Fjarðarpósturinn - 27.09.2007, Blaðsíða 8

8 www.fjardarposturinn.is Fimmtudagur 27. september 2007
Auglýsing í Fjarðarpóstinum borgar sig!
Auglýsingasíminn er 565 3066
Á laugardaginn verður opið
hús í Flensborgarskólanum kl.
13-17. Þann 1. júní s.l. var haldið
upp á 125 ára afmæli skólans en
þann 1. október n.k. verða liðin
125 ár frá því að skólinn var
settur í fyrsta sinn og markar
dagskráin um helgina og í næstu
viku innan skólans lokapunktinn
á þeirri dagskrá sem hefur verið í
gangi á afmælisárinu.
Myndlistarsýning Flensborgara
Að þessu tilefni verður opnuð
glæsileg myndlistarsýning í
skólanum kl. 13.30 á laugar dag -
inn. Þar sýna tugir mynd -
listarmenn úr hópi fyrrverandi og
nú verandi starfsmanna og nem -
enda skólans. Á sýningunni
verð ur að finna verk margra
þjóð þekktra myndlistarmanna en
einnig verk eftir einstaklinga
sem skilgreina sig sem frí -
stundamálara. Þessi sýning nær
bara til hluta þeirra fjölmörgu
myndlistarmanna sem hafa
tengst skólanum sem nemendur
eða starfsmenn á þessum 125
árum.
Leiðsögn um skólann
Á laugardaginn gefst gestum
gott tækifæri til að skoða ný -
bygg ingu skólans og þær viða -
miklu breytingar og endurbætur
sem standa yfir á eldri húsum
skól ans. Gestum verður boðin
leiðsögn um skólahúsið þar sem
m.a. verður hægt að skoða nýja
aðstöðu starfsbrautar og fjöl -
miðladeildar sem og fjölbreytt
safn skólans tengt náttúrufræði
og jarðfræði. Kennarar kynna
náms framboð skólans og náms -
gögn.
Kór skólans syngur fyrir gesti í
Hamarssal kl. 14, 15 og kl. 16.
Útskriftarnemar sjá um að bjóða
öllum gestum þjóðlegar veit ing -
ar í boði skólans.
Nemendur unglingadeilda
hvattir til að koma
Einar Birgir Steinþórsson
skólameistari segist vilja sjá sem
flesta bæjarbúa og aðra gesti en
hvetur sérstaklega alla eldri
Flensborgara, fyrrverandi nem -
endur og starfsmenn til að
heimsækja skólann þennan dag.
Jafn framt eru nemendur ungl -
inga deilda grunnskólanna og
foreldrar þeirra hvattir til að
koma í heimsókn og sjá hvaða
þjónustu og aðstöðu skólinn
hefur að bjóða.
Opið hús í Flensborgar -
skólanum á laugardag
Leiðsögn, myndlist, þjóðlegar veitingar, tónlist og námskynning
Frá útskrift í Flensborg sl. vor
L
j
ó
s
m
.
:

