Fjarðarpósturinn - 07.09.1995, Blaðsíða 10

10 FJARÐARPÓSTURINN
Félagsmiðstöðin Vitinn
Vetrarstarfið að hefjast
Frá kraftakeppni Vitans s.l. vetur.
Opnunartími Vitans veturinn
1995 - 1996
Mánudaga: Opið dagstarf fyrir
8. 9. og 10. bekk, 16:00 - 18:00
Diskótek/opið hús fyrir 8. 9. og
10. bekk, 20:00 - 22:30
Þriðjudaga: Opið dagstarf fyrir
8. 9. og 10. bekk, 16:00 - 18:00
Diskótek fyrir 7. bekk, 19:30 -
21:30
Miðvikudaga: Mömmumorgn-
ar, mæður og börn þeirra, 10:00 -
12:00. Opið dagstarf fyrir 8. 9. og
10. bekk, 16:00 - 18:00.
Klúbbakvöld/skemmtanir fyrir 8.
9. og 10. bekk, 16:00 - 18:00
Fimmtudaga: Opið dagstarf
fyrir 8. 9. og 10, bekk, 16:00 -
18:00. Annað hvert kvöld er
diskótek fyrir 5. og 6. bekk,
18:00 - 20:00
Föstudaga: Opið dagstarf fyrir
8. 9. og 10. bekk, 16:00 - 18:00.
Fjölbreitt dagskrá fyrir 8. 9. og
10. bekk, 20:00 - 23:00
Starfsmenn Vitans eru alls 9 og
hafa allir starfsmenn haldgóða
menntun og reynslu af unglinga-
starfi. Foreldrum er bent á að
hringja eða koma og spjalla við
starfsmenn ef þeir vilja fræðast
frekar um starfsemina. Upplýs-
ingar í síma 555 0404, mynd-
sendir 555 0299. Forstöðumaður
Vitans er Geir Bjarnason.
Unglingastarf
Starfsemi Vitans er miðuð að
þörfum unglinga og er reynt að
örva frumkvæði og ábyrgð þeirra
sem stunda staðinn. Fastir liðir í
dagskránni eru m.a. Menningar-
vika, karaokekeppni, fræðslu-
kvöld “Ut í óvissuna” þar sem
enginn veit hvert farið er, spurn-
ingarkeppni skólanna, krafta-
keppni, ferðalög, árshátíð, borð-
tennismót og bílskúrsbanda-
kvöld. Öll dagskrá er auglýst
nánar í skólunum og í fjörpakka
sem dreift er í Vitanum og sendur
er til þeirra sem eiga vitaskír-
teini.
Klúbbar
Undirstaða að starfi Vitans
byggist á hópastarfi og er blóm-
legt klúbbastarf lykill að góðum
árangri. Starfsmenn reyna að
bjóða upp á ýmsa spennandi
klúbba sem eiga að koma til móts
við tómstunda-, félags- og
fræðslusvið unglingsáranna.
Ymsir klúbbar verða í boði fyrir
þá sem áhuga hafa auk þess sem
starfsmenn eru afar opnir fyrir
nýjum hugmyndum s.s. Tónlista-
klúbbur, Ferðaklúbbur, Vitafrétt-
ir, Sælkeraklúbbur, 8. bekkjar-
klúbbur, Kvikmynda- og mynd-
bandahópur, Stelpuklúbbur, Hlut-
verkaleikir (Role-Play) Vitaráð
og Listaklúbbur. Auk þess eru
ýmsir skammtímahópar stöðugt
að starfa að ýmsum spennandi
verkefnum.
Dagskráin vikuna 11. sept -
15. sept.
Mánudagur: Dagstarf hefst og
opnunarball með hljómsveit -
ókeypis inn.
Þriðjudagur: Fyrsta ball fyrir
12. ára. Hljómsveitin Súrefni
leikur fyrir dansi.
Miðvikudagur: Kynningar-
kvöld þar sem vetrarstarfið verð-
ur lítillega kynnt og skráning
hefst í klúbba.
