Fjarðarpósturinn - 15.11.2007, Blaðsíða 2
2 www.fjardarposturinn.is Fimmtudagur 15. nóvember 2007
Útgefandi: Keilir ehf. kt. 681175-0329
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Sala á hlut Hafnarfjarðarbæjar í Hitaveitu
Suðurnesja virðis vera að koma í hámæli ef marka
má skrif Gunnars Svavarsson, bæjarfulltrúa
Samfylkingarinnar. Búast má við heitum
umræðum um þetta mál í bæjarráði og ætti
kannski ekki að koma mörgum á óvart ef ákveðið
yrði að selja hlutinn til Orkuveitur Reykjavíkur
eins og samkomulag Hafnarfjarðarbæjar og OR
gerðu ráð fyrir.
Reykjanesbær, eða öllur heldur bæjarstjórinn
þar virðist berjast gegn því að aðrir hafi ítök í Hitaveitu Suðurnesja
en er þó eins og aðrir búinn að sjá að hann getur ekki eignast
meirihluta. Sennilega sjá Hafnfirðingar að lítill fengur sé að halda
fengnum hlut og vart fáist hærra verð en OR býður nú. Hins vegar
veit ég ekki hvað hefur komið út úr athugun OR á möguleika á
samstarfi (eða kaupum) á Vatnsveitu Hafnarfjarðar og fráveitu en sé
ekki neina glóru í að einhver milliliður fái að bíta af kökunni þegar
við getum fengið eigið vatn sjálfrennandi heim í hús. Frá okkur
rennur svo okkar eigin skítur í eigin lögnum sem enginn þarf að hafa
hag af en við sjálf. Kannski getur Hafnarfjarðarbær rekið öflugt
vatnsveitufyrirtæki enda gott vatn verðmæti.
Gunnar nefnir samstarf við Grindavík og Voga, væntanlega
samein ingakandidata Hafnarfjarðar. Þar hlýtur hann að vera að ýja að
því að þessi sveitarfélögu geti saman myndað eigið orkufyrirtæki
sem selji afnotarétt að orkuauðlindunum og veiti leyfi til frekari
rannsókna en skv. sérfræðingum er enn ekki vitað hvar hitaupp -
sprettan er í Krýsuvík og fyrr en það er vitið verði ekki hægt að nýta
þá miklu orku sem þar er að finna. Grindavík, Vogar og
Hafnarfjarðarbær eiga mikla sameiginlega hagsmuni í orkumálum og
eflaust fleiri málum og hafa hingað til ekki viljað horfa til
Reykjanesbæjar í sameiningarmálum. Hver veit hvað verður ef
samstarf þeirra við Hafnarfjörð verður að veruleika.
Guðni Gíslason
1. Netþjónabú í sveitarfélögum,
rekstur og uppsetning
Lagt fram erindi Fjárfestingar -
stofunnar dags. 31.10.2007 þar
sem verið er að bjóða þátttöku í
athugun á aðstæðum fyrir rekstur
og uppsetningu netþjónabúa í
sveitarfélögum. Áætlaður kostn -
aður er kr. 400.000 án vsk.
Bæjarráð telur ekki ástæðu til
þátttöku í þessu verkefni þar sem
Hafnarfjarðarbær er að skoða
þessi mál á eigin vegum.
5. Byggingaréttur íbúðalóða
Tekið fyrir að nýju.
Bæjarráð felur oddvitum flokk -
anna að skoða verðlagningu
bygg ingarréttar á milli funda. Jafn -
framt er bæjarstjóra falið að
undirbúa auglýsingu lóða á
Völlum 7.
7. Bifreiðastöð BSH, réttur á
leigubílastæðum.
Lagt fram erindi BSH sent í
tölvupósti 25.10.2007 varðandi
fram lengingu á sérafnotarétti af
leigubílarennu við Fjörð. Bæjar -
lögmaður fór yfir málið.
Bæjarráð synjar framlengingu á
sérafnotaréttinum og felur skipu -
lags- og byggingarsviði að merkja
leigubílarennuna til nota fyrir alla
og ítrekar jafnframt að fundin verði
staðsetning fyrir annað almennt
leigubílastæði.
11. Sléttuhlíð A-1 númer
123138, lóðarstækkun
Lagt fram erindi Sigríðar Ragnh.
Ólafsdóttur þar sem sótt er um
lóðarstækkun í Sléttuhlíð A-1 skv.
meðfylgjandi gögnum. dags. 19.
júní 2006.
Skipulags- og byggingarráð tók
jákvætt í erindið á fund þann
23.10 sl. og vísaði málinu til
bæjar ráðs.
Bæjarráð samþykkir að leggja til
við bæjarstjórn:
„Bæjar stjórn Hafnarfjarðar sam -
þykkir að úthluta Sigríður Ragnh.
Ólafsdóttur lóðarstækkun í Sléttu -
hlíð A-1 í samræmi við fyrir -
liggjandi gögn.“
28. Mæðrastyrksnefnd
Hafnarfjarðar, styrkbeiðni
Lagt fram erindi mæðra -
stryksnefndar í Hafnarfirði dags.
