Fjarðarpósturinn - 07.09.1995, Blaðsíða 3

FJARÐARPÓSTURINN 3
Bæjaryfirvöld ætla að bjarga Miöbæ frá gjaldþroti
Eignir taldar of hátt
metnar f bæjarráði
Björn með hluta af vegabréfunum.
Sýning Byggðasafnsins
Fágæt vegabréf
frá stríðsárunum
Bæjaryfirvöld ætla að bjarga
Miðbæ Hafnarfjarðar hf. frá
gjaldþroti með yfirtöku þeirra
eigna sem bæjarsjóður á veð í, það
er hótelturninn, auk þess að kaupa
bílakjallarann undir Miðbæjar-
húsinu af félaginu. Tillaga þess
efnis var lögð fram á síðasta bæj-
arráðsfundi. Eftir að tillagan kom
fram lét Lúðvík Geirsson einn full-
trúa minnihlutans bóka að hann
teldi mat meirihlutans á andvirði
hótelturnsins of hátt á móti áhví-
landi veðum eða allt að 40% um-
fram verðmat hjá fasteignasala.
Það voru fulltrúar meirihlutans í
Miðbæjarnefnd bæjarstjórnar, þeir
Ingvar Viktorsson og Jóhann G.
Bergþórsson sem fluttu tillöguna á
fundi bæjarráðs. I tillögunni segir
m.a.: “Bæjarráð samþykkir að fela
bæjarstjóra og Miðbæjarnefnd ásamt
lögmanni að ganga til viðræðna við
Miðbæ Hafnarfjarðar hf. um yfir-
töku bæjarsjóðs á eignum þeim sem
hann á veð í eða hefur greitt leigu
fyrir til lengri tíma, ásamt því að
tryggja að frá húsinu verði gengið
þannig að starfsemi í því verði eðli-
leg og unnt verði að selja yfirtekna
eignir eða fá af þeim tekjur. Skilyrði
til þess að gengið verði frá þessuni
málum er að tryggt verði að SÍF
kaupi húsnæði í hóteltuminum og
flytji í bæinn. Jafnframt að öll
ágreiningsmál milli Miðbæjar hf og
bæjarsjóðs séu frágengin.
Þá sé tryggt eins og frekast er unnt
að gengið verði frá uppgjörum við
undirverktaka og aðra lánadrottna
sem ekki hafa fullnægjandi trygging-
ar fyrir lánum sínum. Einn liður í því
er að núverandi hluthafar leggi fram
meira hlutafé í félagið og komi með
frekari tryggingar eða geri aðrar
sambærilegar ráðstafanir. Þegar
og/ef samningar takast þannig að
þessum skilyrðum sé sem best full-
nægt séu þeir lagðir fram í bæjarráði
til staðfestingar. Leiðarljós samn-
ingsgerðarinnar sé að tryggja sem
best hagsmuni bæjarsjóðs og bæjar-
búa.”
Yfirvofandi gjaldþrot
Bókun Lúðvíks Geirssonar hljóð-
ar m.a. svo: “Til að lágmarka fyrir-
sjáanlegt tap bæjarsjóðs vegna yfir-
vofandi gjaldþrots Miðbæjar hf. hef-
ur Hafnarfjarðarbær fáa aðra kosti en
leysa til sín þá eignarhluta þar sem
meginábyrgðir bæjarsjóðs hvíla í
svonefndum “hótelturni”.
Sú efnislega tillaga sem hér liggur
fyrir frá JGB felur í sér að mínu mati
of hátt mat á virði tumbyggingarinn-
ar á móti áhvílandi veðum eða allt að
40% umfram það verðmat sem ligg-
ur fyrir frá fasteignasala ef 20 millj-
ón kr. tryggingarvíxill er felldur inn í
yfirtökuverðið.
Þar til viðbótar sér undirritaður
enga skynsemi í því að bæjarsjóður
kaupi bílkjallarann, þann sama sem
bærinn hefur þegar greitt leigugjöld
fyrir til næstu 14 ára. Ljóst er að
kjallarinn er sú eign hússins sem
minnst verðmæti er í og eignarhald
bæjarsjóðs mun kalla á ýmsar kröfur
og skyldur varðandi rekstur hússins
til næstu framtíðar. Litlir möguleikar
eru á tekjum upp í væntanlegan
rekstrarkostnað.
Að framansögðu er ljóst að ég get
ekki stutt framkomna tillögu eins og
hún liggur fyrir....”
A sýningu Byggðasafnsins,
Hafnarfjörður frá landnámi til
hernáms, sem nú stendur yfir í
Smiðjunni er m.a. að finna um
1.600 hundruð fágæt vegabréf frá
stríðsárunum. Vegabréfin voru
gefin út af bandaríska hernum er
hann levsti þann breska af árið
1942.
Að sögn Bjöms Péturssonar for-
stöðumanns safnsins voru þessi
vegabréf gefin út til allra Hafnfirð-
inga sem voru orðnir 12 ára eða eldri.
“A þessum tíma voru Þjóðverjar að
færa sig upp á skaftið í Evrópu og
bréfrn átti að nota ef til útgöngubanns
yrði gripið í kjölfar hugsanlegra loft-
árása þeirra á landið,” segir Bjöm.
