Fjarðarpósturinn - 23.11.1995, Blaðsíða 6

6 FJARÐARPÓSTURINN
Útgefandi:FJARÐARPÓSTURINN hf. Bæjarhraun 16, 220Hafnar-
fjörður. Símar, ritstjóm 565 1945,auglýsingar 565 1745, símbréf 565 0835.
Framkvæmdastjóri: Óli Jón Ólason, ritstjóri: Friðrik Indriðason
hs.555-2355, íþróttir og heilsa: Bjöm Pétursson, innheimta og dreifing:
Steinunn Hansdóttir, umbrot: Fjarðarpósturinn, prentun: Borgarprent.
Fjarðarpósturinn er aðili að Samtökum bæjar- og héraðsfréttablaða
íbúðabyggð
og stóriðja
Orð Rannveigar Rist steypuskálastjóra ÍSAL á fundi
hér í bæ síðast liðið mánudagskvöld um að menn ættu
að íhuga að setja íbúðabyggð ekki nær álverinu en þeg-
ar er hljóta að vekja bæjaryfirvöld til umhugsunar um
skipulag nýrrar byggðar í Hafnarfirði. Rannveig vitn-
aði til reynslu nágrannaþjóða okkar um að ekki sé
heppilegt að fbúðabyggð og stóriðja sé of nálægt hvort
öðru.
Það liggur fyrir að framtíðarbyggingarsvæði Hafnar-
fjarðar er einkum suður af bænum og meðfram Krýsu-
víkurveginum og verið er að undirbúa úthlutun á um
100 lóðum suður af Hvaleyrarholtinu. Þetta svæði er í
töluvert meiri nálægð við álverið en byggðin nú og því
spuming hvort skipulagsyfirvöld þurfi ekki að taka
þessi mál öll til endurskoðunar nú eftir að samningar
um stækkun álversins eru í höfn.
Það sem einkurn liggur að baki orðurn Rannveigar er
mengun vegna starfsemi álversins. Þótt sú mengun sé
undir þeim stöðlum sem settir hafa verið er hún engu
að síður til staðar. Á fundinum kom meðal annars fram
að hljóðmengun mun aukast um 62% eftir að fram-
kvæmdum lýkur við stækkun álversins. Hér er einkum
um að ræða hljóðmengun vegna uppskipunar á súráli
en sú hljóðmengun er afleiðing af vörnum gegn annar-
ri mengun af slfkri uppskipun og því lítið sem álverið
getur gert til að draga úr henni.
Það er augljóst mál að íbúar framtíðarinnar á því
landi sem skipulagt hefur verið sem framtíðarbygging-
arsvæði Hafnarfjarðar verða lítt hrifnir af því ef ró þeir-
ra er rofin á kyrrlátum sumarkvöldum af beljandi í ein-
hverri súrálsdælu suður með sjó.
Bæjaryfirvöld er í þröngri stöðu hvað varðar að taka
framtíðarskipulag byggðar til endurskoðunnar því fyrir
liggur að góðar byggingarlóðir eru af skornum
skammti í bæjarlandinu nú um stundir. Rannveig benti
hinsvegar réttilega á að á landi sem hefur jafnmikið af
óbyggðu landsvæði og er hérlendis er óþarfi að var að
setja íbúðabyggð niður í grennd við stóriðjuna.
Stækkun álversins er þjóðþrifamál og mun rjúfa þá
kyrrstöðu sem ríkt hefur í efnahagslífi landsmanna
undanfarin sjö ár eða svo. Það ætti hinsvegar að vera
óþarfi að láta stækkunina bitna á íbúum framtíðarinnar
í bænum með því að ætla þeim stað í grennd við fyrir-
tækið.
Friðrik Indriðason
Það vakti athygli okkar á Fjarð-
arpóstinum, þegar sýslumannsemb-
ættið var að flytja hér í næsta hús að
fremstur í flokki flutningamanna
var sjálfur sýslumaðurinn, klæddur
í vinnugalla. Einhvern veginn hafði
maður talið að embættismaður í svo
háu embætti mvndi ekki standa í
slíkum tlutningi sjálfur, heldur léti
aðra sjá um það. Það var því með
nokkurri forvitni sem ég fór á fund
hans, en ég hafði beðið hann um við-
tal fyrir lesendur Fjarðarpóstsins.
Langaði að kynna manninn og emb-
ættið nokkuð fyrir lesendum. Emb-
ætti sem ýmsum stendur stuggur af.
Guðmundur tók Ijúfmannlega á
móti mér og bauð mér sæti.
Guðmundur Sophusson, er fæddur
og uppalinn í Reykjavík og bjó þar
fyrstu 37 árin eða þar til hann flutti í
Garðabæ fyrir 10 árum. Eftir barna-
skólanám fór hann í Kennaraskólann
og lauk þaðan stúdentsprófi. Hann
settist síðan í lögfræðideild Háskóla
Islands og lauk embættistprófi í lög-
fræði. Að námi loknu var hann eitt ár í
Danmörku. Þegar heim kom hóf hann
störf sem dómarafulltrúi hjá sýslu-
Guðmundur Sophusson, sýslumaður á hinni nýju skrifstofu sinni
Við reynum að sinna
mannlegu hliðunum
eftir því sem kostur er
-segir Guðmundur Sophusson sýslumaður
manni, en embættistitill hans hét þá
bæjarfógetinn í Hafnarfirði, Garða-
kaupstað og Seltjamamesi og sýslu-
maðurinn í Kjósarsýslu og má segja að
hann hafi starfað þar síðan, þó embætt-
ið hafi breyst nokkuð og heiti nú
sýslumannsembættið í Hafnarfirði.
Guðmundur starfaði fyrsta árið á skrif-
stofu embættisins á Seltjamamesi, en
kom síðan á aðalskrifstofuna sem full-
trúi og skrifstofustjóri, varð síðan að-
alfulltrúi, sem m.a. leysti sýslumann af
í fríum hans, en frá 1992 hefur hann
síðan verið sýslumaður. Það má því
segja að hann hafi unnið sig upp í
embættinu. Það vakti athygli mína að
Guðmundur fór í Kennnaraskólann, en
ekki í menntaskóla eins og virðist lig-
gja beint við ef stefnt er að lögfræði-
námi. "Það má nú segja að ég sé alinn
upp í kennararanda. Amma mín var
kennari, mamma var kennari og síðar
skólastjóri í Ölduselsskóla, systir mín
er kennari, mágur minn og svona
mætti lengi upp telja. Þetta hafði að
sjálfsögðu áhrif," segir Guðmundur og
bætir svo við, "já, og konan mín er
kennari, svo að kennslu- og skólamál
eru allt í kringum mig og oft í umræð-
unni, það var hins vegar ekkert eins-
dæmi að fara þessa leið til náms í lög-
fræðinni. Við vorum einmitt fleiri á
þessum tíma sem fórum saman þessa
leið í gegnum Kennaraskólann í lög-
fræðina í Háskólanum." Kona Guð-
mundar er Margrét Elín Guðmunds-
dóttir, kennari í Garðabæ. Margrét
Elín er Reykjavíkurmær, sem hann
kynntist í Kennaraskólanum. Þau eiga
þrjú böm. 23ja ára dóttur sem nemur
lögfræði við Háskóla íslands, 19 ára
dóttur sem er að ljúka námi frá Verzl-
unarskóla Islands og 9 ára son sem er í
skóla í Garðabæ.
Umsvifamikið embætti
Sýslumannsembættið í Hafnarfirði
er stærsta sýslumannsembættið á land-
inu hvað umsvif varðar, því sýslumað-
urinn í Hafnarfirði er ekki bara sýslu-
maður, heldur einnig lögreglustjóri og
tollstjóri, þannig að embættið þjónar
fleiri þáttum en t.d. sýslumannsemb-
ættið í Reykjavík. Arið 1992 urðu tals-
verðar breytingar á embættinu, því þá
kom Héraðsdómur Reykjaness til sög-
unnar við aðskilnað á milli dómsvalds
og framkvæmdavalds og á sama tíma
fóru frá embættinu Seltjamames, Mos-
fellsbær, Kjalames og Kjós. Eftir eru
Hafnarfjörður, Garðabær og Bessa-
staðahreppur.
"Þessi stærð af embætti er mjög
hagkvæm rekstrarlega séð," segir
Guðmundur, "hægt er að hafa góða yf-
irsýn yfir reksturinn og miklir mögu-
leikar á samnýtingu ýmissa þátta innan
embættisins."
