Fjarðarpósturinn - 15.02.2007, Blaðsíða 2
2 www.fjardarposturinn.is Fimmtudagur 15. febrúar 2007
Útgefandi: Keilir ehf. kt. 681175-0329
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Bæjarstjórnin var einhuga þegar hún beindi
því til stjórnar Strætó, að hún taki upp viðræður
við umhverfisráðuneytið og samgöngu ráðu -
neytið um möguleika ráðuneytanna í kostnaði
við gjaldfrjálsar almenningssamgöngur á höfuð -
borgarsvæðinu. Þetta er kannski bara hænufet
áleiðis en skref í rétta átt. Kannski það takist að
fá fólk til að nýta almenningssamgöngur og
spara þessa gríðarlegu bílanotkun. Hins vegar
vissi fráfarandi framkvæmdastjóri Strætó ekki
hverjar tekjur væru af innanbæjarakstri í Hafnarfirði þegar
undirritaður spurði hann svo eitthvað vantar upp á að lykiltölur í
rekstrinum liggi fyrir.
Nú er búið að stofna samtök til stuðnings stækkun álversins. Þar
fóru fremstir, forsvarsmenn fyrirtækja sem vinna mikið fyrir Alcan
og segja þeir einsýnt að verði álverið ekki stækkað, verði það lagt
niður og það muni hafa gífurleg áhrif á fjölmörg fyrirtæki í
Hafnarfirði. Spennandi verður að sjá hvernig þetta nýja félag ætlar
að berjast fyrir sínum skoðunum en þetta sýnir þó að Hafnfirðingar
geta, ef hart er barið á, hópast saman um málefni sem skipta
bæjarbúa miklu. Gaman væri ef bæjarbúa létu sig skipulagsmál
almennt skipta máli og mættu á auglýsta fundi sem Hafnar -
fjarðarbær stendur fyrir. Hverfafundir, lesist íbúaþing, mættu vera
haldnir reglulega og verður fundur íbúa í Vestur- og Norðurbæ
vonandi til þess að auka áhuga íbúa hverfanna á umhverfi sínu og
að standa vörð um útivistarsvæði. Víðistaðatúnið er gott dæmi um
svæði sem þarf að standa vörð um og það var ekki spennandi að
hlusta á bæjarfulltrúa tala um að taka frá svæði undir grunnskóla við
túnið, sem örugglega skerðir aðkomu og bílastæði við svæðið.
Guðni Gíslason
Flottar í
fótbolta
Halda málþing um
kvennaknattspyrnu í
Hafnarfirði
Málþing um kvenna knatt -
spyrnu í Hafnarfirði sem halda
á í Víðistaðskóla 17. febrúar
nk. er hluti stefnu mótunar -
vinnu fyrir meistaraflokk og 2.
flokk kvenna í knattspyrnu hjá
FH. Markmið málþingsins er
að ræða málefni kvenna knatt -
spyrnunnar svo sem mögu -
legar ástæður brottfalls ungl -
ingsstúlkna, leiðir til að sporna
við því, tækifæri stúlkna sem
stunda knattspyrnu og að stöðu,
aðbúnað, stuðning o.fl.
Meistaraflokksráðs kvenna
hefur það að leiðarljósi að efla
meistaraflokk FH í kvenna -
knattspyrnu og stefnir að því
að félagið blandi sér í topp -
baráttu úrvalsdeildarinnar á
næstu árum og verði eitt af
sterk ustu vígjum kvenna knatt -
spyrnu hér á landi. Til þess að
ná því markmiði þarf að auka
þátttöku hafnfirskra stúlkna í
knattspyrnu efla starf 2. fl. og
meistaraflokks kvenna í FH
sem og félagslegan stuðning
við stelpurnar.
Fjölmargir fyrirlesarar verða
á málþinginu m.a. Þorgerður
Katrín Gunnarsdóttir, mennta -
málaráðherra, Helena Ólafs -
dóttir, fv. landsliðsþjálfari,
Auðunn Helgason, fyrirliði FH
og Margrét Gauja Magnús -
dóttir.
Fjarðarpósturinn spurði
Heglu Friðriksdóttur, formann
meistaraflokksráðs kvenna hjá
FH, af hverju þingið væri
haldið:
„Á síðustu árum hefur verið
mikil gerjun í hafnfirskri
kvennaknattspyrnu. Þetta sést
best á því að nú eru 30-50
stelpur að æfa fótbolta í
hverjum flokki frá 3. - 8. flokks
hjá FH sem er gríðarleg
fjölgun og hefur árangur þeirra
og liðsandi á mótum vakið
eftirtekt og aðdáun. Hér er
margt sem spilar inní s.s gott
unglingastarf hjá FH, stuðn -
ingur bæjaryfirvalda og sjálf -
sagt almennt aukinn áhugi
fyrir fótbolta. Það veldur hins -
vegar áhyggjum að þegar að
komið er í 2. flokk og meist -
ara flokk er eitthvað sem gerist.
