Fjarðarpósturinn - 28.09.1995, Blaðsíða 1

Bæjarlögmaður telur jörðina Stekk eign bæjarins
Köllum landið til okkar
og skipuleggjum byggð
-segir Ingvar Viktorsson bæjarstjóri
Guðmundur Benediktsson bæj-
arlögmaður hefur sent frá sér álit
þar sem fram kemur að hann telur
Hafnarfjarðarbæ eiga jörðina
Stekk en hún hefur lengi verið tal-
in eign Kára Þórðarsonar. Álit sitt
byggir Guðmundur á afsalsbréfí
landbúnaðarráðherra frá árinu
1965 þar sem hann afsalar bæjar-
stjórn Hafnarfjarðar landi jarðar-
innar Áss en Stekkur var leigujörð
á því landi. Ingvar Viktorsson bæj-
arstjóri segir að í framhaldinu
muni bæjaryfirvöld fara í að kalla
landið til sín og skipuleggja þar
byggð.
Guðmundur Benediktsson segir að
samkvæmt byggingarbréfi sem Kári
fékk í hendur 1953 komi fram að
jörðin Stekkur sé leiguland frá Ási.
Hinsvegar eigi Kári sjálft húsið á
jörðinni en það brann árið 1975. “Ég
er með hugmynd um hvemig hægt er
að leysa þetta mál en á eftir að ræða
það við Kára,” segir Guðmundur.
“Hinsvegar eru ákvæði í byggingar-
bréfinu þess efnis að nóg er að senda
bréf til að segja upp leiguréttinum.”
Ingvar Viktorsson segir að það
vekji furðu að þetta hafi ekki komið
fram áður en bæjaryfirvöld hafa lengi
haft augastað á jörðinni hvað varðar
framtíðarskipulag byggðar í bænum.
í afsalsbréfi landbúnaðarráðherra
segir m.a. að ráðherrann lýsi hér með
Hafnarfjarðarbæ réttan og löglegan
eigenda að landi jarðarinnar Áss og
hirðir hann allan arð af því frá far-
dögum 1965. Jafnframt er getið þess
að þeir einstaklingar og félög sem
fengið hafa lóðir og landspildur á
leigu í landi Áss eða önnur réttindi
haldi þeim rétti sínum samkvæmt
leigusamningum sínum.
Heims-
mets-
hafi
Hafnfirðingurinn Pálmar Guð-
mundsson náði þeim einstæða
árangri á Evrópumeistaramóti
fatlaðra í sundi í Frakklandi fyrr í
mánuðinum að setja eitt
heimsmet, eitt Evrópumet og tvö
íslandsmet. Er þetta Iangbesti
árangur sem íslendingur hefur
náð í hans flokki á alþjóðlegu móti
til þessa.
Áuk þessa hampaði Pálmar
Evrópumeistartitli í tveimur grein-
um á mótinu.
Pálmar stundar nám í
Flensborgarskólanum og á myndinni
má sjá hann, við borðsendann, í hópi
skólafélaga sinna. Hann er 18 ára
gamall og hefur æft sund í 12 ár.
-SJÁ BLS. 8

Strætó
aftur f
miðbæ
-sjá bls. 4
Vest
Norden
heimsótt
-sjá bls. 5
Flatahrauni
s. 565-4990
Afmælistilboð
Ostborgari
sælkeranýjung Franskar kartölflur meö ostasósu
Hafnfirðingar þökkum frábærar móttökur á fyrsta árinu okkar. Jolli 1. árs