Fjarðarpósturinn - 14.12.1995, Blaðsíða 2
2 FJARÐARPÓSTURINN
Gildir í'rá fimnitudegi 14. des. til
miövikudags 20. des.
Vatnsberinn (20. jan. - 18. feb.)
Þú átt eftir að hitta fólk í vikunni sem
þú hefur ekki séð í mörg ár. Skildi það
vera tilviljun eða er verið að minna þig
á eitthvað? Gefðu gaum að þeim eldri
í fjölskyldunni, þau gætu þurft á að-
stoð þinni að halda nú fyrir jólin.
Hálkan er erfið yfirferðar.
Fiskarnir (19. feb. - 20. mars)
Helgin verður fremur látlaus, og lítið
um að vera nema þá helst að skrifa
jólakortin og koma þeim í póstinn.
Eftir helgi þarf aftur á móti að taka á
honum stóra sínum í ákveðnu máli.
Þar verður að ganga ákveðið til verks
svo sigurinn vinnist. Gangi þér vel....
Hrúturinn (21. mars - 19. apríl)
Leggðu áherslu á staðfestu og góða
skipulagningu, það marg borgar sig
upp á síðari tíma. Fjármálin eru mikið
spursmál um þessar mundir, ekki bara
jólainnkaup, eitthvað annað líka. Þú
kemur sennilega eitthvað nálægt end-
urskoðun á reikningum.
Nautið (20. apríl - 20. maQ
Búðu þig undir einhverjar breytingar á
næstunni. Það gætu alveg eins verið
hugarfarsbreytingar. Spurningum sem
engin svör hafa fengist við, er nú svar-
að einni af annarri. Það kemur svo
margt af sjálfum sér, sérstaklega þegar
maður sér það fyrir sér í huganum.
Tvíburinn (21. maí - 20. júní)
Hugsaðu fram á við og gerðu áætlanir.
Þú átt þrjá góða vini, sem standa með
þér, skilyrðislaust. Það eru tilfinninga-
sveiflur í gangi og einhver ætlar sér að
svíkja og pretta þig, svo umvefðu þig
öryggishjúp og stattu með þér af heil-
um hug.
Krabbinn (21. júní - 22. júlO
Nú er eins gott fyrir nærstadda að
verða ekki á vegi þínum, því ný hug-
mynd skauts upp úr kollinum á þér og
nú á að setja allt í gang. Sumir í návist
þinni hreinlega flýja þig þegar þú ert í
þessum ham. Stopp -, gefðu skynsem-
inni smá áheyrn.
Ljónið (23. júlí - 22. ágúst)
Þú heyrir góðar fréttir frá einhverjum
fjarstöddum vini og það gleður þig
mikið að fá þessar fréttir. Þó samband-
ið hafi ekki verið náið í gegnum árin,
veistu að þar eru samt órjúfanleg vin-
áttubönd. Þar sem þú kemur að vanda-
málum, leysast þau á svipstundu.
Meyjan (23. ágúst - 22. sept.)
Þú bara verður að hafa frumkvæðið
þessa viku og standa með þér og því
sem þú trúir á. Það þýðir ekkert núna,
að halda friðinn með þögninni. Hugs-
aðu þér hvað þú þroskast við að segja
álit þitt á óréttlætinu. Meyjan er án efa
boðberi réttvísinnar.
Vogln (23. sept. - 22. okt.)
Nú er að vega og meta, það sem þú
hefur gert og það sem þú hefur ekki
gert. Settu þetta allt á vogaskálina eins
og voginni er einni lagið. En það þarf
að gera meira, gera eitthvað í málinu.
Oft er það, það sem ekki er sagt frá og
litlir hlutir sem ekki sjást, sem skipta
öllu máli.
Sporðdrekinn (23. okt. - 21. nóv.)
Þér gengur vel í sölumennskunni, og
gætir hæglega selt hvað sem er og
hugmyndir þínar líka. Góður tími til
að huga að þeim sem eru fjarlægir og
þú vilt ekki missa í fortíðina. Skrifaðu
eitthvað fallegt og persónulegt í jóla-
kveðjurnar þínar. Eitthvað sérstakt.
Bogmaðurinn (22. nóv. - 21. des.)