Við missum stelpurnar úr
fótbolta eða til annara félaga,
og oft á tíðum höfum við
hrein lega ekki geta mannað
liðið okkar í meistaraflokki.
Við þessu verður að bregðast
og er málþingið hugsað sem
fyrsta skrefið í stefnu mörk -
unarvinnu fyrir 2. flokk og
meistaflokk kvenna hjá FH.“
www.hafnarf jardark i rkja. is
Víðistaðakirkja
Sunnudagurinn 18. febrúar
Barnaguðsþjónusta kl. 11.00
Skemmtileg stund fyrir börn á öllum aldri
Guðsþjónusta kl. 13.00
Prestur: Sr. Kjartan Jónsson
Einsöngur: Sigurður Skagfjörð
Organisti: Guðmundur Sigurðsson
Aðalsafnaðarfundur
verður í safnaðarheimilinu að lokinni guðsþjónustu
sunnudaginn 25. febrúar
Dagskrá: Venjuleg aðalfundarstörf
Kyrrðarstundir
á miðvikudögum kl. 12.00
Súpa og brauð í safnaðarheimilinu á eftir.
Opið hús fyrir eldri borgara á
miðvikudögum kl. 13.00
Spil, spjall og kaffiveitingar
Foreldrastundir
á fimmtudögum kl. 13.00
Gefandi samvera fyrir heimavinnandi foreldra.
www.vidistadakirkja.is
Verið velkomin
Bragi J. Ingibergsson,
sóknarprestur
Sunnudaginn 18. febrúar
Guðsþjónusta kl. 11
Nýstofnaður Gradualekór kirkjunnar
syngur í fyrsta sinn við helgihald.
Guðmundur Sigurðsson organisti og kantor
boðinn velkominn til starfa.
Prestur sr. Þórhallur Heimisson.
Sunnudagaskóli fer
fram á sama tíma í
safnaðarheimili og
Hvaleyrarskóla.
Sýningar Kvikmyndasafnsins
Á laugardaginn kl. 16 verður sýnd
myndin Umhverfis jörðina á 80
dögum frá 1956.
Á þriðjudaginn kl. 20 verður sýnd
myndin Passage to India eftir David
Lean. Myndin sem byggir á skáldsögu
E.M. Forster er frá árinu 1984 og segir
frá því þegar hvít kona á ferðalagi um
Indland á þriðja áratugnum sakar
indverskan lækni um nauðgun.
Sýningar Kvikmyndasafnsins eru í
Bæjarbíói, Strandgötu 6.
Fróðleiksmolar í Pakkúsinu
Saga kvikmyndasýninga í Hafnarfirði
Í kvöld kl. 20 í Pakkhúsi Byggða -
safans Hafnarfjarðar Vesturgötu 8,
mun Sverrir Þór Sævarsson sagn -
fræðingur fjalla um kvikmynda -
sýningar í Hafnarfirði á sjötta og sjö -
unda áratug tuttugustu aldar. Þegar
Reykvíkingar og aðrir landsmenn
flykktust til Hafnarfjarðar til að fara í
bíó. Fór það orð af kvikmyndahúsum
Hafnarfjarðar að þar mætti nálgast
fjölbreytt úrval af góðum kvik -
myndum, oft af listrænum toga. Hefur
kvikmyndahúsum bæjarins jafnvel
verið lýst sem Mekka kvik mynda sýn -
inga á Íslandi á þessu gullaldartímabili
þeirra. Erindi Sverris er hluti af fyrir -
lestra röð Byggðasafns Hafnarfjarðar
sem ber yfirskriftina „Fróðleiksmolar í
Pakkhúsinu“.
Aðalfundur kvenfélags
Kvenfélag Hafnarfjarðarkirkju heldur
sinn árlega aðalfund fimmtudaginn
22. febrúar kl 20.30 í Vonarhöfn,
gengið inn Suðurgötumegin. Á dag -
skrá eru venjuleg aðalfundarstörf,
kaffi veitingar og í heimsókn kemur
Guðbjörg Jóna Magnúsdóttir sem
kynnir hönnun sína á alls konar
skinnum. Hönnun hennar heitir Nana.
Allir hjartanlega velkomnir.
ITC fundur
Tjáningarsamtökin halda fund þriðju -
daginn 20. febrúar kl 20.15 í Vonar -
höfn, Safnaðarheimili Hafnarfjarðar -
kirkju. M.a. verður fræðsla um hvernig
á að tala út frá punktum. Allir vel -
komnir.
Fiskibollur á bolludaginn
Greinar á: www.fjardarposturinn.is