisspjöll á hrauninu og það
vekur furðu að það er Skógrækt ríkisins sem stendur á
bak við þessi spjöll með því að hafa selt verktakanum
leyfi til hrauntökunnar. Hér er á ferðinni mál sem reyna
verður að stöðva með öllum tiltækum ráðum. Lagalega
mun víst vart hægt að koma í veg fyrir þessa hrauntöku
en verið er að búa svo um hnútana hjá bæjaryfirvöldum
að ekki sé hægt í framtíðinni að endurtaka leikinn innan
lögsögu Hafnarfjarðar.
Náttúruverndarráð Islands hefur beitt sér í þessu máli
og sent erindi til sýslumannsins í Hafnarfirði um að
hrauntakan verði stöðvuð. Byggir Náttúruvemdarráð
mál sitt á því að Skógræktin tilkynnti ráðinu ekki um
þessar fyrirætlanir sínar þegar samningurinn við verk-
takana var gerður fyrir nokkrum árum né var bæjaryfir-
völdum í Hafnarfirði tilkynnt um málið. Sýslumaður
hefur haldið fundi með deiluaðilum í þessari viku og
annarr fundur var boðaður síðdegis í gærdag um málið.
Þegar þetta er skrifað er ekki kunnugt um niðurstöðu
þessara fundarhalda.
I þessu máli vaknar athyglisverð pólitísk spuming því
málið heyrir undir tvö ráðuneyti sem eru á hendi sama
ráðherrans, Guðmundar Bjamasonar landbúnaðarráð-
herra og umhverfisráðherra. Skógrækt ríkisins heyrir
undir landbúnaðarráðuneytið en Náttúruverndarráð
heyrir undir umhverfisráðuneytið.
Guðmundur Bjamason var spurður að því þegar hann
tók við embætti hvort það gæti ekki leitt til hagsmunaá-
rekstra að sami ráðherrann gengdi þessum tveimur emb-
ættum. Hann taldi þvert á móti að það væri til hins betra
að svo sé. Nú fær ráðherrann í fyrsta skipti tækifæri til
að sýna almenningi fram á hve hagstætt það er að hann
sitji báðum meginn við borðið í deilumáli sem snertir
ólíka hagsmuni ráðuneyta þeirra sem hann stjórnar. Hér
er ekki hægt að kveða upp neina Salomóns-úrskurði,
annaðhvort verður hrauntakan stöðvuð eða ekki. Það er
ekki til neinn millivegur í þessu máli.
Skógrækt ríkisins samdi við verktakann um hrauntök-
una 1992 áður en ný lög um umhverfisvernd tóku gildi
sem hefðu gert Skógræktinni ókleyft að hagnast á þess-
um umhverfisspjöllum. Miðað við fyrir hvaða sjónar-
mið Skógræktin stendur er óskiljanlegt að forráðamenn
þeirrar stofnunnar skuli hafa samið um hrauntökuna á
sínum tíma. Þeim átti að vera ljóst þvílíkt svöðusár slík
hrauntaka skilur eftir sig enda um að ræða að hrauni er
svipt ofan af svæði á stærð við hundrað meðalstóra fót-
boltavelli. Og tekjur Skógræktarinnar nema aðeins tæp-
lega 15 milljónum króna. Það er óhætt að taka undir orð
Magnúsar Jóns Arnasonar hér í blaðinu um að málið allt
er fyrst og fremst sorglegt fyrir Skógræktina.
Friðrik Indriðason
Hlaupið í flokki 10 ára nemenda fór fyrst af stað.
MikiII fjöldi keppenda og áhorfenda \
Vfmuvarnarh
Vímuvarnardagur Lions í
Hafnarfirði var haldinn hátíðleg-
ur á laugardag að viðstöddu fjöl-
menni. Grunnskólanemendur
kepptu í boðhlaupi en almenning-
ur síðan í götuhlaupi og að lokum
fengu allir frítt í sundlaugina.
Úrslit í boðhlaupi skólanna urðu
þau að Lækjarskóu vann í flokki 7
ára nemenaa og 8 ára nemenda.
Öldutúnsskóli vann í flokki 9 ára
nemenda og Engidalsskóli í flokki
10 ára nemenda."
Hlaupið fór fram á Víðistaðatún-
inu og lék Lúðrasveit Tónlistarskól-
ans fyrir gesti. Skátar settu upp tjöld
og boðið var upp á vöfflur og kaffi.
Allir sem luku nlaupinu fengu verð-
launapening frá Sparisjóði Hafnar-
fjarðar og ýmsir aðilar gáfu auka-
verðlaun.
Skátar settu upp tjaldbúðir á svæðinu.
Lúðrasveit Tónlijt;
Alþjóðlegt málþing um landslag
Saga, gildi
og framtfð
Laugardaginn 29. apríl var haldið
alþjóðlegt málþing í Hafnarborg,
menningar og listastofnun Hafnar-
fjarðar. A þinginu var fjallað um
landslagsmálverk, sögu þeirra, gildi
og framtíð. Til að ræða þessi mál var
fjórum frummælendum boðið á þing-
ið: Aðalsteini Ingólfssyni listfræðingi
við Listasafn Islands, Mikael Karls-
syni dósent við Háskóla íslands, Fol-
ke Edwards listfræðingi og fyrrum
forstöðumanni Listasafnsins í Gauta-
borg og Öystein Loge listfræðingi.
I ávörpum frummælenda kom fram
ýmislegt sem varðar bæði sögu lands-
íagsmálverka og helstu kenningar sem
um þau hafa fjallað. Greinilegt er að í
hugum þessara fræðimanna var lands-
lagsmálverkið langt frá því dautt, þótt
vissulega hafi lítið borið á því í list eft-
irstríðsáranna. Hinsvegar töldu allir að
meðferð listamanna á landslaginu hafi í
raun tekið miklum breytingum. Ymis-
legt af því sem þróaðist í iandslagshefð-
inni var í raun grunnur að hinu sem á
eftir kom, til dæmis afstraktmyndum
eftir Nínu Tryggvadóttur sem nú stend-
ur í Listasafni Islands. Þótt landslagið í
kringum okkur sé nú sjaldan viðfangs-
efni í málverkum er engu að síður ansi
margt í nútímamálverkum sem á einn
eða annan hátt er sprottið af reynslu
okkar af landslaginu og tilraunum eldri
málara til að festa það á mynd.
Sterkt myndform
Landslagið er í raun eitt af sterkustu
myndformum sem málarar og teiknarar
eiga völ á , eins og kom fram í erindi
Mikaels Karlssonar. Ein stök lína sem
dregin er lárétt yfir blað kveikir strax
hugmynd um sjóndeildarhring og ef í
henni eru tindar og dældir sjáum við út
úr henni fjallalandslag. Að mannlíkam-
anum og andlitum undanskildum er lík-
Frummælendur ásamt fundarstjóra en
og Öysten Loge
lega ekkert sem jafn auðveldlega kveik-
ir mynd fyrir áhorfandanum.
Reynsla okkar af landslaginu var líka
gerð að umræðuefni og í því samhengi
voru dregnar fram ýmsar kenningar sem
hafa verið ofarlega á baugi í slíkum um-
fjöllunum síðustu aldir. Islenskt lands-
lag var eðlilega efst í hugum allra, ekki