Þú sérð og veist best að samvinnan er
það sem gengur, sé miðað við að sam-
stillt fólk sé þar að verki, sé svo ekki,
getur þú alveg eins unnið verkið
ein(n). Hve gott er að eiga einhvem að
í voginni, tryggur og traustur, ráða-
góður og mikill vinur vina sinna.
Steingeitin (22. des. - 19. jan.)
Þér hættir oft til að taka að þér of
mikla vinnu, þar með situr annað á
hakanum, t.d. þú. Hver á að hugsa um
þig? Hver á að sinna þér? Hver á að
bera virðingu fyrir þér? Þú sjálf(ur) og
enginn annar.
Brostu, það eru að koma JÓL
JÓIÍ
Byggða-
safninu
Sívertsens-húsið hefur nú verið
sett í jólabúning og geta gestir og
gangandi séð þar hvernig jólahald
var fvrr á tímum. Á hverjum virk-
um degi fram til jóla koma leik-
skólabörn í heimsókn á safnið og
hitta fyrir þann "Islenska" jóla-
svein scm kom til byggða nóttina
áður.
Jólasveinninn segir börnunum
sögu af sjálfum sér og syngur með
þeim jólalög. Á mánudaginn kom
Stekkjastaur til byggða og, eins og
sjá má á myndunum, hitti hann fyrir
börn af leikskólanum Arnarbergi,
Stekkjastaur dansar í kringum jólatreið með börnum frá leikskólanum
Arnarbergi.
sem sungu með honum og dönsuðu í
kringum jólatréð. Þess má geta að
jólasveinamir koma einnig á safnið
helgina 16. og 17. desember kl.
14:00 og 15:30 og geta þá allir sem
vilja, komið á safnið og séð þá.
Fulltrúar foreldrafálags Vfðistaðaskóla á fund með bæjarstjóra
ítreka kröfur um úr-
bætur við skólann
Nýlega mættu fulltrúar for-
eldrafélags Víðistaðaskóla á fund
Ingvars Viktorssonar bæjarstjóra
með afrit af bréfi sem fyrrverandi
bæjarstjóra var afhent 1. desem-
ber í fyrra. Með þessu vill for-
eldrafélagið ítreka kröfur sínar
um úrbætur við skólann en ekkert
hefur verið gert í málinu í eitt ár.
Úrbæturnar miða að því að gera
umhverfi skólans vænlegra og ör-
uggara fyrir nemendur en mikið er
um slysagildrur í nágrenni skól-
ans.
í bréfinu sem afhent var Ingvari
Viktorssyni segir m.a. að tröppur og
brekkuslóðir breytist í flughálar
rennibrautir í fyrstu snjóum og fari
ekki í manngreinarálit varðandi hver
slasar sig. Nægi þar að nefna að lög-
regluþjónn missti fótanna s.l. vetur
og hlaut varanlega örorku að hluta.
Það sé fjarri því að foreldrar geti
treyst því að börn þeirra séu í öruggu
umhverfi við skólann, ekki hvað síst
er varðar umferð að skólanum þeim
Ein slysagildran og á innfelldu inynd-
inni er bæjarstjóra aflient bréfið.
megin er snýr að kirkjunni en þar eru
einmitt yngstu bömin.
Undir bréfið í fyrra skrifuðu 200
foreldrar og forráðamenn barna við
skólann og vill þessi hópur nú ítreka
fyrri kröfur um úrbætur af hálfu bæj-
aryfirvalda.
Báti var
bjargað
af brennu
Á undanförnum árum hefur
það tíðkast að setja úrelta báta
á áramótabrennur. Á Húsavík
er verið að undirbúa stóra ára-
mótabrennu og var búið að
setja á bálkestinn bátinn Fleyg
ÞH 301. Minjavörður þeirra
Húsvíkinga, Guðni Halldórs-
son, frétti af þessu og bað hann
brennumenn að bíða með bát-
inn og snéri sér til Byggðasafns
Hafnarfjarðar vegna þessa
máls. Byggðasafnið ákvað að fá
þennan bát til sín og varðveita
vegna þess að fá góð eintök eru
nú til af bátum sem smíðaðir
voru í Bátasmíðastöð Breiðfirð-
inga í Hafnarfirði.
