Fjarðarpósturinn - 29.06.1995, Blaðsíða 11

FJARÐARPÓSTURINN 11
i
FH sigraði á meistaramótinu í
frjáisum íþróttum
Var með
langbesta
liðið á
landinu
Frjálsíþróttalið FH sigraði með
yfirburðum á meistaramóti Is-
lands í frjálsíþróttum sem fram
fór síðastliðna helgi. Liðið hlaut
187 stig en lið ÍR, sem varð í öðru
sæti, fékk 52 stigum færra.
Sigurinn var kærkominn afmælis-
gjöf frá deildinni tii heiðursformanns
hennar, Haralds S. Magnússonar,
sem átti afmæli á sunnudeginum.
Að sögn Sigurðar Haraldssonar er
stigakeppni meistaramótsins mun
betri mælikvarði á styrkleika liða
heldur en bikarkeppnin vegna þess
að breidd innan liðanna skiptir mun
meira máli á meistaramóptinu. Þar fá
aðeins stig þeir sem verða meðal sex
fyrstu í hverri grein.
FH-ingar voru tíðir gestir á verð-
launapalli mótsins en þangað komu
þeir alls tuttugu og sjö sinnum sem er
mjög gott afrek á meistajamóti.
Einnig hlutu FH-ingar flesta íslands-
meistaratitla eða níu alls.
Að sögn Sigurðar er Ragnheiður
Ólafsdóttir þjálfari að gera mjög
góða hluti með liðið. Má því reikna
með að FH gangi vel í bikarkeppn-
inni sem fram fer eftir mánuð.
Góður árangur
Á meistaramótinu náðu FH-ingar
þessum árangri helstum:
Finnbogi Gylfason var þrefaldur
íslandsmeistari, sigraði í 800 og
1500 m hlaupi og var í sigursveit FH
í 4x400 boðhlaupi.
Helga Halldórsdóttir sigraði í 400
m hlaupi og 100 m grindahlaupi og
varð í öðru sæti í 400 m grindahlaupi
og 4x100 m boðhlaupi.
Sigurður T. Sigurðsson sigraði að
venju örugglega í stangarstökki.
Einar Kristjánsson sigraði örugg-
lega í hástökki og má búast við að
hann setji Islandsmet í sumar.
Laufey Stefánsdóttir sigraði í 800
m hlaupi og varð önnur í 1500 m
hlaupi. Hún er mjög efnileg í milli-
vegalengdahlaupum og má búast við
að hún bæti sig í sumar.
Guðmundur Karlsson sigraði í
sleggjukasti þrátt fyrir að hann togn-
aði í hálsi og baki fyrir skömmu.
Eggert Ó. Bogason varð annar í
kúluvarpi og kringlukasti. Kúlunni
varpaði hann aðeins tveimur sm styt-
tra en sigurvegarinn. Hann varð síð-
an fjórði í sleggjukasti.
Rakel Tryggavadóttir setti ís-
landsmet í stúlknaflokki í þrístökki
og varð í öðru sæti. Hún stökk þar í
fyrsta skipti yfir 12 m í keppni og
vantar nú aðeins 15 sm til þess að
komast í afreksmannahóp FRÍ. Hún
varð þriðja í langstökki og önnur
með sveit FH í 4x100 m boðhlaupi.
Bjöm Traustason varð annar í 400
m grindahlaupi, þriðji í 400 m hlaupi
á persónulegu meti, var í sigursveit
FH í 4x400 boðhlaupi og í öðm sæti
með boðhlaupssveitini í 4x1 OOm.
Jón Oddsson varð annar í lang-
stökki og setti Hafnarfjarðarmet sem
er jafnframt hans besti árangur. Hann
varð í öðru sæti með boðhlaupssveit-
inni í 4x400 m.
Unnur Sigurðardóttir varð þriðja í
sleggjukasti, spjótkasti og kringlu-
kasti.
Steinn Jóhannsson varð þriðji í
1500 m hlaupi og í boðhlaupssveit-
inni sem sigraði í 4x400m.
Smári B. Guðmundsson var í sig-
ursveit í 4x400 boðhlaupi og varð
fjórði í 800 m hlaupi og fimmti í
1500 m hlaupi.
Jóhann Ingibergsson varð þriðji í
5 km hlaupi en hann sigraði í 10 km
hlaupi um síðustu helgi.
