Fjarðarpósturinn - 25.10.2007, Blaðsíða 2
Antonioni í Bæjarbíói
Á laugardaginn kl. 16 sýnir Kvik -
myndasafn Íslands dönsku
kvikmyndina Lejlighed til leje (1949)
eftir Emanuel Gregers. Eitt mesta
vandamál allra tíma er húsnæðiseklan,
biðlistinn er langur og engin lausn í
sjónmáli. Eva Jessen kemur heim í
leiguíbúðina sína, þreytt eftir erfiði
dagsins. Það kemur í ljós að búið er
að segja henni upp húsnæðinu og hún
þarf að finna nýtt í staðinn.
Blaðamaðurinn Harry Brun er líka að
leita að íbúð fyrir sig og unga,
verðandi eiginkonu sína. Fyrir tilviljun
koma Eva og Harry á sama tíma að
skoða íbúð sem hefur verið auglýst og
Harry platar Evu til að látast vera
eiginkona hans, til að ná í íbúðina.
Nokkrum dögum síðar flytur „nýgifta“
parið svo inn í íbúðina og þá hefjast
vandræðin fyrir alvöru.
Á þriðjudaginn kl. 20 sýnir Kvik -
mynda safnið aðra danska mynd, En
fremmed banker på eða Ókunnur
gestur. Johan Jacobsen er leikstjóri en
myndin var gerð árið 1959.
Ókunnur maður er á flótta og bankar
upp á í sumarbústað við ströndina.
Ung ekkja sem þar býr skýtur skjóls -
húsi yfir gestinn og dvöl hans dregst á
langinn. Með þeim takast ástir en
konan kemst að því að maðurinn hefur
ekki hreint mjöl í pokahorninu auk
þess sem fortíð þeirra tengist á
skelfilegan hátt.
Myndin þótti á sínum tíma óvenjulega
djörf. Hún hlaut Bodilverðlaun fyrir
báða leikarana í aðalhlutverkum og
Johan Jacobsen fyrir leikstjórn sína.
Leikarar: Preben Lerdorff Rye og
Birgitte Federspiel.
2 www.fjardarposturinn.is Fimmtudagur 25. okótóber 2007
Útgefandi: Keilir ehf. kt. 681175-0329
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Hestamenn hafa fengið nokkra útreið hér í
blaðinu og hafa birst greinar þar sem amast er út
í að hestamenn ríði á göngustígum og svæðum
sem ekki séu ætluð hestum. Hestaíþróttin er
eflaust mjög skemmtileg íþrótt og vart er hægt að
hugsa sér skemmtilegri ferðamáta um landið en á
hestum. En hver skyldi ástæðan vera á þessum
núningu sumra íbúa við suma hestamenn því
hestamenn eru ekki einsleitur hópur? Ég er einn
þeirra sem næ vart upp í nef mér af undrun yfir
því að hesthús skuli vera byggð í Gráhelluhrauni, á fallegasta
byggingar svæði bæjarins ef strjált og lágt er byggt. Þarna rísa nú stór
„iðnaðarhús“ þar sem menn hafa kannski hugsað sér sveita -
menninguna með hesta á beit við lítil hesthús. Þannig er því ekki
farið í dag og þarna byggja ekki bara Hafnfirðingar svo kannski erum
við að fórna þessu fallega hrauni fyrir aðra en Hafnfirðinga?
En væru hestamenn ekki betur settir með svæði utar í bæjarlandinu
þar sem byggð, hjólreiðamenn og gangandi trufla ekki, á svæði þar
sem mætti byggja upp glæsilega umgjörð utan um þessa sívaxandi
íþrótt. Kannski er seint í rassinn gripið að leggja þetta til en einhvern
veginn finnst mér eins og ekki sé hugsað langt fram fyrir stórutána í
skipulagsmálum í bænum og t.d. verða hesthúsin í Hlíðarþúfum
örugglega brátt að víkja vegna kvartana íbúa um lyktarmengun! Það
er ekki svo undarlegt þar sem fiskvinnsla hverfur líka af sömu
ástæðum, því nú má ekki finnast fisklykt, sveitalykt eða gufustrókar
sjást á lofti. Ósýnileg mengun frá stóru pallbílunum er hins vegar
ásættanleg að því er virðist og umhverfisráðherrar virðast ekki hafa
haft og eða hafa kjark til að taka á þeim málum.
Guðni Gíslason
14. Gullhella 1, lóðaúthlutun
Tekin fyrir umsókn Malbikunar -
stöðvarinnar Hlaðbær Colas um
ofangreinda lóð sem það hefur
vilyrði fyrir. Bæjarráð samþykkir að
leggja eftirfarandi til við bæjar -
stjórn: „Bæjarstjórn Hafnarfjarðar
sam þykkir að úthluta Malbikunar -
stöðinni Hlaðbæ Colas lóðinni
Gullhella 1“.
