Prentarinn - 23.07.1992, Blaðsíða 23
Vinnuvernd
með handlegg á milli valsa. Erfitt
reyndist að ná manninum úr vél-
inni og þurfti að brjóta stálvalsana
í sundur til þess.
í desember s.l. hélt Öryggis-
nefndin fund um þetta mál og
ákvað þá að kanna þessi slys með
aðstoð Vinnueftirlits ríkisins. Ólaf-
ur Hauksson deildarstjóri hjá
Vinnueftirlitinu útvegaði okkur
skýrslur um þau slys sem höfðu
verið tilkynnt til þeirra s.l. tvö ár.
Farið var með skýrslurnar sem
trúnaðarmál. Nefndarmenn könn-
uðu þær og eins þá vitneskju sem
þeir höfðu annarsstaðar frá. Nið-
urstöðurnar voru síðan ræddar á
fundi hjá Öryggisnefndinni snemma
á þessu ári og var ákveðið að gefa
út veggspjald til að leggja áherslu
á að bæta ástandið og benda á
helstu orsakir vinnuslysa í prent-
iðnaði.
Flest slysin verða í prentun og
er þá oftast um valsaslys að ræða,
en einnig í bókbandi koma fyrir
ýmiss konar klemmu- og valsa-
slys. Það eru valsarnir sem eru
hættulegastir. í prentvélum eru
margs konar valsar og eru stál-
valsarnir verstir eins og gefur að
skilja. í öllum tilfellum eru vélarnar
í gangi þegar valsaslys verða. Það
er talið hentugra að hreinsa vél-
arnar með því að hafa þær í
hægagangi, en jafnvel þá geta
slys orðið. Annað sem var greini-
legt við athugun á slysunum var
að það voru í flestum tilfellum nýl-
iðar og nemar sem urðu fyrir þeim.
Þetta sýnir að það er skortur á
fræðslu og þjálfun hjá ungmenn-
um sem eru að hefja störf í prent-
iðnaðinum.
Öryggisnefndin leggur því áherslu á:
1. Að vélar séu helst stöövaðar
meðan hreinsun fer fram.
2. Aðgæsla sé viðhöfð þegar vélar
eru í gangi.
3. Að viðhafa sérstaka aðgæslu þeg-
ar unnið er við hreinsun á völsum
jafnvel þegar þeir snúast hægt.
4. Að nýliðar séu fræddir og þjálfað-
ir í upphafi starfs.
Frekari ábending
Það er eitt sem ég vildi benda á
sem ekki hefur komið fram í þess-
ari slysaúttekt, en það er hvað
hættulegt getur verið að vinna við
valsavélar með óvarið sítt hár.
Menn eru kannski að bogra við
valsana og hárið flagsast inn á
milli og þá er voðinn vís. Mér hefur
sýnst undanfarið að eitthvað sé
um það að menn séu síðhærðir og
er ekkert um það að segja annað
en það, að það getur verið mjög
hættulegt við valsana.
Tilkynningarskylda
Yfirleitt eru vinnuslys í prentiðnað-
inum tilkynnt til Vinnueftirlits ríkis-
ins eins og á að gera, en mjög oft
er líka hringt til Félags bókagerð-
armanna og eru menn þá að at-
huga hvort þeir hafi staðið rétt að
málum eða athuga rétt sinn til
bóta og slíkt. En það er líka stund-
um þegar slys verða að menn eru
uppteknir við að hlúa að hinum
slasaða og þá kemur stundum fyr-
ir að það gleymist alveg að til-
kynna slysið. