Fjarðarpósturinn - 07.12.1995, Blaðsíða 2

2 FJARÐARPÓSTURINN
(iildir frá llnuntude^i 7. des. - miö-
vikudugs 13. des.
Vatnsberinn (20. jan. - 18. feb.)
Ekki er ólíklegt að þú finnir fyrir þreytu
um þessa mundir og eru það eðlilegar af-
leiðingar vinnuálags. Spennufall. Hvfldu
þig ef þú getur svo þú getir notið jólaund-
irbúningsins með fjölskyldunni. Þú finn-
ur fyrir vanmátt, það er ekkert að því að
biðja um aðstoð.
Fiskarnir (19. feb. - 20. mars)
Þú leggur mikið upp úr því að læra og
þroskast, mennt er máttur! Allt sem þú
kemst yfir um sjálfsbætandi fræði, lestu
upp til agna. Orku og kraft þarft þú samt
að sækja annarsstaðar frá, enn sem kom-
ið er. Byrjaðu á jólagjafainnkaupunum,
ekki veitir af.
Hrúturinn (21. mars - 19. apríl)
Það eru óteljandi spurningar og svör sem
fólk í kringum þig er að þvælast með
fram og aftur. Láttu ekki taka þig út af
laginu og haltu þínu striki. Þú ert með
þetta allt á hreinu. Ef þú ferð að breyta
skipulaginu, breytist svo margt meira, allt
er þetta keðjuverkandi.
Nautiö (20. aprfl - 20. maf)
Það þýðir ekkert að gráta yfir mistökum
og glötuðum tækifærum úr fortíðinni.
Dagurinn í dag er það sem hefur mesta
gildi. Þú átt svo margt að vera þakklát(ur)
fyrir, njóttu þess. Taktu ekki of mikið að
þér á þessum tíma, það er ekki víst að þú
klárir það fyrir jól.
Tvíburinn (21. maí - 20. júní)
Fullt tungl hefur geysileg áhrif á ástar-
samband sem þú ert í eða ert að byrja í.
Búðu þig undir hvell...en, mundu líka
að oft myndast hreinn kjami þegar búið
er að hreinsa til. Þú erfir ekki þessa upp-
ákomu sem betur fer, því húmorinn og
létta skapið er á réttum stað.
Krabbinn (21. júní - 22. júlí)
Þú mátt velja, þunglyndi eða gleði. Það
þarf að vinna bug á hræðslu, efa og af-
brýðsemi, þú ræður alveg líðan þinni.
Tími til kominn að efla sjálfstraustið,
hressa upp á útlitið, kaupa jólafötin og
aðalatriðið er að vinna jákvætt, þá kemur
allt það góða á eftir.
Ljóniö (23. júlí - 22. ágúst)
Það þurfa víst margir á þér að halda þessa
dagana, því þú ert full(ur) uppörvunar og
greiðasemi. Af því að þú þarft að velja
sérstaklega fallegar gjafir fyrir þá sem
þér þykir vænst um, ættirðu að byrja á því
núna. Það selst alltaf fyrst þetta spes....
Meyjan (23. ágúst - 22. sept.)
Hvemig væri að kaupa jólatréð þessa
helgi, þótt þér finnist það snemmt. Þá
getur þú valið, í stað þess að sætta þig við
það sem eftir er, ef þú kaupir seinna.
Vinnuveitandi þinn er ánægð(ur) með
framúrskarandi vinnugleði þína og vand-
virkni. Þú færð gott tilboð.
Vogin (23. sept. - 22. okt.)
Helgin verður erilsöm og það er ekki til
neins að áætla einhvem frítíma. Eftir
helgina rofar þó til og láttu það eftir þér
að bjóða besta vininum í langan hádegis-
mat, ræðið persónuleg mál. Það er gott að
treysta góðum vin fyrir hjartans málum
sínum.
Sporödrekinn (23. okt. - 21. nóv.)
Þér er óhætt að fara að ráðum einhvers úr
Ijónsmerkinu. Réttlátari manneskju er
vart að finna. Nú með fullu tungli eru
miklar hvaðir lagðar á þig varðandi fé-
lagstörfin. Þú þarft að skipuleggja, gera
kostnaðaráætlanir, auglýsa og fl. En þér
finnst það ekki leiðinlegt.
Kogmuðurinn (22. nóv. - 21. des.)
Þú ert ekki alveg sátt(ur) við orðsendingu
frá einhverjum af eldri kynslóðinni. Þú
veist það líka fullvel að þú þarft ekki að
vera sammála. Farðu milliveginn, og
láttu líka heyra þína skoðun. Óþarft er að
láta alveg taka sig sem einhvem sjálf-
sagðan hlut. Mundu málfrelsið.
Steingeitin (22. des. - 19. jan.)
Láttu það ekki eftir þér að svara þessum
afburðavandræðagemling sem er að
þvælast fyrir þér, það er ekki þess virði.