Fimmtudagur: Skemmtun fyrir
10. og 11. ára krakka.
Föstudagur: 8. bekkjarball og
starfsmenn kynna vetrarstarfið og
starfsemi félagsmiðstöðvarinnar
fyrir þá sent mæta úr 8. bekk.
(fréttatilkynning)
Ómar Ástþórsson
Munstruð og lituð
steinsteypa eftir
óskum kaupanda
Nýlega hittum við ungan mann,
Ómar Ástþórsson, sem var að
ganga frá gangstétt og okkur
fannst hann gera það nokkuð öðru
vísi en við höfðum séð áður. Við
tókum hann því tali og spurðum út
í þessa aðferð sem hann notar.
Ómar sagði okkur að þetta væri
bandarísk hugmynd, sem hefði verið
notuð í um 40 ár í Bandaríkjunum,
en hingað lands hefði hún komið fyr-
ir 10 árum. Það verður að fá sérstakt
starfsleyfi til að vinna við þetta og
hefur Ómar starfsleyfi til að vinna
eftir þessari hugmynd í Hafnarfirði
og Garðabæ.
Stéttamar eru steyptar og sett lituð
hersluefni í steypuna, síðan er púss-
að og glattað. Þá er sett fínt duft og í
það stimplað munstur eftir ákörðun
og smekk kaupanda. Hægt er að
velja um mikinn fjölda munstra. Að
þessu loknu er stéttin hreinsuð upp
og settur á hana steypugljái, sem lok-
ar yfirborðinu og gefur stéttinni fal-
legan gljáa. Þessa aðferð er auðvitað
líka hægt að gera við alls konar plön
og gólf.
Einn kosturinn við þessa aðferð er
að alltaf er hægt halda stéttinni, gólf-
inu eða planinu eins og nýju með því
að bera gljáann á aftur, eftir þörfum
t.d. einu sinni á ári.
Ef sprungur koma í steypuna er
lítill vandi að gera við og eins ef þarf
að komast undir stéttina, t.d. til að
leggja hitalagnir eða annað, þá er
bara sagað og síðan gert við aftur. í
dag setja hins vegar flestir hita undir
stéttar og plön strax. Þessi aðferð
hefur reynst mjög vel hér á landi og
setur fallegan svip á garða og stéttir
Stúdíó - Dans
Innritun hafin í símum 588-7664 og 555-3151
Kennt verður í samkomusal Hauka við
Flatahraun. Verð:
Pör kr. 13.900
Einstaklingar kr. 7.000
Börn kr. 5.900
Unglingar kr. 5.900
Dansar við allra hæfi. Kennsla hefst
þriðjudaginn I8. september.
Marta og Jóhanna,
faglærðir danskennarar.
Tónlistarskólinn fær inni á Suöur-
götu 11 fram á vor
Bjargar alveg
okkar húsnæð-
isvandræðum
-segir Gunnar Gunnarsson skólastjóri
Bæjarráð hefur samþykkt að
hætta söluumleitunum á húsinu
að Suðurgötu 11 og að í staðinn
fái Tónlistarskólinn þar inni
fram á vor. Gunnar Gunnarsson
skólastjóri Tónlistarskólans seg-
ir að þetta bjargi alveg þeirra
húsnæðisvandræðum þar til þeir
geti flutt inn í nýja skólann.
“Við fengum þarna inni með
tvær stofur á síðasta vetri en nú
getum við haft sex stofur í þessu
húsi,”segir Gunnar. “Við munum
því flytja hluta af kennslu okkar og
starfsemi í þetta hús og það sem
betra er, ekkert þarf að gera við
húsnæðið og við getum því flutt
hljóðfærin beint inn í stofurnar og
byrjað að kenna.”
Áð sögn Gunnar eru núna tæp-
lega 500 nemendur í skólanum og
biðlistar eftir kennslu á nánast öll
hljóðfæri. Kennsla við skólann
hefst þann 11. september.