Ekki er vitað til að vegabréf sem
þessi hafi varðveist í jafnmiklu
magni og þau sem hér em til sýnis.
Sýningin verður opin til 17. sept-
ember n.k.
Annar áfangi Hvaleyrarskóla tekinn í notkun
Langþráð aðstaða fyrir heimil-
isfræðikennslu og heilsugæslu
Annar áfangi Hvaleyrarskóla
var tekinn í nutkun nú í upphafi
skólaársins við hátíðlega athöfn í
skólanum. I ávarpi Helgu Frið-
finnsdóttur skólastjóra við þetta
tækifæri kom m.a. fram að með
þessum síðasta áfanga fengi skól-
inn langþráða aðstöðu fyrir bæði
heimilisfræðikennslu og heilsu-
gæslu. Einnig fengi skólinn glæsi-
lega tölvustofu og sjö kennslustof-
ur í unglingadeild.
Hvaleyrarskóli hefur nú starfað í
fimm ár og í skólanum í vetur verða
um 520 nemendur í 1.-10. bekk en
nemendur voru aðeins 140 í 1.-5.
bekk þegar skólinn tók til starfa.
Næsta vor munu fyrstu nemendumir
útskrifast úr skólanum. í vetur munu
samtals 62 starfa við skólann, þar af
38kennarar.
I upphafi máls síns sagði Helga
m.a.: “Saga Hvaleyrarskóla er ekki
löng því að 5 ár er ekki langur tími.
En á þessum árum og þeim næstu er
verið að leggja grunninn undir
skólastarf í skólanum og það veltur
á miklu að vel takist því þegar und-
irstaðan er traustlega byggð eru
meiri líkindi til þess að hægt sé að
standa af sér áföll og erfiðleika sem
alltaf verða á vegi manns í lífinu
hvort sem það er í skólastarfi eða
annarsstaðar.
Skólahúsnæðið er bjart og fag-
urt....og umhverfið allt jafnt utan
Töluverður fjöldi gesta var viðstaddur er áfanginn var tekinn í notkun.
Helga Eriðfinnsdóttir í nýju tölvustofunni.
dyra sem innan er í alla staði til fyr-
irmyndir og Hafnarfjarðarbæ og öll-
um þeim sem lagt hafa hönd á plóg-
inn við hönnun og byggingu hússins
til mikils sóma.”
Helga kom einnig inn á þær
breytingar sem eru að verða á
grunnskólunum með yfirtöku sveit-
arfélaga næsta haust. Um það sagði
hún: “Eins og við vitum öll eru
breytingar í vændum. Grunnskólinn
mun alfarið fara undir sveitarfélögin
næsta haust og í vetur ganga í gildi
ný grunnskólalög að miklu leyti en
að öllu leyti á næsta skólaári. Eitt af
því sem nýju grunnskólalögin segja
fyrir um er að foreldraráð eigi að
starfa við hvem grunnskóla. Hér við
skólann eru starfandi öflug foreldra-
samtök og hefur Hrólfur Kjartans-
son deildarstjóri í menntamálaráðu-
neytinu átt veg og vanda að stofnun
þeirra. Mér er það sönn ánægja að
gela sagt ykkur frá því að búið er að
stofna foreldraráð hér við skólann
og bind ég miklar vonir við samstarf
við það og trúi því að sú samvinna
muni efla og styrkja skólastarfið.”
Annar áfangi Hvaleyrarskóla var
boðinn út með alútboði í nóvember
1993. Verksamningur var undirrit-
aður við Friðjón og Viðar hf. í janú-
ar 1994. Fyrri hluti áfangans var
tekinn í notkun haustið 1994 en
seinni hluti nú og er skólinn þar með
fullbyggður.
DOLLI
Falleg belja
Kona sem er fastur viðskipta-
vinur hjá Stúdíó Hár og húð kom
þar inn í síðustu viku og sagði við
Erlu, eigenda stofunnar, að hún
yrði að koma með sér í húsdýra-
garðinn hið fyrsta. Erla spurði
konuna afhverju og fékk þetta
svar.
“Þama er belja sem er svo æð-
islega falleg á litinn og þú verður
að sjá, því ég vil að þú setjir þenn-
an lit í hárið á mér,” svaraði kon-
an.
Tvöfalt eða ekkert
Eins og kunnugt er af fréttum
hafa tillögur um niðurskurð á
ýmsum sérkjörum bæjarstarfs-
manna valdið nokkurri ólgu með-
al þeirra. Þeir Ámi Guðmundsson
formaður STH og Tryggvi Harð-
arson formaður sparnaðarráðs
hittust við opnun hins nýja áfanga
Hvaleyrarskóla. Þar ákváðu þeir
að fara einn hring á golfvellinum
til að ræða málið í friði og ró.
Tryggvi lagði síðan til að þeir
myndu spila upp á niðurskurðinn
og bauð Áma að leggja undir tvö-
falt eða ekkert. Ekki var því boði
tekið en eftir því sem blaðið kemst
næst mun hafa orðið töluverður
árangur af þessum hring.