Fjarðarpósturinn - 13.07.1995, Blaðsíða 7

FJARÐARPÓSTURINN 7
ÍÞRÓTTIR OG HEILSA
~TIS5IK
Jóhann G. Reynisson
ÉT
Magnús Olafsson
Þá varð ég
Kjaftstopp!
Magnús Ólafsson einn dyggasti stuðningsmaður FH í fótbolta.
„Ég reyni að fara á alla leiki hér í
Hafnarfirði og stundum elti ég liðið
út á land,” segir Magnús Ólafsson,
einn alharðasti fótboltaáhorfandi og
stuðningsmaður FH sem sögur fara
af, í samtali við Fjarðarpóstinn.
Magnús fylgist vel með FH-liðinu í
fótboltanum eins og skilja má af orð-
um hans og hann hefur skýringar á
gengi liðsins á takteinunum.
En fyrst um hlutverk áhangand-
ans. Áhuginn hefur aukist sífeilt síð-
an elsti sonur Magnúsar, Hörður, fór
að stunda íþróttir á bamsaidri. Síðan
hafa Magnús og eiginkona hans, El-
ísabet Sonja Harðardóttir, fylgst
gjörla með íþróttaiðkun bama sinna
en auk Harðar eiga þau Rósmund,
Sonju Maggý og Hjalta Frey. Þau tvö
yngstu fara iðulega á völlinn með
foreldrum sínum að sjá Hörð og aðra
FH-inga leika við andstæðinga sína.
Magnús Haukur, sonur Harðar, kem-
ur líka oft með ömmu og afa á völl-
inn.
Magnús fylgist grannt með
frammistöðu bama sinna í boltanum
og segir hann þess skemmst að minn-
ast þegar hann stóð í kulda og rign-
ingu suður í Grindavík að fylgjast
með Sonju Maggý spila fótbolta. „Ég
fer líka að sjá Magnús Hauk leika
með Fjöini í Grafarvogi þegar ég
kemst til þess,” segir Magnús og af
þessu má sjá hversu áhugi hans ligg-
ur djúpt og er einlægur.
„En ég ýti ekki bömunum mínum
út í að iðka íþróttir,” segir Magnús
síðan, „þótt ég hafi þá trú að íþrótta-
iðkun hafi mikið uppeldisgildi. Þegar
bömin eru á æfingum eða í keppni
með liðum sínum þá veit maður hvar
þau em niður komin og þarf ekki að
hafa áhyggjur af því að þau séu á
flækingi innan um vafasamar freist-
ingar. Eg tel mig líka vera að veita
krökkunum stuðning með því að
fylgjast með því sem þau eru að gera.
Óg svo hef ég bara svo gaman af
þessu!”
Þórir stoppaði mig
Magnús er ekki þekktur fyrir að
hugsa mönnum þegjandi þörfina
þegar fótboitamenn og dómarar eru
annars vegar. Hann hefur oft varpað
hnýfilyrðum inn á völlinn og þá ekki
síst til dómaranna. Magnús hefur yf-
irleitt fengið að hafa þessar athuga-
semdir sínar í friði en einu sinni brá
út af þeirri venju.
„Ég stóð í brekkunni austan meg-
in í Kaplakrikanum, aftan við mark-
ið, og öskraði eitthvað á dómarann.
Þá skipti engum togum að hann sneri
sér að mér og svaraði á móti: - Þeg-
iðu, Magnús, þú hefur ekkert við á
þessu! Þá varð ég kjaftstopp en það
hefur hvorki gerst fyrr né síðar,” seg-
ir Magnús sposkur.
„Mér hefur líka oft orðið ansi heitt
í hamsi á vellinum,” heldur Magnús
áfram, „og ég man eftir því að ég var
einn góðan veðurdag, nærri því
hlaupinn inn á völlinn. Ég var kom-
inn yfir vegginn við stæðin og á leið-
inni inn á þegar Þórir Jónsson stopp-
aði mig!”
Magnús og fjöiskylda hans eru í
stuðningsmannaklúbbi FH og fara
þau alltaf í hálfleik til fundar við aðra
félaga í klúbbnum. Þá eru málin
rædd yfir kaffi og sætabrauði.
„Þannig kynnist maður fólki gegnum
áhugamálið og rabbar við það um
fótboita. I kringum þetta skapast
skemmtileg stemmning á leikjun-
um,” segir hann.
Vantar sigurvilja
Gengi FH hefur ekki verið upp á
marga ftska í fótboltanum í sumar og
verður ekki sagt skilið við Magnús
án þess að minnast á þetta. „Já,” seg-
ir hann, „og þegar ilia gengur þá á
fólk einmitt að mæta á leikina til þess
að styðja sína menn því þá þurfa þeir
mest á stuðningnum að halda. Sumir
virðast ekki átta sig almennilega á
þessu.”
Hver er skýringin á löku gengi?
