Fjarðarpósturinn - 16.05.2007, Blaðsíða 2

2 www.fjardarposturinn.is Miðvikudagur 16. maí 2007
Útgefandi: Keilir ehf. kt. 681175-0329
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Nú eru kosningar afstaðnar og allir túlka
niðurstöðurnar sér í hag nema Framsókn, með
þingsætalausan formann, sem grætur afhroðið en
getur ekki slitið sig frá stjórnarborðinu. Reyndar
trúi ég ekki á sjálfstæðismenn að þeir ætli sér í
stjórnarsamstarf með tapliðinu. Óþekktar ang -
arnir með Árna Johnsen, jafnvel nið ur settan á
lista, í forystu eru varla öruggustu odda menn -
irnir. Meirihlutinn þarf að vera sterkari og það sjá
sjálfstæðismenn. Ég spái samstarfi Sjálfstæðis -
flokks og Samfylkingar, kannski í draumsýn að stjórnarflokkarnir í
Hafnarfirði eigi eftir að vinna betur saman að heill Hafnarfjarðar,
sennilega veitir ekki af eftir afneitun á álversstækkun. Annars er
skondið að hugsa til þess að lægra hlutfall kjósenda kaus stjórnar -
flokk ana í þingkosningunum en kusu með álverinu!
Og talandi um álverið þá fær bæjarstjórinn í Hafnarfirði prik fyrir
að viðurkenna sannleikann í viðtali við Viðskiptablaðið í síðustu
viku, viðurkenna að Alcan hafi tillögurétt eins og önnur fyrirtæki í
bænum. Það er gaman að bera álversmálið við hugmyndir að háhýsi
í miðbænum, fyrst er bæjarfulltrúum kynnt 12 hæðir, bæjarbúum 10
hæðir og nú bæjarfulltrúum 9 hæðir. Deiliskipulagið segir 4 hæðir
og hvar skyldi þetta enda. Hvað fær byggingaraðilinn margar til -
raun ir?
Í SV-kjördæmi eru 12 þingmenn, 6 konur og 6 karlar og tveir
karlanna eiga lögheimili utan kjördæmisins. Athyglisvert er að V-
listinn tefldi fram þremur Reykvíkingum í fyrstu fimm sæti listans,
Samfylkingin tveimur og F-listi einum. Til hvers er að vera með
landið skipt í kjördæmi ef menn geta boðið sig fram hvar sem er á
meðan kjósendur eru bundnir við staur?
Guðni Gíslason
Víðistaðakirkja
Uppstigningadagur 17. maí
Guðsþjónusta
sérstaklega tileinkuð eldri borgurum
á uppstigningardag 17. maí, kl. 14.00
Prédikun: Eysteinn Orri Gunnarsson,
guðfræðinemi
Gaflarakórinn, kór Félags eldri borgara,
syngur undir stjórn Kristjönu Þ. Ásgeirsdóttur.
Organisti: Úlrik Ólason
Kaffiveitingar í safnaðarheimilinu
eftir messu
Rúta fer frá Hjallabraut 33 kl. 13.40
og frá Hrafnistu kl. 13.50.
www.vidistadakirkja.is
Allir velkomnir
Bragi J. Ingibergsson,
sóknarprestur
Aðalfundur vinabæjarfélags
Aðalfundur Vinabæjarfélagsins Hafn -
ar fjörður/Cuxhaven verður í Selinu,
húsi Skógræktarfélags Hafnar fjarðar
við Kaldárselsvg í kvöld, mið viku dag
kl. 20. Nýir félagar velkomnir.
Vortónleikar Skátakórsins
Á laugardaginn kl. 16 verða vor -
tónleikar Skátakórsins en hann varð til
við sameiningu Skátakórsins í Hafnar -
firði og Skátakórsins í Reykjavík.
Tónleikarnir verða í Grensáskirkju og
verður dagskrá fjölbreytt að venju.
Dagskráin mun þó bera keim af því að
í ár fagna skátar um allan heim 100
ára afmæli skátahreyfingarinnar en
há punktur hátíðarhalda þessa af -
mælis árs er Alheimsmót skáta sem
fram fer í Bretlandi og mun Skáta -
kórinn leggja land undir fót og taka
þátt í því móti með söng á vör. Auk
tónleikadagskrár Skátakórsins, undir
stjórn Margrétar Sigurðardóttur, verða
gestir hvattir til þátttöku í fjöldasöng
við gítarundirleik auk þess sem skátar