Fimm starfsstöðvar
Eins og áður segir er sýslumaðurinn
líka lögreglustjóri og tollstjóri. Emb-
ættið er með fimm starfsstöðvar. A að-
alskrifstofunni á Bæjarhrauninu eru al-
mannatryggingar, uppboðs- og aðfara-
deildir, sifjamál, þinglýsingar, inn-
heimtudeild og opinber mál. Á lög-
reglustöðinni við Flatahraun er séð um
löggæslustörfin og þar er einnig vax-
andi rannsóknardeild. Tollurinn er
með aðstöðu á Strandgötu 75, þar sem
er öflug tolladeild. I Garðabæ er svo
lítið útibú, sem sinnir þjónustuhlut-
verki við Garðbæinga og þar er einnig
lögregluvarðstofa sem opnuð var fyrir
tveimur árum, með almenna löggæslu
alla virka daga, en á kvöldin og um
helgar er löggæslunni sinnt frá Hafnar-
firði. Hjá embættinu vinna því um 90
manns allt í allt. "Við erum mjög hepp-
in með starfsfólk," segir Guðmundur,
"þetta er samhentur og góður hópur,
sem starfar hér hjá embættinu. Margir
eru búnir að vinna hér lengi, jafnvel
áratugum saman."
Maður talar ekki lengi við Guð-
mund til að finna að þama fer maður
sem hefur góða yfirsýn yfir starf sitt,
þó viðamikið sé. Talið berst að lög-
reglunni og því mikla starfi sem þar fer
fram. Guðmundur segir að aðstaða
lögreglunnar hér sé góð, enda lög-
reglustöðin í nýlegu húsi. Hjá embætt-
inu starfa 40 lögreglumenn, sem ýmist
ganga vaktir eða eru við rannsóknar-
störf. Á stöðinni eru nokkrir fangaklef-
ar, sem ekki eru ætlaðir til nema
skammtímavistunar. Ekki eru sérstakir
fangaverðir, heldur sjá lögreglumenn á
vakt um eftirlit með þeim föngum sem
þar em hverju sinni. Guðmundur segir
að útlit sé fyrir að rannsóknarþátturinn
muni stækka á næstunni og taka fleiri
störf frá Rannsóknarlögreglu ríkisins
og Saksóknaraembættinu. Hann segir
að hér séu mjög færir lögreglumenn að
störfum, en því miður vantar fleiri
unga menn í lögregluna. Þetta sé mjög
slæmt ef t.d. vantar heilu aldurshópana
inn í heildina. Hins vegar segist hann
hafa reynt, þrátt fyrir niðurskurð, að
kappkosta að láta það ekki koma niður
á löggæslunni, heldur reynt að hag-
ræða og spara á öðrum sviðum.
Tolladeildin er sú lang stærsta utan
Reykjavíkur og sinnir bæði tollaf-
greiðslu skipa, skoðun á innflutningi,
sem er mikill hér um Hafnarfjarðar-
höfn og eins og ekki síður að ganga frá
útflutningsskjölum í sambandi við
vaxandi útflutning sem fer um höfn-
ina. Guðmundur segir að talsverð sam-
keppni sé við Reykjavík, "sem ég held
við stöndumst alveg," segir Guðmund-
ur brosandi, "en hér eru afgreiddar 25-
30 þúsund tollskýrslur á ári."
Á skrifstofunni í Garðabæ er veitt
sú þjónusta sem hægt er með góðu
móti að koma þar fyrir og í lögreglu-
varðstofunni eru þrír lögreglumenn á
vakt yfir daginn, en eins og áður segir,
er löggæslu sinnt héðan frá aðalstöð-
inni um nætur og helgar.
Ekki fer hjá því að það hljóta að
koma upp erfið mál sem þarf að leysa?
"Já, auðvitað er það svo hjá svona
embætti að við verðum að koma að
erfiðum málum, en eins og ég sagði
áðan er hér gott starfsfólk, sem reynir
að leysa úr öllum málum eftir því sem
hægt er. Umgengisréttarmál, skilnað-
armál, uppboð á húseignum og fleiri
mál geta auðvitað verið erftð og sárs-
aukafull fyrir hlutaðeigandi. Við reyn-