Prentarinn - 01.04.1985, Blaðsíða 11

Áað
afnema
iðn-
réttindi?
Meðfylgjandi ályktun var gerð af
iðnsveinaráði ASÍ, en það var kallað
saman eftir þing Landssambands iðn-
aðarmanna (samtök atvinnurekenda í
löggiltum iðngreinum). Á þessu þingi
komu fram sjónarmið sem hnigu í þá
átt að afnema ætti lögverndun iðn-
greina. Af þessu tilefni var fundur
iðnráðsins haldinn og var fulltrúa
FBM boðin þátttaka, enda þótt félag-
ið sé ekki í ASÍ.
Fundur boðaður af Iðnsveinaráöi
A. S. í., haldinn með fulltrúum og
forystumönnum iðnsveinafélaga
og sambanda 14. nóv. 1985, fjall-
aði um ályktanir 41. Iðnþings, varð-
andi iðnréttindi og verkmenntun.
Fundurinn ályktar eftirfarandi:
„Á þingi Landssambands iðnaðar-
manna er haldið var nýverið, gerði
þingið það að stefnumiði sínu að
fella úr gildi lögvernduð iðnréttindi
í iðnaðarlögum. Jafnframt kom
fram einhliða og þröngt viðhorf í
ályktun þingsins varðandi breyting-
ar á iðnfræðslulöggjöf, svo sem að
þrengja stórlega starfssvið Iðn-
fræðsluráðs og að verkefni þess
verði flutt til verk- og tækni-
menntunardeildar Menntamála-
ráðuneytisins og að iðnfyrirtæki
og atvinnurekendasamtök skuli
ákveða einhliða þekkingar- og
menntunarþörf iðnaðarmanna.
Iðnfræðsluráð hefir verið og er
samstarfsvettvangur atvinnurek-
enda og verkafólks í iðnaði, iðn-
lærðs og óiðnlærðs og stjórnvalda.
Nái slíkt stefnumið fram, munu
áhrif iðnsveina og samtaka þeirra á
innihald og þróun verkmenntunar
verða lítil sem engin.
Rökin fyrir því að breyta iðnaðar-
lögum á þann hátt er þarna er lagt
til eru harla léttvæg og ekki vitnað
til neinnar ástæðu er réttlæti slíkt.
Hinsvegar er vitnað til umræðu er
stendur yfir í Noregi um breytingar
á norsku iðnaðarlögunum, en það
mál er þar enn á umræðustigi og
alls ekki fengin þar nein nið-
urstaða. Það er óútskýrt mál á
hvern hátt breyting á norskum iðn-
aðarlögum kemur heim og saman
við íslenskar aðstæður, því margt
er ólíkt með iðnþróun þessara
þjóða. Það er einna helst að sjá í
rökum með þessum tillögum að
vegna þess að illa hefir gengið að
ná lögum yfir þá er fremja iðnlaga-
brot vegna slælegrar frammistöðu
dómskerfisins þá sé jafnvel auð-
veldasta leiðin að breyta lögunum
og mun einhverjum finnast það
haldlítil rök. Landssamband Iðnað-
armanna, Samtök atvinnurekenda í
löggiltum iðngreinum, eru samtök
atvinnurekenda og þarna koma því
aðeins fram viðhorf þeirra. Lands-
sambandið er ekki það leiðandi afl
í íslenskum iðnaði sem það áður
var og skipulagsform þess mikið
breytt frá fyrri tíð. Fundurinn frábið-
ur sér því þá forsjá er það vill veita
íslenskum iðnaðarmönnum og
mótmælir harðlega þeim viðhorfum
er koma fram í samþykktum 41.
iðnþings og varar stjórnvöld við að
gera þessi einhliða stefnumið að
sínum.
Sjái einhverjir þörf til breytinga á
iðnaðarlögum No. 42/1978, ber að
ræða það sameiginlega af fulltrú-
um allra iðnaðarmanna og þeir,
er breytinganna óska, færi fram
fullkomin rök fyrir þeirri breytingu.
Samtök iðnsveina eru fjölmennustu
félagasamtök verkmenntaðs verka-
fólks og krefjast þess að hafa áhrif
á iðnlöggjöf og verkmenntun og
það í ríkara mæli en verið hefur.
Fulltrúafundur iðnsveinafélaga
og sambanda gerir kröfu til aukinn-
ar verkmenntunar iðnlærðs verka-
fólks svo og aukinnar framhalds-
og eftirmenntunarog betri tenging-
ar við menntakerfi þjóðfélagsins og
minnir á að bókleg og verkleg
þekking á að haldast í hendur með
þjóðinni ef vel á að farnast."
PRENTARINN 4.5.'85
11