Fjarðarpósturinn


Fjarðarpósturinn - 15.06.1995, Blaðsíða 5

Fjarðarpósturinn - 15.06.1995, Blaðsíða 5
FJARDARPOSTURINN 5 Fiskmarkaði var komið á fót við veitingahúsið Kænuna. Hestaleiga var mjög vinsæl meðal yngstu kynslóðarinnar. Koddaslagur er ómissandi á Sjómannadaginn. Langur aðdragandi að falli meirihlutans Þrír möguleik- ar eru á nýrri bæjarstjórn Aldraðir sjómenn voru að venju heiðraðir á Sjómannadaginn. Þeir mættu á heiðurspallinn ásamt eiginkonum sínum. Stjórn bæjarmála í Hafnarfírði er í mikilli óvissu eftir síðasta bæj- arstjórnarfund þar sem meirihluti Sjálfstæðisflokks og Alþýðubanda- lags féll öðru sinni. Magnús Gunn- arsson oddviti Sjálfstæðismanna tilkynnti Magnúsi Jóni Árnasyni bæjarstjóra formlega í gærdag að hann gæti ekki haldið samstarfínu áf'ram. Síðan var sama tilkynning gefín á fulltrúaráðsfundi flokksins. Þrír möguleikar eru á nýjum meiri- hluta. Jóhann og Alþýðuflokkur gætu myndað meirihluta, Alþýðu- bandalag og Alþýðuflokkur einnig og tveir til þrír fulltrúar Sjálfstæð- isflokks gætu myndað meirihluta með Alþýðuflokknum. Eins og sést af þessari upptalningu eru Alþýðuflokksmenn nú í lykilað- stöðu í bæjarstjórn því nýr meirihluti verður ekki myndaður án þátttöku þeirra. Spurningin er bara hvaða aðila þeir vilja velja sér til samstarfs. Hvað hina tvo möguleikana varðar, sam- starf með Alþýðubandalagi eða Sjálf- stæðisflokki, ætti að telja líkurnar jafnar. I raun er ekkert því til fyrir- stöðu að Alþýðuflokkur velji annan af þessum kostum þar sem úttektir þær sem fyrrum meirihluti lét gera á fjár- málum bæjarins eru að baki og menn geta sest niður með hreint borð. Harma niðurstöðuna Magnús Gunnarsson segir að hann harmi auðvitað þessa niðurstöðu að meirihlutinn féll og hann harmar ein- nig samstarfsörðugleikana sem ollu því, örðugleika sem snérust í kring- um Jóhann G. Bergþórsson og ýmis málefni hans. "Með fullri virðingu fyrir öðrum umsækjendum um stöðu bæjarverk- fræðings harma ég einnig lyktir þess máls en þar lagði ég mig fram um að velja í embættið mann sem hefur ákaflega góð meðmæli og hefði ver- ið fengur í fyrir bæjarfélagið," segir Magnús Gunnarsson. Hvað framtíðina varðar segir Magnús að hann og Valgerður Sig- urðardóttir muni nú leita hófanna hjá öðrum og eru reiðubúin til viðræðna við hvern þann sem vill slíkt. Skiluðum okkar Magnús Jón Árnason bæjarstjóri segir að Alþýðubandalagið hafi stað- ið heilt og óskipt í starfi sínu í meiri- hlutanum með Sjálfstæðisflokknum. Meirihlutinn hafi tekið formlega ákvörðun um að styðja við bakið á Birni Inga Sveinssyni í embætti bæj- arverkfræðings og þar hafi Alþýðu- bandalagið skilað sínum tveimur at- kvæðum. "Ég vil hinsvegar taka það fram að ég tel Kristinn Ó. Magnús- son ákaflega hæfan mann í þetta embætti og hef átt mjög gott samstarf við hann sem bæjarstjóri," segir Magnús Jón. Hvað framhaldið varðar segir Magnús Jón að Alþýðubandalagið muni koma saman til fundar þar sem Iínurnar verða lagðar. "Það hefur ætíð legið ljóst í mínum huga að það er skylda bæjarfulltrúa að mynda starfhæfan meirihluta og Alþýðu- bandalagið mun axla þá ábyrgð," segir Magnús Jón. "Og í því sam- bandi má nefna að við höfum ætíð gengið heilir og óskiptir í slíkt sam- starf." Förum okkur hægt Ingvar Viktorsson