19. Fimleikafélag Hafnarfjarðar,
lóðargjöld í Kaplakrika 2007
Lagt fram erindi Fimleikafélags
Hafnarfjarðar dags. 10.9. 2007
þar sem óskað eftir niðurfellingu á
lóðarleigu vegna FH-Knatthúsa.
Bæjarráð synjar erindinu þar
sem samkvæmt lögum er ekki
heimild til að fella niður lóðargjöld.
20. Hafnarfjarðarkirkja,
styrkbeiðni
Tekið fyrir að nýju erindi Hafnar -
fjarðarkirkju um styrk vegna end -
urbóta. Fulltrúar sóknar nefnd ar,
Sigurjón Pétursson og Gunn laug -
ur Sveinsson mættu til fundarins.
Bæjarráð vísar erindinu til
vinnslu fjárhagsáætlunar 2008.
21. Flugmódelfélagið Þytur,
niðurfelling lóðarleigu
Tekið fyrir að nýju erindi
Flugmódelfélagsins Þyts frá 30.
mars 2007 þar sem óskað er eftir
niðurfellingu á lóðargjöldum.
Bæjarráð synjar erindinu þar
sem samkvæmt lögum er ekki
heimild til að fella niður lóðargjöld.
11. Melabraut 21, athugasemd
frá íbúa.
Oddfríður Jónsdóttir Móabarði
20B óskar eftir að fyrirtækið á
Melabraut 21 fari eftir skipu -
lagsskilmálum og fjærlægi bíla við
bíla stæði sem stendur við Suður -
braut. Einnig er óskað eftir að skilti
verði fjarlægt. Lagðir fram gildandi
skilmálar frá árinu 1985. Erindið
var til umfjöllunar á afgreiðslufundi
skipulags- og byggingarfulltrúa
17.10.07, sem vísaði því til skipu -
lags- og byggingarráðs.
Skipulags- og byggingarráð
tekur undir athugasemdir ná -
grann ans og vísar í gildandi deili -
skipulag frá ágúst 1986 þar sem
segir að ekki skal hafa úti -
geymslu svæði né heldur stæði
fyrir stóra bíla eða vinnuvélar við
Suð urbraut. Skipulags- og bygg -
ingarsviði er falin endanleg af -
greiðsla málsins.
13. Jófríðarstaðarvegur lóð
kaþólsku kirkjunnar
Tekin fyrir á ný tillaga að
breytingu á deiliskipulagi fyrir reit
4.05 Jófríðarstaðir-Skuld hvað
varðar lóð kaþólsku kirkjunnar við
Jófríðarstaði, dags. 18.03.07. For -
stigskynningarfundur var haldinn
13.02.2006. Skipulagið var aug -
lýst samkvæmt 25. gr. skipulags-
og byggingarlaga nr. 73/1997.
Athugasemdafresti er lokið, at -
huga semdir bárust. Haldinn var
kynn ingarfundur á skipu lags til -
lögunni mánudaginn 3. október
2007. Lagðar fram innkomnar at -
hugasemdir við tillöguna.
Skipulags- og byggingarráð
frestar erindinu á milli funda.
Sunnudaginn 28. október
Guðsþjónusta í Hásölum
Strandbergs kl. 11
Siðbótardagur í kirkjunni
og skákmessa
Prestur: Sr. Gunnþór Þ. Ingason
Kantor: Guðmundur Sigurðsson
Kór: Barbörukórinn í Hafnarfirði
Skákmenn á 4. Strandbergsmóti lesa
ritningarorð og leiða bænir.
Léttur hádegisverður
fyrir skákmenn og gesti þeirra.
Verðlaunafhending og fjöltefli
við Helga Ólafsson, stórmeistara.
www.fjardarposturinn.iswww.hafnarf jardark i rkja. is
Víðistaðakirkja
Sunnudagurinn 28. október
Sunnudagskólinn kl. 11.00
Skemmtileg stund fyrir börn á öllum aldri.
Guðsþjónusta kl. 13.00
Kór Víðistaðasóknar syngur undir stjórn
Úlriks Ólasonar
Samverustundir
10 laugardagsmorgna kl. 10.30 - 12.00
Kynning á ýmsum bókum.
Efni laugardagsins 27. okt.:
„Sigur þinn oss sigur gefi
sigurhetjan, Jesús minn.“
Leiðbeinandi: María Eiríksdóttir
www.vidistadakirkja.is
Verið velkomin!
Bragi J. Ingibergsson,
sóknarprestur
L
j
ó
s
m
.
:
G
u
ð
n
i
G
í
s
l
a
s
o
n