„Það hefur verið einhver deyfð
yfir liðinu sem ég hef ekki orðið var
við lengi hjá FH. Það vantar kraft og
sigurvilja. En aðalástæðuna tel ég
vera hversu marga leikmenn liðið
missti fyrir keppnistímabiiið því
mórallinn í því er alls ekki slæmur.
Takmarkaður mannskapur veldur því
að ekkert má út af bregða. Síðan
virðast menn hafa misst sjálfstraustið
eftir nokkra tapleiki í röð. Liðið þarf
sigur til þess að vinna sig upp úr
lægðinni og skoðun mín er sú að lið
FH sé betra en leikur þess undanfar-
ið gefur tilefni til að ætla,” segir
Magnús sem telur þessar vera megin-
ástæðumar og hann tekur skýrt fram
að hann telji ekki við þjáifarann að
sakast.
Gæti liðið fallið?
„Þegar ég frétti á sínum tíma hver-
su margir færu til annarra liða fyrir
sumarið sagði ég í hálfkæringi að
önnur deiidin blasti við. Síðan fékk
ég bjartsýnikast eftir 1-0 sigur á KR
og nú vona ég að reynslumiklir leik-
menn eigi eftir að halda liðinu í
fyrstu deildinni. En eitthvað verður
að gerast því það væri agalegt ef FH
félli,” segir Magnús sem að síðustu
segir að það sé sama þótt illa gangi:
„Ég fer á völlinn fyrir það!”
SH hlaut 22 verðlaun
Um síðustu helgi var Sund-
meistaramót íslands Italdið í
sundlaugunum í Laugardal.
Sundfóik úr SH fjölmennti á
mótið og stóð sig vel en alls komu
22 verðlaun í hlut SH, 5 gull, 11
silfur og 6 brons.
Bestum árangri náði Elín Sig-
urðardóttir en hún hlaut Kolbrún-
arbikarinn fyrir besta afrek kvenna
á mótinu. Þrír SH-ingar fóru á pall
í 50 metra skriðsundi kvenna, þær
Elín, Birna Björnsdóttir og Guðrún
Brynja Rúnarsdóttir og aftur í 100
metra flugsundi kvenna, þær Elín,
Guðrún og Hlín Sigurbjörnsdóttir.
Gullverðlaun hlutu Élín Sigurð-
ardóttir fyrir 100 metra flugsund,
50 og 100 metra skriðsund, Davíð
Freyr Þórunnarson fyrir 200 metra
flugsund og A-sveit karla í 4x100
metra fjórsundi. Sveitin var nokk-
uð nærri íslandsmetinu og sigraði
með töluverðum yfirburðum. Þá
setti A-sveit meyja SH íslandsmet
í 4x200 metra skriðsundi en óvana-
legt er að meyjasveitir syndi það
sund.
Eftirtektarvert var einnig hve
margir af yngri sundmönnum fé-
lagsins stórbættu sig þótt ekki
kæmust þeir á pall.
Þetta var lokapunktur afmælis-
ársins sem búið er að vera viðburð-
arríkt og gefandi í alla staði. Nú
gera sundmenn hlé til ágústloka en
þá verður tekið til starfa á ný. I
ágúst hefjast að vísu sundnámskeið
fyrir yngsta fólkið en margir sem
nú eru afreksmenn hjá SH hófu
ferilinn einmitt þar.
(fréttatilkynning)
Þær Elín, Birna og Guðrún Birna
saman á verðlaunapallinum eftir 50
metra skriðsund.
Golfnámskeið
unglinga hjá
Keili
Fjórða og síðasta unglinganám-
skeiðið í golfi hjá Golfklúbbnum
Keili hefst mánudaginn 17. júlí.
Námkeiðið stendur vfir í tvær
vikur og kostar 4.000 kr.
Nokkur pláss eru laus í þetta nám-
skeið og einnig framhaldsnámskeið
sem eru eftir hádegi sömu daga.
Fyrra námskeiðið er kl. 9.30-12
virka daga en hið síðara frá kl. 13-
15. Golfklúbburinn útvegar bæði
kylfur og kúlur. Upplýsingar í síma
565-2522.
(fréttatilkynning)
Suðurbæjarlaug
Mánudaga - föstud. kl. 07:00-21:00
Laugardaga kl. 08:00-18:00
Sunnudaga kl. 08:00-17:00
Baðgestir kallaðir upp úr 30. mín.
eftir ofanskráðann lokunartíma.
Opnunariimisw
SuruTér fioíít og gott
Sundhöll Hafnarfjarðar
Mánudaga - föstud. kl. 07:00-21:00
Laugardaga kl. 08:00-12:00
Sunnudaga kl. 09:00-12:00
Baðgestir kallaðir upp úr 30. mín.
eftir ofanskráðann lokunartíma.
íþróttaráð Hafnarfjarðar