Fjarðarpósturinn


Fjarðarpósturinn - 15.06.1995, Page 4

Fjarðarpósturinn - 15.06.1995, Page 4
4 FJARÐARPÓSTURINN Útgefandi:FJARÐARPÓSTURINN hf. Bæjarhraun 16, 220 Hafnar- fjörður. Símar, ritstjóm 565 1945,auglýsingar 565 1745, símbréf 565 0835. Framkvæmdastjóri: Óli Jón Ólason, ritstjóri: Friðrik Indriðason, íþróttir og heilsa: Jóhann Guðni Reynisson, innheimta og dreifing: Steinunn Hansdóttir. umbrot: Fjarðarpósturinn, prentun: Borgarprent. Meirihlutinn féll Meirihluti Alþýðubandalags og Sjálfstæðisflokks í Hafnarfirði er fallinn öðru sinni frá því að hann tók við stjóm bæjarins fyrir rétt rúmu ári síðan. Þetta hefur ver- ið meirihluti mikilla úttekta en minni framkvæmda enda þröngt sniðinn stakkur í þeim efnum. Allt frá því að meirihlutinn tók við völdum hefur gengið á ýmsu í stjórn bæjarins, ekki hvað síst í kring- um persónu Jóhanns G. Bergþórssonar. Jóhann hefur rekist illa í flokknum en vitað var frá upphafi að hann var lítt hrifinn af samstarfinu við Alþýðubandalagið. Fór svo að honum var lofuð staða bæjarverkfræðings til að hafa hann góðann í samstarfinu. Nú er endanlega ljóst að ekki verður staðið við það loforð og ef til vill voru mestu mistökin í þessu máli öllu frá upphafi að skilyrða ekki loforðið því að Jóhann hyrfi úr bæjarstjóm um leið. Eins og fram kemur í blaðinu í dag eru þrír kostir á myndun nýs meirihluta í stöðunni í dag. Alþýðuflokkur stendur með pálmann í höndunum því ekki verður myndaður starfhæfur meirihluti án þátttöku hans. Al- þýðuflokkurinn ætlar sér hinsvegar að taka góðan tíma í að ræða við hugsanlega samstarfsaðila á næstu dögum og vikum en öruggt er að báðir fyrrverandi meirihluta- flokkar munu sækja það stíft að ganga í eina sæng með Alþýðuflokknum. Sjómannaverkfall áfram Sjómenn felldu miðlunartillögu ríkissáttasemjara og því stendur sjómannaverkfallið áfram. Ljóst er að í sjó- mönnum kraumar mikil óánægja með ýmis mál en þó helst verðmyndun á fiski og þátttöku sjómanna í kvóta- kaupum útgerða. I miðlunartillögunni var að vísu að finna lausn á verðmyndunarmálinu en þar voru ekki ýmis önnur atriði sem sjómenn telja mikilvægt að semja um nú. Hvað verðmyndun á fiski varðar er það deilumál sem ekki brennur nema á hluta sjómanna, það er þeirra sem eru á skipum sem selja afla til eigin fiskvinnslustöðva. Um svipað leyti og vandamál í tenglsum við þátttöku sjómanna í kvótakaupum komu upp var fiskverð gefið frjálst. Margir útgerðarmenn sem einnig reka fisk- vinnslustöðvar tóku frjálst fiskverð á þann veg að þeir gætu ákveðið verðið einhliða til áhafna sinna. A meðan svo var máttu þessir sjómenn horfa upp á félaga sína á öðrum skipum sem lönduðu á fiskmarkaði fá allt að helmingi hærra verð fyrir sama afla. Þetta er óréttlæti sem ekki er hægt að líða. Útgerðarmenn geta því að hluta til kennt sjálfum sér um í hvaða hnút þetta mál er komið. Það er alvarlegt mál ef sjómannaverkfallið dregast enn meir á langinn en orðið er. Af fréttum má ráða af búið hafi verið að ná samkomulagi um 19 af 26 deiluat- riðum. Ef vilji er fyrir hendi má því ljúka málinu fljót- lega. Friðrik Indriðason Magnús Jón Árnason bæjarstjóri flutti ávarp ásamt öðrum. Einnig má sjá Lúðrasveit Hafnarfjarðar. Sjómannadagurinn í Hafnarfirði með hefðbundnu sniði Hátfðarhöldin f skugga verkfalls Sjómannadagurinn í Hafnarfirði var með hefðbundnu sniði en hátíðar- höldin nú fóru fram í skugga verk- falls sjómanna sem staðið hafði um nokkra hríð. Hólmgeir Jónsson fram- kvæmdastjóri Sjómannasambands Islands kom inn á þetta í ávarpi sínu og sagði m.a. að eftir langa og stran- ga samningafundi í kjaradeilunni væri hugurinn en bundin því atriði. “Ég vona að í framtíðinni auðnist samtökum sjómanna og útvegsmönn- um að leysa mál sín með friðsamari hætti en hingað til. Ef vilji er til þess af beggja hálfu ætti slíkt að takast.” Auk Hólmgeirs fluttu þau Kristín Gunnbjömsdóttir frá slysavamadeild- inni Hraunprýði og Magnús Jón Ama- son bæjarstjóri ávörp. Kristín gerði ör- yggismál sjómanna m.a. að umræðuefni og sagði að þau þyrftu stöðugrar ár- verkni við. Magnús Jón Ámason kom inn á verkfallið og sagði m.a. að hann vonaði eins og allir að samningar