Fjarðarpósturinn - 05.06.2008, Blaðsíða 2
Fuglaskoðun í Fuglagarðinum
Um helgina munu Fuglavernd og
Skóg ræktarfélag Hafnarfjarðar standa
fyrir kynningu á öllu því sem við kemur
fuglagarðinum í bækistöðvum Skóg -
ræktar félagsins, Selinu, við Kaldár -
selsveg.
Boðið verður upp á fuglaskoðunar -
ferðir með leiðsögn um Höfðaskóg kl.
10.15 bæði laugardag og sunnudag.
Leiðsögumenn verða Einar Ó. Þor -
leifsson og Steinar Björgvinsson.
Fuglavernd mun kynna og bjóða til
sölu fuglahús, sem sérhönnuð eru
fyrir fuglategundir sem finnast hér -
lendis eins og skógarþröst, svart -
þröst, maríuerlu, stara og músarrindil.
Einnig verður til sölu árekstravörn, á
rúður er fuglum hættir til að fljúga á,
sem er sérhannaður límmiði með
fálka mynd.
Skógræktarfélag Hafnarfjarðar og
Gróðrarstöðin Þöll, sem félagið rekur,
munu kynna heppilegar tegundir trjáa
og runna sem hafa gildi fyrir garðfugla,
t.d. hlíðaramal, ylli og ýmsar rifs- og
reynitegundir.
Ítölsk stemmning í
Hafnarborg í kvöld kl. átta
Enn fögnum við afmælinu, nú með
ítölskum aríum og dúettum eftir
Donizetti, Puccini og Verdi á tónleikum
í Hafnarborg í kvöld kl. 20.
Flytjendur eru Hlöðver Sigurðsson
tenór, Þórunn Marinósdóttir sópran og
Antonía Hevesi píanó. Öll eru þau
sprenglærðir tónlistarmenn, Hlöðver á
Siglufirði, í London og í Salzburg, Þór -
unn í Reykjavík, í Salzburg og á Ítalíu
og Antonía í Búdabest og í Austurríki.
Allt eru þetta afbragðs tónlistarmenn
og verður örugglega létt yfir
tónleikunum og í anda afmælisins er
að sjálfsögðu frítt inn.
2 www.fjardarposturinn.is Fimmtudagur 5. júní 2008
Útgefandi: Keilir ehf. útgáfufélag, kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Stærsta hátíð Hafnarfjarðar um langan tíma var
um helgina. Einstaka Hafnfirðingu missti af
hátíðinni og verður að bíða a.m.k. 50 ár eftir
annarri jafn hátíðlegri. Við eigum eftir að fá
timburmenn, borga alla reikningana en ég held
bara að hún hafi verið vel þess virði. Við eigum
auðvelt að réttláta fjárútlát í steinsteypu svo það
ætti ekki að vera erfitt að réttlæta útlát til
upplyftingar og menningaraukandi atburðar eins
og afmælishátíðin er búin að vera.
Í mínum huga stendur upp úr að upplifa Hafnfirðinga taka þátt,
ganga um miðbæinn spjalla og smakka. Kaka og kaffi og bros á vör
hefur hingað til dugað þegar gesti ber að garði og það gerði það svo
sannarlega núna. Þeir fjölmörgu gestir sem lögðu leið sína til
Hafnarfjarðar virtust njóta sín vel og við bæjarbúar glöddumst yfir
góðum gestum og nutum okkur vel í boðinu. Gaman var að sjá að
það þarf ekki alltaf stórt svið og dýra skemmtikrafta til að draga fólk
í miðbæinn. Það sannaðist líka á sjómannadaginn, sem bar upp á
afmælisdaginn, að áhuginn fyrir honum er gríðarlegur. Um 1000
manns fóru í siglingu, þúsundir fengu að smakka á glæsilegum
fiskréttum sem fyrirtækið Festi gaf af miklum rausnarskap og fólkið
lét ekki rokið á höfninni trufla sig.
Reyndar er það með svona hátíðir sem standa yfir í nokkra daga að
fjölbreytnin er mikilvæg og þessi hátíð var svo sannarlega fjölbreytt.
Glæsilegir tónleikar á Víðstaðatúni, í kirkjum bæjarins, að Ásvöllum
og í Hafnarborg, barna- og unglingadagskrá á Thorsplani, fjöl -
skylduvæn dagskrá í Hellisgerði, listamenn höfðu opiðn og svona
mætti lengi telja. Ekki var nokkur möguleiki á að fylgjast með öllu,
svo margt var um að vera.
