Prentarinn - 01.01.1987, Blaðsíða 19

Vanur setjari (umbrot) og^ókbind-
ari eru tilbúmr aö hefja ston
Sinsamband við FBM I síma |
28755.
Prentsmiðja
hættir
Rekstri Prentsmiðjunnar Hóla hefur
veriö hætt eins og flestum er kunn-
ugt. Mikil eftirsjá er að þessu fyrir-
tæki, en á sínum tíma tengdist það
verkalýðshreyfingunni meir en önn-
ur prentiðnaðarfyrirtæki. Mál og
menning sem var bókaútgáfa í
þágu alþýðunnar átti drýgstan hlut
í fyrirtækinu og í upphafi var bæði
bókaútgáfunni og prentsmiðjunni
ætlað að vera vopn í baráttu alþýð-
unnar gegn auðstéttinni. En hug-
sjónir og eldmóður eiga ekki
lengur uppá pallborðið, Mál og
menning er orðið borgarlegt eða í
besta falli krataforlag og búið er að
setja Prentsmiðjuna Hóla á haus-
inn. Postular pyngjunnar yfirtóku
fyrirtæki fólksins.
Pað er önnur hlið á gjaldþroti fyrir-
tækja. Staða þess fólks sem þar
vann. Þegar þetta er skrifað
gengur fólk sem í Hólum vann enn
atvinnulaust, þó flestum hafi tekist
að fá störf. Allt starfsfólk Hóla sýndi
mikla samstöðu þegar reynt var að
forða fyrirtækinu frá gjaldþroti, en
allt kom fyrir ekki og nú líða nokkrir
þessara félaga í skugga atvinnu-
leysis. Auk þessa átti fólk inni hjá
fyrirtækinu, en vonandi sér nú fyrir
endann á því.
Afmælishátíð
Þann 4. apríl n. k. eru liðin 90 ár frá
því að fyrstu samtök bókagerðar-
manna voru stofnuð, en Hið ís-
lenzka prentarafélag var stofnað 4.
apríl 1897. Af þessu tilefni verður
efnt til hátíðarsamkomu í Súlnasal
Hótel Sögu kl. 13.30 á afmælisdag-
inn. Þar verður félagsmönnum og
mökum þeirra boðið uppá fjöl-
breytta dagskrá og kaffiveitingar.
Um kvöldið verður matarfagnaður í
Átthagasal Hótel Sögu, sem selt
verður inná á kostnaðarverði og
verða félagarnir að festa sér miða
fyrir 18. mars. Sjá auglýsingar.
Grímur Thomsen
r
A Glæsivöllum
Nú er liðin hjá fyrsta hrinan í víga-
ferlum flokka og einstaklinga fyrir
næstu kosningar. Sjaldan hefur
fláttskapur og óheilindi tekið á sig
skýrari myndir en í forvölum, próf-
kjörum og skoðanakönnunum
flokka og flokksbrota. Þó er það
bara reykurinn af réttunum, sem
fólki verða boðnir í apríl. Prentaran-
um þótti ekki óviðeigandi af þessu
tilefni að birta snilldarljóðið „Á
Glæsivöllum'' eftir Grím Thomsen.
Nú bregður mörgu til svipaðra
hátta og hjá Goðmundi kóngi.
Hjá Goðmundi’ á Glæsivöllum
gleði er í höll,
glymja hlátra sköll,
og trúðar og leikarar leika þar um
völl,
en lítt er af setningi slegið.
Áfengt er mungátið
og mjöðurinn er forn,
mögnuð drykkjarhorn,
en óminnishegri og illra hóta norn
undir niðri’ í stiklunum þruma.
Á Grím' enum góða
af gulli höfuð skín,
gamalt ber hann vín;
en horns yfir öldu eiturormur gín,
og enginn þolir drykkinn, nema
jötnar.
Goðmundur kóngur
er kurteis og hýr,
yfir köldu býr;
fránar eru sjónir, en fölur er hans
hlýr,
og feiknstafir svigna í brosi.
Á Glæsivöllum aldrei
með ýtum er fátt,
allt er kátt og dátt;
en bróðernið er flátt mjög og gam-
anið er grátt,
í góðsemi vegur þar hver annan.
Horn skella' á nösum
og hnútur fljúgja' um borð,
hógvær fylgja orð;
en þegar brotna hausar og blóðið
litar storð,
brosir þá Goðmundur kóngur.
Náköld er Hemra,
því Niflheimi frá
nöpur sprettur á;
en kaldara und rifjum er konungs-
mönnum hjá,
kalinn á hjarta þaðan slapp jeg.
Skáldið
Grímur Thomsen fæddist 15. maí
1820 að Bessastöðum og lést
1896. Hannfórtil Kaupmannahafn-
ar að loknu stúdentsprófi og lauk
þar meistaraprófi í samtímabók-
menntum, lokaritgerð hans fjallaði
um Byron lávarð. Grímur hafði
nokkur afskifti af stjórnmálum og
studdi Jón Sigurðsson í fyrstu og
var í ritnefnd Nýrra félagsrita.
Seinna gerðist hann talsmaður
hins svokallaða skandinavisma.
Töluvert af kvæðum liggja eftir
Grím og virðast þau flest ort eftir
1880. Grímur starfaði lengi í utan-
ríkisþjónustu Dana en keypti
Bessastaði af konungi og settist
þar að uppúr 1867.
PRENTARINN 1.7. '87
19