G
u
ð
n
i

G
í
s
l
a
s
o
n
Nýir eigendur hafa tekið við
rekstri á tælenska veitinga staðn -
um Síam á Dalshrauni 11. Síam
var á sínum tíma fyrsti tælenski
veitingastaðurinn á Íslandi og
hefur staðurinn verið rekinn í
Hafnarfirði í yfir 5 ár.
Stofnendur Síam voru hjónin
Stefanía Sigrún Björnsdóttir og
Manit Saifa, en þau hafa rekið
Síam (sem hét áður Bangkok)
með hléum síðan árið 1985.
Nýir eigendur á Síam eru þeir
sömu og eiga mexíkósku veit -
ingastaðina Serrano, Einar Örn
Einars son og Emil Helgi Lárus -
son. Áfram stendur til að bjóða
uppá sama hágæða tælenska
matinn sem að eig endur Síam
hafa þróað síðustu 20 árin. Mikil
áhersla hefur verið lögð á að
viðhalda þeim háa gæðastaðli
sem að fyrrverandi eigendur hafa
haldið uppi. Boð ið er upp á
klassíska tælenska matargerð í
rólegu og notalegu umhverfi.
Lengur opið
Hingað til hefur staðurinn að -
eins verið opinn 6 daga vikunnar
kl. 18-21, en því hefur verið
breytt og er staðurinn núna opinn
alla daga vikunnar kl. 11.30-
21.30. Á staðnum er glæsilegur
borð salur með sætum fyrir 40
manns, en einnig er hægt að taka
matinn með sér.
Nýir eigendur og
lengri opnun á Síam
Einar Örn Einarsson, annar eigenda Síam og Guðrún Margrét
Guðmundsdóttir, veitingastjóri.
Í sumar var sagt frá því hér í
blaðinu að óprúttnir hestamenn
hefðu spænt upp göngustíga við
Hvaleyrarvatn og
skilið allt eftir útatað í
hrossaskít. Sl.
fimmtudag fór ég sem
oft áður upp að Hval -
eyrarvatni til þess að
ganga þar og njóta
nátt úrunnar og kyrðar -
innar sem þar er í
skjóli skógarins. Sá ég
mér til mikillar ánægju
að búið var að laga
göngu stígana.
En ánægj an varaði ekki lengi
því að í bakaleiðinni mætti ég
hópi ríðandi kvenna og var þetta
greinilega hópur frá Íshest um og
með leiðsögumann í farar broddi.
Ég sagði hon um(henni) að þetta
væri göngu stígur fyrir fólk en
ekki reið vegur. Hún brosti bara
og svaraði því engu.
Bæjaryfirvöld hér í Hafnar firði
hafa dekrað við þetta fyrirtæki
frá því að það settist að hér í
bænum og lagðir hafa verið tugir
kílómetra af reiðstígum fyrir þá
og aðra hestamenn á meðan
bærinn tímir ekki að sjá af
nokkr um krónum til þess að laga
slóða fyrir skógræktarfólk á
sama svæði.
Það verður að ætlast
til þess að forsvars -
menn Íshesta sjái
sóma sinn í því að
kynna fyrir starfs -
mönn um sínum hvaða
reglur gilda um um -
ferð hesta í bæjar -
landinu. Það er ekkert
annað en frekja og
ókurteisi að vaða
svona yfir útivistar -
svæði sem ætlað er fólki og
spæna það upp og skíta allt út.
Verst þótti mér að þarna áttu
konur hlut að máli. Ég hef
hingað til verið þeirrar skoðunar
að konur stæðu karlmönnum
framar á flestum sviðum, ekki
síst í kurteisi og löghlíðni. En nú
er sú Snorrabúð orðinn að stekk.
Þekktur maður sagði einu sinni
þegar honum ofbauð; Svona gera
menn ekki. Einar Bollason ætti
að taka þessi orð hans alvarlega.
Höfundur er fv.
flugumferðarstjóri.
Frekir hestamenn
Skipulagðar hestaferðir á göngustígum
Hermann
Þórðarson
Actavis og Búkarestborg hafa
undirritað samstarfssamning um
þátttöku borgarinnar í forvarnar -
verkefninu „Ungmenni í Evrópu
-- gegn fíkniefnum“. Búkarest í
Rúmeníu er fimmta borgin sem
Actavis styrkir til þátttöku í
verkefninu, en Actavis er aðal -
styrktaraðili verkefnisins. Hinar
borgirnar eru Sofía í Búlgaríu,
Istan búl í Tyrklandi, Vilníus í
Litháen og Pétursborg í Rúss -
landi, en Actavis er með starf -
semi í öllum fimm löndunum.
Samningurinn var undirritaður
í opinberri heimsókn Ólafs
Ragn ars Grímssonar forseta
Íslands til Rúmeníu en hann er
verndari verkefnisins.
Byggt á íslenskum
rannsóknum
Forvarnaverkefnið nefnist á
ensku „Youth in Europe“ og er
unnið á vegum ECAD (Europ -
ean Cities against Drugs). Það er
byggt á íslenskum rannsóknum
sem miða að því að greina þætti
sem eru líklegir til að koma í veg
fyrir að ungt fólk ánetjist
fíkniefnum. Verkefnið fór á stað
árið 2005. Markmið þess er að
rannsaka fíkniefnaneyslu ev -
rópskra ungmenna, bera saman
ólíkar forvarnaraðgerðir og
virkja stofnanir og almenning til
aðgerða gegn fíkniefnavá.
Actavis aðalstyrktaraðilinn
Auk þess að styrkja verkefnið í
borgunum fimm kostar Actavis
rannsókna- og kynningarstarf á
Íslandi. Af öðrum borgum sem
taka þátt í verkefninu má nefna
Reykjavík, Moskvu, Osló, Hel -
sinki og Stokkhólm og búist við
að fleiri bætist við á næstu mán -
uðum. Forseti Íslands, hr. Ólafur
Ragnar Grímsson, er verndari
verkefnisins og var viðstaddur
undirritunina í Búkarest, en
Reykja víkurborg leiðir sam -
starfið.
„Það er mjög ánægjulegt að
við séum nú að fjölga borgum í
'Youth in Europe'. Við höfum
undanfarin ár lagt forvörnum lið,
bæði á Íslandi og víða um heim
og er þetta framhald á góðu
samstarfi við forseta Íslands og
Reykjavíkurborg. Rúmenía er
áhugaverður lyfjamarkaður og
gerum við ráð fyrir miklum vexti
Actavis þar á komandi árum.
Stuðningur við samfélags -
verkefni í Rúmeníu fellur því vel
að okkar starfsemi á mark -
aðnum,“ segir Róbert Wessman,
forstjóri Actavis.
Borgarstjóri Búkarest, Adriean Videanu, skrifaði undir samning um
þátttöku borgarinnar í Youth in Europe, annarsvegar við ECAD og
hinsvegar við Actavis. Dagur B. Eggertsson er formaður stýrihóps
verkefnisins og Róbert Wessman forstjóri Actavis. Forseti Íslands,
Ólafur Ragnar Grímsson, er verndari verkefnisins.
Actavis styrkir forvarnar verk -
efni í fimm borgum Evrópu
Búkarest fimmta Actavis-borgin í Youth in Europe verkefninu