Við Hafnfirðingar getum verið stoltir af afmælishátíðinni og ég get
ekki betur heyrt en almenn ánægja sé með hana og veðrið lék við
okkur - eins og ég hafði lofað hér í blaðinu.
Ég ætla rétt að vona að 17. júní hátíðarhöldin verði ekki
áhorfendahátíð framan við eitt svið. Lærum af reynslunni og notum
alla Strandgötuna með mörgum uppákomum enda er Thorsplanið
hvort eð er allt of lítið eitt sér. Höldum hátíðir í miðbænum, felum
þær ekki úti á Víðistaðatúni. Við þurfum að nota miðbæinn ef við
viljum eiga lifandi miðbæ.
Guðni Gíslason
www.hafnarfjardarkirkja.is
Sunnudagur 8. júní kl. 11
Flutt verður messa nr. 7 í B dúr, „Kleine
Orgelmesse“, eftir Josef Haydn
Flytjendur: Barbörukórinn í Hafnarfirði auk
Kammersveitar Hafnarfjarðarkirkju sem Júlíana Elín
Kjartansdóttir, fiðluleikari leiðir.
Einsöngvari: Þóra Björnsdóttir.
Stjórnandi og orgelleikari: Guðmundur Sigurðsson.
Prestur: sr. Þórhallur Heimisson.
Messan var samin um 1770 fyrir kapelluna í Eisenstadt í
Austurríki og hefur allar götur síðan notið mikilla vinsælda.
Hún hentar einkar vel til flutnings í helgihaldi þar sem kaflar
hennar eru fremur stuttir - og afar áheyrilegir. Messan
endurspeglar þá hefð kirkna á meginlandinu, ekki síst
Austurríkis og Vínarborgar, að flytja fasta messuliði sem
sérstök tónverk eftir tónskáld samtímans. Messuliðina flytja
kór, einsöngvarar og hljómsveit.
Allir velkomnir
Víðistaðakirkja
Sunnudagur 8. júní
Helgistund á sumarkvöldi
kl. 20
Kór Víðistaðasóknar syngur létta söngva
undir stjórn Arngerðar Maríu Árnadóttur.
www.vidistadakirkja.is
Allir velkomnir!
Bragi J. Ingibergsson,
sóknarprestur
Rakel 869 7090 • Sindri 861 7080 • www.kolbrunrakel.is
Næring + Hreyfing + Fræðsla = Árangur
Sjálfstæðir dreifingaraðilarHERBALIFE
Fékkstu gefins
DVD disk?
Öll heimili eiga nú að hafa
fengið inn um lúguna DVD disk
með gömlum og nýjum myndum
úr Hafnarfirði. Er þetta gjöf frá
Hafnarfjarðarbæ.
Ef ekki hefur borist diskur á
þitt heimili getur þú nálgast disk
í þjónustuveri Hafnarfjarðar -
bæjar í ráðhúsinu.
Of mikið rok
fyrir
siglingamenn
Siglingamóti Þyts sem halda
átti á sjómannadaginn var aflýst
vegna of mikils vinds. Þyts -
félagar létu það ekki á sig fá og
héldu á sjó og æfðu sig í braut -
inni sem var innan hafnar -
svæðisins. Margir hafa þó orðið
þreyttir eftir þá þolraun því
fjölmargir bátanna ultu, sumir oft
en oftast náðu siglingamennirnir
sem voru einir á bátunum að
koma þeim á réttan kjöl og sigla
áfram.
Litlu munaði þó að illa færi er
aðstoðarfólk á gúmmíbát voru að
aðstoða einn bátinn. Vindurinn
náði í seglið sem lá á sjónum og
hvolfdi því yfir einn sem var um
borð í gúmmbátunum og bát -
urinn sjálfur hvolfdist yfir
gúmmí bátinn. Ekki virtist þó
neinn hafa meiðst við óhappið og
var báturinn dreginn að bryggju.
Ungur sjómaður á fullri ferð og
á réttum kili.
Seglbáturinn að hvolfast yfir
gúmmíbátinn.
L
j
ó
s
m
.
:
G
u
ð
n
i
G
í
s
l
a
s
o
n
L
j
ó
s
m
.
:
G
u
ð
n
i
G
í
s
l
a
s
o
n