næð- ust sem fyrst því hver dagur sem flotinn lægi við bryggju væri dýr fyrir okkur öll. Fimm aldraðir sjómenn voru heiðraðir að þessu sinni á Sjómanna- daginn. Þeir eru Þórhallur Hálfdánar- son, Þorleifur Gunnarsson, Sigurður Gunnarsson, Olafur Sigurgeirsson og Bjöm Bjamason. Mjög margt var í boði fyrir gesti og gangandi á hátíðardaginn. Bátar voru í stöðugum siglingarferðum um höfnina og næsta nágrenni fyrir þá sem vildu og það vom fjölmargir sem nýttu sér slíkt. Að auki var Kænan með ftskmarkð í tjaldi við hliðina á veitingahúsinu og þar mátti m.a. kaupa glænýja grásleppu. Og eitt af vinsælustu skemmtiatriðum fyrir yngstu kynslóðina var hestaleiga á Suðurbakkanum. 1 ávarpi sínu fjallaði Magnús Jón Ámason bæjarstjóri meðal annars um fiskveiðistefnuna og öryggismál sjó- manna. I lokin sagði hann m.a.: “Þrátt fyrir vemdunarsjónarmið og bætt ör- yggi er það þó alltaf náttúran sem á síð- asta orðið. Skilyrðin í sjónum og veðr- áttan á miðunum kringum landið eru ef til vill stærri örlagavaldar en við sjálf. Eg hef þó þá trú að ef við höldum vel á spöðunum eigi þessir þrír þættir, náttúr- an, skynsamleg nýtingarstefna og sí- auknar kröfur í öryggismálum, eftir að ráða mestu um framtíð sjómennsku á Is- landi. Þó við getum sennilega ekki haft áhrif á náttúruöflin getum við sett mark okkar á hin tvö atriðin. Það skulum við gera í sameiningu.” Miðlunartillagan I máli sínu fjallaði Hólmgeir Jónsson ítarlega um kjaradeilu þá sem sjómenn hafa átt í að undanfömu og miðlunartil- lögu þá sem sett var fram til að höggva á hnútinn í deilunni. Hólmgeir sagði m.a.: “Ljóst er að ekki tókst að ljúka mikilvægum málum sem vo.m uppi á borðinu en miðlunartillagan inniheldur þó hugsanlega lausn og áfanga í nokkrum mikilvægum málum enda byggir hún eingöngu á þeim atriðum sem búið var að ná sátt um milli aðila þegar upp úr viðræðum slitnaði...En menn spyrja vitanlega hvers vegna sjó- menn og útvegsmenn hafi deilt svo hart að undanfömu.” Hólmgeir rakti deiluna um verð- myndun á ftski sem hefur verið aðalbit- beinið í þessum samningum nú. Þar var annarsvegar deilt um þátttöku sjómanna í kvótakaupum útgerða og hinsvegar um einhliða ákveðið fiskverð þegar ftskvinnsla kaupir afla af eigin útgerð. “Með öðrum orðum eru sjómenn látnir greiða útgerðarmönnum gjald fyr- ir að fá að veiða upp í aflaheimildir sem hið opinbera úthlutar án endurgjalds. Er hver ber mesta ábyrgð á því hvemig þessum málum er komið? Það hlýtur að vera löggjafarvaldið vegna þess að þat hafa lögin um stjóm ftskveiða veriS sett. Lögin sem bjóða upp á þessi vinnu- brögð útgerðarmanna. En löggjafar- valdið hefur líka sett lög sem banna að kostnaður við kaup á veiðiheimildum sé dregin frá heildarverðmæti afla áður en aflahlutur sjómanna er reiknaður. Þvi miður hefur hluti útgerðarmanna virl þau lög að vettugi og látið sjómenn greiða auðlindarskatt til sín af sameig- inlegri auðlind þjóðarinnar,” sagði Hólmgeir. “Hvað það atriði varðar að sjómenn séu þátttakendur í kvótakaupum hafa frjáls viðskipti með veiðiheimildir veri? hvað mest gagnrýnd af sjómönnum og samtökum þeirra. í ljós hefur reyndat komið að ótti sjómannasamtakana vi? kvótabrask einstakra útgerðarmanna vat ekki að ástæðulausu. Sjómenn eiga ekki að taka þátt í að kaupa veiðiheimildii með útgerðinni enda fá þeir ekki hlut út andvirði seldra veiðiheimilda þegar þvi er að skipta.” Ný þyrla Hólmgeir kom inn á öryggismál sjó manna í ávarpi sínu og sagði að þau væru ætíð til umræðu. Hann tald ástæðu til að fagna því sérstaklega að ny þyrla kemur til landsins í næsta mánuði “Engan þarf að undra þó sjómenn sýni málinu áhuga enda getur þyrla skipl sköpum um líf eða dauða komi eitthva? fyrir á hafi úti,” sagði Hólmgeir. “Þyrh er reyndar ekki aðeins öryggistæki fyrii sjómenn heldur getur þyrla skipt sköp- um hvort heldur er að ræða neyð á landi eða sjó. Nú er þetta áratuga baráttumái að komast í höfn.”

x

Fjarðarpósturinn

Direct Links

If you want to link to this newspaper/magazine, please use these links:

Link to this newspaper/magazine: Fjarðarpósturinn
https://timarit.is/publication/945

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.