Vinir og starfsfélagar leita til þín við und-
irbúning á stórri jólaveislu. Þú veist
nokkuð uppá krónu hve miklu þú ætlar að
eyða í jólagjafir.
Mundu góða skapiö
Þau Einar Már og Hjördís Frímann leggja lokhönd á svningna.
Englar
og erótík
í List-
húsi 39
Peir listamenn sem reka
Listhús 39 liafa opnað sýn-
ingu í húsinu sem ber heitið
Englar og erótík. I sýningar-
rýminu hakatil eru verk sem
unnin hafa verið sérstaklega
fvrir þessa sýningu en hún
mun standa út desembermán-
uð.
Listamennirnir sem hér um
ræðir eru Aðalheiður Skarphéð-
insdóttir, Auður Vésteinsdóttir,
Einar Már Guðvarðarson, Elín
Guðmundsdóttir, Guðný Haf-
steinsdóttir, Hjördís Frímann,
Ingiríður Oðinsdóttir, Lárus
Karl Ingason, Margrét Guð-
mundsdóttir, Pétur Bjarnason,
Sigríður Agústsdóttir, Sigríður
Erla og Susanne Christensen.
Meðal þess sem fmna má á
sýningunni eru „englavængir" á
snögum, skemmtilega útfærð
karl- og kvennform í leir, högg-
myndir í brons og marmara,
ástaker í leir sem minna á örva-
hulstur o.fl.
Sýningin er opin virka daga
kl. 10.00-18.00, laugardaga kl.
12-18 og sunnudaga kl. 14-18.
(fréttatilkynning)
Ljóð og djass
í Haf narborg
Sunnudaginn 10. desember
n.k. kl. 20.30 verður flutt
dagskrá í Hafnarborg þar
sem fléttað er saman flutningi
Ijóða og djasstónlist. Þar
munu skáldin Ari Gísli
Bragason, Didda, Jóhann
Hjálmarsson, Jón Óskar,
Matthías Johannessen, Nína
Björk Árnadóttir og Þorri
lesa úr verkum sínum.
Undirleik með ljóðalestri
annast þeir Carl Möller píanó-
leikari, Guðmundur Stein-
grímsson trommuleikari og Ró-
bert Þórhallsson bassaleikari.
Höfundur tónlistar er Carl
Möller og skilgreinir hann hana
sem ljóðrænan djass sem taki
mið af hugblæ ljóðanna.
Þessi hópur hefur áður unnið
saman að svipuðum flutningi
og má rekja upphaf þess sam-
starfs tvo áratugi aftur í tímann.
Hluti hópsins kom saman í
fyrra og endurnýjaði samstarfið
ásamt yngra fólki.
Dagsskráin verður flutt í
kaffistofu Hafnarborgar og að-
gangseyrir er 500 kr.
(fréttatilkynning)
Finnsk og
íslensk
silfursmíði
Nú stendur yfir sýning í
Hafnarborg, nienningar- og
listastofnun Hafnarfjarðar,
sýning á silfur- og gullsmíða-
verkum eftir Hannu Tuom-
ala, Timo Salsola og Sigríði
A. Sigurðardóttur.
Hannu Tuomala er finnskur
silfursmiður sem útskrifaðist
frá Lahti-listhönnunarskólan-
um í Finnlandi árið 1991. Hann
hefur síðan hlotið verðlaun fyr-
ir hönnun sína og sýnt verk sín
víða. Timo og Sigríður útskif-
uðust Iíka frá Lahti-listhönnun-
arskólanum 1991 og sýndu
með Hannu og öðrum útskrift-
arnemendum skólans í Nor-
ræna húsinu í Reykjavík sama
ár.Sýningin stendur til 23. des-
ember 1995 og er opin frá kl.
12 til 18 alla daga nema þriðju-
daga.
Jólamót Fjarðar í boccia
Jólamót íþróttafélagsins Fjarðar í boccia verður haldið á
laugardaginn í Víðistaðaskóla. Mótið hefst kl. 13.00 en um ein-
staklingskeppni er að ræða og keppt um farandbikar sem
Filmur og framköllun í Miðbæ hafa gefið félaginu.
Þetta er í fyrsta sinn sem keppt er um þennan bikar en Filmur og
framköllun styrkja Fjörð nú með ágóða af sölu jólakorta hjá sér
eins og fram hefur komið í blaðinu.
Hafnftrðingar eru hvattir til að mæta á mótið og hvetja sitt fólk.
Æringi
-meinlegur og misk-
unnarlaus skrifar:
Brimbrjótur
Ingvars
Nú nálgast jólin lifnar yftr öllum, segir í
ágætu kvæði. Það getur verið gott en það getur
líka verið slæmt. Til dæmis getur lifað glatt í
kertum fyrir og um jól og gerir það gjaman í
miklu meira mæli en endranær. Og kertin geta
logað svo glatt að þau lift sig inn í víðtækari
hlutverk og gerast þar með hættuleg lífi og heil-
su manna. Þannig getur jólaskrautið fuðrað upp
fyrr en varir en vissulega fer um það nokkuð eft-
ir því hvað menn nota til þess að skreyta hjá sér.