Sigmar Vilhjálmsson varð þriðji í
spjótkastinu á eftir stórkösturunum
Sigurði og Einari bróður sínum. Sig-
mar er í hópi ungra afreksmanna sem
kenndur er við Sidney í Ástralíu þar
sem haldnir verða ólympíuleikar árið
2000.
Ólafur Sveinn Traustason, sem
einnig er í Sidneyhópnum, varð í
öðru sæti með boðhlaupssveitinni í
4x100 m en hann er að ná sér eftir
meiðsli.
Sigrún Össurardóttir varð þriðja í
þrístökki og fjórða í 100 m grinda-
hlaupi og í öðru sæti með boðhlaups-
sveitinni í 4x100 m.
Súsanna Helgadóttir varð önnur
með 4x100 m boðhlaupssveitinni og
fjórða í langstökki. Súsanna er nú að
komst í ágætt form eftir bamseignar-
frí frá æfingum í rúmt ár.
Þau sungu og léku skemmtilega þessi ungi fríski hópur
Alfar og aðrir góðir vættir
heilsa gestum á A. Hansen
Það verður líf og fjör á A. Han-
sen í sumar þegar álfar og aðrir
góðir vættir heilsa upp á gesti veit-
ingastaðarins. Við hjá Fjarðar-
póstinum litum inn og heilsuðum
upp á álfana um leið og við borð-
uðum frábæra fiskrétti, sem
álfarnir sögðu okkur að væru eftir
þeirra uppskrift og ekki standa
þeir okkur mannfólkinu að sporði,
ef satt reynist.
Áður en við settumst að borðum
fórum við í stutta, en fróðlega ferð
með Erlu Stefánsdóttir, sjáanda, ferð
þar sem Erla sýndi okkur byggðir
álfa og annara vætta í hrauninu innan
um byggð Hafnarfjarðar, en auk þess
fór Erla með okkur í kapelluna í
hrauninu á móti Álverinu. Sagði Erla
okkur sögur af
mætti bæna í
kapellunni og
fékk ferðafólkið
til að biðja fyrir
landinu okkar.
Var þetta notaleg
stund, þrátt fyrir
nokkra úrkomu.
Eftir ferðina með
Erlu var maður
ekki viss um
hvort þær verur
sem maður mætti
og sá væru
mennskar eða áif-
ar. Þetta er ferð sem mæla má með.
Eftir af hafa notið frábærra veit-
inga í vistlegum sölum A. Hansen
Þjónustufólkið er komið í nýja búninga í takt við álfana og huldufólkið
hófst skemmtileg og þjóðleg dagskrá
þar sem ungt fólk söng og lék af mik-
illi innlifun og álfar sem sögðust
byggja hina ýmsu kletta Hafnarfjarð-
ar komu og heilsuðu upp á gesti. Var
skemmtilegt að sjá og heyra í þessu
unga fólki. Það verður örugglega líf
og fjör meðal mennskra sem álfa á A.
Hansen í sumar.
Álfar og aðrir góðir vættir komu og
heilsuðu upp á gesti
Leikjanámskeið
I sumar býður Æskulýðs- og tómstundaráð upp á leikjanámskeið í
Hverfamiðstöð Öldutúnsskóla fyrir böm fædd á ámnum 1983 til 1988.
Námskeiðin standa milli klukkan 9 og 16 alla virka daga en gæsla er í boði
milli 8 og 9 fyrir hádegi og síðan milli kl. 16 og 17. Hámarksfjöldi er 30
böm á hvert námskeið.
Næsta námskeið stendur frá 3. -14. júlí og það síðasta frá 17. - 28.
júlí. Gjald fyrir hvert barn er aðeins kr. 3500.-
Á hverju námskeiði er gert fjölmargt skemmtilegt, m.a. farið í sund, á
báta, í göngu- og hjólaferðir og í ýmsar styttri vettvangsferðir. Ef illa viðr-
ar geta bömin verið inni. Einnig er farið í eina dagsferð út fyrir höfuðborg-
arsvæðið.
Sérstök athygli er vakin á því að á hverju námskeiði er pláss fyrir 3-6
böm með sérþarfir.
Innritun fer fram
Öldutúnsskóla.
félagsmiðstöðinni Vitanum, s. 555 0404, og
NORRÆNIR DAGAR
Spennandi réttir frá öllum Norðurlöndunum
Opið alla daga frá kl. 12:00
Strandgotu 55
sími 565-1213 og 565- 1890