23. október 2007 þar sem óskað
er eftir styrk vegna úthlutunar á
árinu. Jafnframt er þess farið á leit
að nefndinni verði útvegar hús -
næði vegna úthlutunar o.fl.
Bæjarráð samþykkir að veita
mæðrastyrksnefnd styrk að
upphæð kr. 300.000 sem takist af
fjárveitingu bæjarráðs til styrk -
veitinga.
30. Leiðarendi, varðveisla
hraunhellis, styrkbeiðni
Tekið fyrir að nýju erindi Árna B.
Stefánssonar dags. 07.09.2007
þar sem óskað er eftir styrk að
upphæð kr. 250.000 vegna
varðveislu hellisins Leiðarenda.
Lögð fram umbeðin umsögn
umhverfisnefndar/Staðardagskrár
21 þar sem mælt er með erindinu.
Bæjarráð samþykkir að veita
styrk að upphæð kr. 250.000 sem
takist af fjárveitingu bæjarráðs til
styrkveitinga.
Sunnudaginn 18. nóvember
Guðsþjónusta kl. 11
Prestur: Sr. Þórhallur Heimisson
Ræðuefni: Hinu hinstu tímar
A Capella kór kirkjunnar leiðir söng
Kantor: Guðmundur Sigurðsson
Sunnudagaskólar
í Strandbergi og Hvaleyrarskóla
á sama tíma.
www.hafnarf jardark i rkja. is
Ástjarnarkirkja
Sunnudagurinn 18. nóvember
Messa kl. 11
Prestur er sr. Kjartan Jónsson
og tónlistarstjóri Helga Þórdís Guðmundsdóttir
Kaffisopi, spjall og ávextir
í safnaðarheimilinu á eftir
Sunnudagaskóli á sama tíma
Foreldramorgunn
á þriðjudaginn kl. 10-12 í Ástjarnarkirkju
www.astjarnarkirkja.is
Opið hús í Lækjarskóla
Í dag, fimmtudag, frá kl. 16.30-18.30
verður opið hús í Lækjarskóla í tilefni
af 130 ára starfsafmæli. Allir vel -
unnarar skólans eru boðnir velkomnir.
Málverkasýning á Sjónarhóli
Bryndís Svavarsdóttir sýnir olíu mál -
verk í gleraugnaversluninni Sjónarhóli
Reykjavíkurvegi 22, 19.-30. nóvem -
ber.
Sýningin er sölusýning og er opin á
opn unartíma verslunarinnar, kl. 10-18
alla virka daga. Þetta er fyrsta einka -
sýn ing Bryndísar.
Chaplin og Bergmann í
Bæjarbíói
Á laugardaginn kl. 16 sýnir Kvik -
myndasafn Íslands Einræðisherrann
(The Great Dictator 1940) eftir Charlie
Chaplin.
Á þriðjudaginn kl. 20 sýnir Kvik -
mynda safnið mynd Ingmars Berg -
man, Snertingin (Beröringen 1971).
Sænska eiginkonan og móðirin Karin
virðist lifa í hamingjusömu hjóna -
bandi. Nálægt heimili hennar er
fornleifa fræðingurinn David að störf -
um. Hann er gyðingur sem hefur
sloppið úr útrýmingarbúðum og síðan
fengið hæli í Bandaríkjunum. Karin og
David hefja ástarsamband sem af
ýms um sökum er fyrirsjáanlega erfitt
og að því kemur að Karin verður að
ákveða hvort hún ætli að fylgja David
áfram eða snúa aftur heim til eigin -
manns síns og barna. Leikarar: Elliott
Gould, Bibi Andersson og Max von
Sydov.
Jóladagskrá í Bókasafninu
Kynstrin öll, jóladagskrá Bókasafns
Hafnarfjarðar hefst á laugar daginn í
Barna- og unglinga deild safns ins
kl. 10:
Barnakór Leikskóla Hörðuvalla
syngur
Upplestur úr jólabókum - Fyrir yngri
börnin
• Áslaug Jónsdóttir - Skrímsli í
myrkrinu
• Guðni Kolbeinsson - Sjóræningjar
skipta ekki um bleiur
• Þórarinn Eldjárn - Gælur, fælur og
þvælur
Kl. 13:
Upplestur úr jólabókum - Fyrir eldri
börnin
• Hrund Þórsdóttir - Loforðið
• Gunnar Lárus Hjálmarsson
(dr. Gunni) - Abbababb
• Marta María Jónasdóttir - Ef þú
bara vissir
Heitt kaffi á könnunni og hollt snarl
fyrir börnin.
Nemendur úr myndmennta -
deild Lækjarskóla skreyttu
barnadeild Bókasafns Hafnar -
fjarðar í síðustu viku. Afrakstur
vinn unnar er nú til sýnis gestum
safnsins og er fjölbreytnin mikil í
list barnanna.
Barnalist í bókasafni
L
j
ó
s
m
.
:
G
u
ð
n
i
G
í
s
l
a
s
o
n