Hvað ætlar bæjarstjómin til dæmis að nota á
starfsmannajólatréð hjá sér?
Ef góða veislu gjörum vér,
grimmdar forðumst braut.
Oánægja og reiði er,
eldfimt jólaskraut.
Vakin hefur verið athygli á því hér í Hafnar-
firði að nauðsyn beri til að ráðinn verði löglærð-
ur fulltrúi til félagsmálastofnunar og bama-
vemdamefndar. Bæjaryftrvöld í Hafnarfirði hafa
svo sem ekki alltaf hlaupið upp til handa og fóta
við að kippa óskum bæjarbúa í liðinn og svo
gæti farið í þessurn efnum. Og afsökunin?
Ekki brátt mun burnaher.
bæta við sig hlekk.
Því æskulögfræðingur er,
enn í fyrsta bekk.
„Framkvæmdir við brimvamargarð verða að
hefjast strax" var fyrirsögn á viðtali í síðasta
tölublaði Fjarðarpóstsins. Æringi las ekki frekar
í viðtalinu því hugsunin um vom íturvaxna bæj-
arstjóra let mig ekki í friði eftir að hafa séð þetta
orð - brimvamargarður. Oft hefur það verið haft
í flimtingum að Ingvar sé vel vaxinn fram og ef
til vill nýtist það honurn við að brjóta af sér
straumþunga hins erilsama starfs bæjarstjórans.
Því Ingvar er ágætlega meðvitaður um vaxtarlag
sitt og það sem er jafnvel ennþá betra, hann hef-
ur húmor fyrir því. Hann má því alls ekki grenn-
ast, hvorki í líkamlegu né andlegu tilliti. I ljósi
þessa umrædda margræða orðs - brimvamar-
garður, þá verður þessi litla vísa að fá að fljóta
hér með:
Ef Ingvars ýstra grandast,
annan þarf hann „lim“
sterkan til að standast
stjórnmálanna brim!
GAHARIVIKUNNAR
Fullt nafn? Linda Magnúsdóttir
Fæðingardagur? 28. desember
1963
Fjölskylduhagir? Maki Steen Jo-
hansson, bam Magnús Guðbergsson
14 ára
Bifreið? Saab ‘88 og Lada ‘87
StarP? Rekstrarfulltrúi íþrótta- og
æskulýðsmála
Fyrri störf? Dagheimili og for-
stöðumaður tómstundaheimilis
Helsti veikleiki? Oframfæmi
Helsti kostur? Heiðarleiki
Eftirlætismatur? Allur austur-
lenskur matur
Versti matur? Blóðmör og nýru
Eftirlætistónlist? Nokkurnveginn
alæta á tónlist
Eftirlætisíþróttamaður? Á engan
eftirlætis íþróttamann en hef gaman
af að horfa á handbolta og körfu-
bolta
Á hvaða stjórnmálamanni hefur
þú mestar mætur? Guðmundur
Ámi Stefánsson
Eftirlætissjónvarpsefni? Gaman-
og spennumyndir
Leiðinlegasta sjónvarpsefni?
Skákskýringar
Besta bók sem þú hefur lesið?
Erfitt að gera upp á milli en
Læknamafían er sú fyndnasta
Hvaða bók ertu að lesa núna?
Grandavegur 7
Uppáhaldsleikari? Sigurður Sigur-
jónsson
Besta kviktnynd sem þú hefur
séð? Stella í orlofi
Hvað geriröu í frístundum þín-
um? Frístundir eru fáar, fer þá helst
í hesthúsin
Fallegasti staður sem þú hefur
komið til? Hallormsstaðaskógur
Hvað meturðu mest í fari ann-
arra? Hreinskilni
Hvað meturðu síst í fari annarra?
Heiðarleika og fals
Hvern vildirðu helst hitta? Son
minn, hann er í heimavistarskóla
Hvað vildirðu helst í afmælisgjöf?
Náttslopp
Hvað mvndirðu gera ef þú ynnir 2
millj. í happadrætti? Borga skuld-
ir og fara í heimsreisu
Hvað myndirðu gera ef þú værir
bæjarstjóri í einn dag? Breyta
starfsmanna stefnu bæjarins
Ef þú værir ekki manneskja, hvað
værirðu þá? Hestur eða heimilis-
köttur
Uppáhalds Hafnarfjarðarbrand-
arinn þinn? Spurningarkeppni
framhaldsskólanna var haldin í
Flensborg og Hafnfirðingar fengu
eftirfarandi spurningu: hvaða dýr er
á framhlið 10 kr. penings? Eftir
langa þögn kom svarið, fiskur. I
Ijósi þess að hér var um Hafnfirð-
inga að ræða fengu þeir rétt fyrir það
svar. En í framhaldi voru þeir
spurðir hvað væri á bakhlið á sama
peiningi og þá stóð ekki á svari:
Pizza!