oddviti Alþýðu- flokksins segir að þeir ætli að fara sér hægt í nýjar meirihlutaviðræður en jafhframt að þeir séu opnir fyrir öllum möguleikum. "Við höfum áhuga á að ræða við alla aðila en það hefur eng- inn komið að orði við okkur ennþá," segir Ingvar er Fjarðarpósturinn ræddi við hann á þriðjudagskvöld. "Það sem er lykilatriði er að fá lausn sem er til hagsbóta fyrir bæinn og bæjarbúa." Jóhann G. Bergþórsson sagði strax að loknum bæjarstjórnarfundinum á þriðjudag að hann liti á úrslitin í kjöri bæjarverkfræðings sem trúnaðarbrest í sinn garð þar sem honum hafði ver- ið lofuð staðan við meirihlutaviðræð- urnar s.l. vor. Hann vildi ekki gefa út skýra yfirlýsingu um að hann væri hættur að styðja meirihlutann en kvaðst starfa áfram í Sjálfstæðis- flokknum meðan hann yrði ekki rek- inn úr þeim flokki. Aðspurður um af- hverju hann hefði sótt svo stíft að fá að vera bæði bæjarverkfræðingur og bæjarfulltrúi sagði hann m.a. að reikningar bæjarins sýndu að þörf væri á styrkri stjórn til að taka á þeim málum sem brýnust væru. Aðdragandinn Aðdragandinn að falli meirihlut- ans í Hafnarfirði er orðinn langur og raunar má rekja hann allt aftur að meirihlutaviðræðunum síðasta vor. Þær viðræður strönduðu lengi á af- stöðu Jóhanns G. Bergþórssonar og kröfu hans um að bæjarstjóri yrði ópólitískur. Að lokum lét hann af andstöðu sinni gegn því að fá emb- ætti bæjarverkfræðings í sinn hlut en loforð um þá stöðu var ekki skilyrt því að hann léti af störfum sem bæj- arfulltrúi. Nú var svo komið að Sjálf- stæðismenn í Hafnarfirði ákváðu að bráðabirgðalausnir og málamiðlanir dygðu ekki lengur og veittu því Magnúsi Gunnarssyni umboð til að tilnefna hæfasta umsækjandann í stöðu bæjarverkfræðings. Allt frá því að meirihluti Sjálf- stæðisflokks og Alþýðubandalags hóf samstarf hefur verið erfitt að greina hvort Jóhann hafi verið með í því eða ekki. Heimildarmaður innan Alþýðubandalagsins segir að menn þar á bæ hafi a.m.k. átt í erfiðleikum með að sjá hvort Jóhann fylgdi sín- um flokki eða ekki frá degi til dags í bæjarstjórninni. Og nefna má að Jó- hann tók ekki þátt í gerð fyrstu fjár- hagsáætlunar hins nýja meirihluta þótt hann væri reyndasti bæjarfull- trúi Sjálfstæðisflokksins og fyrrum oddviti hans. Hafnfirðingar hafa í vetur getað fylgst náið með innanhúsvandamál- um Sjálfstæðisflokksins vegna Jó- hanns G. Bergþórssonar enda málið efni í gott fjölmiðlafóður. Fór svo að hann felldi meirihlutann um stund en kom svo aftur inn eftir að m.a. Dav- íð Oddsson forsætisráðherra hafði beitt sér í málinu. Ekki eru tök á að rifja þá sögu alla hér en svo virtist að málið væri kom- ið fyrir horn er Jóhann gaf þá yfirlýs- ingu þann 11. maí að hann myndi ekki sækjast eftir embætti bæjarverk- fræðings. Síðan fékk hann svör frá félagsmálaráðuneytinu um að hann gæti bæði setið sem bæjarverkfræð- ingur og bæjarfulltrúi og sótti hann þá um embættið ásamt 10 öðrum. K fl T fl HANAE MORI METZLER Marc O'Polo flOXY MCW4VIC marcolin JIL SANDER NEOSTYLE wJt augnsýn Miðbæ 555 4789 Úskum viðskiptavinum okkar og Hafnfirðingum gleðilega þjóðhátíð

x

Fjarðarpósturinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fjarðarpósturinn
https://timarit.is/publication/945

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.