flytja skemmtiatriði.
Tónleikar í Tónlistarskólanum
Föstudaginn 18. maí kl. 20
- Kammersveitin
Mánudaginn 21. maí kl. 17.15
- Forskóli I.
Mánudaginn 21. maí kl. 18.30
- Forskóli II.
Vorferð Bandalags kvenna
Vorferð Bandalags Kvenna í Hafn -
arfirði verður 9. júní nk. Lagt verður af
stað frá Hafnarfirði um kl. 11
og stefnan tekin á Landnámssetrið í
Borgarnesi þar sem snæddur verður
hádegisverður og sýningin skoðuð.
Fleira verður í boði í þessari dagsferð.
Félagskonur BKH eru hvattar til að
skrá sig í ferðina í s. 555 2574 eða í s.
695 1976.
Tónleikar - Framhaldspróf
Ingimar Andersen, sem er að ljúka
framhaldsprófi í klarinettleik við Tón -
listarskóla Hafnarfjarðar verður með
einleikstónleika sína í Hásölum á
þriðju daginn kl. 20.30 í Hásölum.
Með leikari hans verður Ingunn Hildur
Hauksdóttir píanóleikari. Aðgangur er
ókeypis og allir velkomnir.
Lokahóf
handknattleiksdeildar Hauka
Lokahóf handknattleiksdeildar Hauka
verður haldið á laugardaginn. Lokahóf
yngri flokkanna hefst kl. 15 og stendur
yfir til um kl. 17.
Lokahóf eldri flokkanna verður svo um
kvöldið. Húsið verður opnað kl. 19 og
borðhald hefst stundvíslega klukkan
20. Aðgangur er ókeypis.
Uppstigningadagur 17. maí
Guðsþjónusta kl. 14
Eldri borgurum boðið sérstaklega til kirkju.
Prestar: sr. Þórhallur Heimisson og
sr. Gunnþór Þ. Ingason sem prédikar.
Organisti: Guðmundur Sigurðsson kantór.
Einsöngvari: Þóra Björnsdóttir bæði í kirkju og
í kaffisamsæti í Hásölum. Kór: Kór Hafnarfjarðarkirkju.
Veglegt kaffisamsæti eftir messu í Hásölum Strandbergs.
Þórunn Björnsdóttir syngur einsöng og Hjörtur Howser
leikur létta tónlist og sumarlög á Friðriksflygilinn.
Mánudagur 20. maí
Messa kl. 11, altarisganga
50, 60 og 70 ára fermingarbörn
Hafnarfjarðarkirkju heimsækja hana
Prestur: Sr. Gunnþór Þ. Ingason.
Organisti: Guðmundur Sigurðsson, kantór.
Kór: Kór Hafnarfjarðarkirkju.
Hádegisverður fermingarbarnanna eftir messu
í Hásölum Strandbergs.
www.hafnarfjardarkirkja.is
Róðrarsveitir
óskast
Sjómannadagurinn er 3. júní
nk. og að venju verður keppt í
kapp róðri sem notið hefur mik -
illa vinsælda. Nú er búið að
sjósetja bátana og keppnissveitir
geta fengið tíma til að æfa sig.
Í hverri sveit eru 7 manns, 6
ræðarar og einn stýrimaður.
Hægt er að skrá sig hjá Karel í
síma 690 0345.
Hámark
ósvífninnar?
Þessu farartæki í eigu
Hafnarfjarðarbæjar var lagt upp
að dyrum við Bæjarbakarí á
mánudag á meðan ökumaðurinn
brá sér í bakaríið. Hann lét sér
ekki nægja að leggja í stæði
fatlaðra heldur gerði betur og fór
upp á stétt við húsið og inn að
dyrum. Félagi hans á annarri
rusla sugu lagði þó í bílastæði en
nennti ekki aka um inn keyrslu og
lét gangstétt ekki aftra sér og fór
þvert yfir hana.
Snyrtimennska
Nauðynlegt að klippa
limgerði sem skaga út
yfir gangstéttar
Þegar sól hækkar á lofti má
víða sjá íbúa snyrta til í görðum
sínum. Oft gleymist að snyrta að
gangstéttum og stendur oft
óklippt limgerði langt út á
gangstétt en það gerist ekki hjá
þessum konum í Traðarberginu
sem árlega hreinsa vel gróðurinn
sem snýr út að gangstétt.
Þær voru svo önnum kafnar
þegar blaðamaður Fjarðar -
póstsins átti leið um að þær gáfu
sér ekki tíma til að líta upp.
L
j
ó
s
m
.
:

G
u
ð
n
i

G
í
s
l
a
s
o
n
L
j
ó
s
m
.
:

G
u
ð
n
i

G
í
s
l
a
s
o
n
Ingimar Andersen