Báturinn hét upphafleg Svanur
GK 240 og var smíðaður í Báta-
smíðastöð Breiðfirðinga árið
1955. Hann var opinn vélbátur,
skarsúðaður úr eik og furu, 9m45
m að lengd, 2,56 á breidd og 1,17
m á dýpt. Framhluti bátsins er
lotað stefni en afturhlutinn skut-
bjúgur. Árið 1970 var hann að
miklu leyti smíðaður upp og sett
á hann stýrishús.
Svanur var gerður út frá Höfn-
um frá 1955. Hann var seldur til
Reykjavíkur 1970 og hét þá Kóp-
ur RE-124. Hann var seldur til
Patreksfjarðar árið 1974 og nafn-
inujrreytt í Björgvin Jónsson BA
1. Árið 1977 var hann seldur til
Húsvíkur og fékk þá núverandi
nafn en eigendur hans ákváðu í
haust að úrelda bátinn og setja á
áramótabrennu.
Vegna snöggra viðbragða
minjavarðar Húsavíkur og minja-
varða í Hafnarfirði hefur verið
komið f veg fyrir að menningar-
verðmæti þessi verði eyðilögð.
Nú hefur Byggðasafn Hafnar-
fjarðar með aðstoð Eimskips ráð-
ist í að fjarlægja bátinn af bál-
kestinum og flytja hann til Hafn-
arfjarðar. Þar verður hann gerður
upp í upphaflega mynd og varð-
veittur um ókomna tíð. Ráðist
verður í þetta verkefni á næstu
dögum.
(fréttatilkynning)
GAFLARI VIKUNNAR
Hægra hnéið og þrjóskan
Fullt nafn? Magnús Haraldsson
Fæðingardagur? 23.11.1961
Bifreið? BMW
Starf? Múrari
Fyrri störf? Múrari
Helsti veikleiki? Hægra hné og
þrjóskan
Helsti kostur? þrjóskan
Eftirlætismatur? Hangikjöt og
jólamaturinn hjá mömmu
Versti rnaturinn? Kjötsúpa og allur
súrsaður matur.
Eftirlætistónlist? Allt með Queen
Eftirlætisíþróttamaður? Steve
Ovett (fyrrverandi heimsmethafi í
millivegalengdarhl.) af þeim er-
lendu en Stjáni Ara af þeim íslensku
Á hvaða stjórnmálamanni hefur
þú mestar dálæti á? Halldóri Ás-
grímsson en í Hafnarfirði hefur eng-
inn komist í fötin hans Guðmundar
Árna Stefánssonar. Jói Begg er samt
alltaf í uppáhaldi vegna þess hve
hann er ákveðinn og fylginn sér.
Eftirlætissjónvarpsefni? Iþróttir,
fréttir og þær bíómyndir sem ég hef
ekkiséð?
Leiðinlegasta sjónvarpsefni?
Fréttaágrip á táknmáli
Besta bókin sem þú hefur lesið?
Nálaraugað eftir Ken Follet
Hvaða bók ertu að lesa núna?
Svarfdælingar eftir Stefán Aðal-
steinsson og Falsarinn eftir Björn Th
Bjömsson
Uppáhaldsleikari? Bruce Willis
Besta kvikmynd sem þú hefur
séð? Hudson Hawk
Hvað gerir þú í frístundum? Les
bækur og reyni að æfa hægra hnéð á
mér
Fallegasti staður sem þú hefur
komið á? Ásbyrgi
Hvað metur þú mest í fari ann-
arra? Heiðaleika
Hvað metur þú síst í fari ann-
arra? Oheiðaleika
Hvern vildir þú helst hitta? Afa
rninn (nafna) og ræða ýmis mál
við hann.
Hvað vildir þú helst í afmælis-
gjöf? Nýja geisladiskinn með
Queen
Hvað mvndir þú gera ef þú
ynnir 2. milljónir í happdrætti?
Borga skuldir.
Hvað myndir þú gera ef þú
væri bæjarstjóri? Nýjan
FRJÁLSÍÞRÓTTAVÖLL, því
það er enginn aðstaða til frjálsí-
þróttaiðkunnar í Hafnarfirði.
Uppáhalds hafnarfjarðarbrand-
arinn þinn? Frjálsíþróttaaðstaðan í
Hafnarfirði og livað bæjaryfirvöld
hafa dregið lappimar í þeirn rnálurn
síðustu ár.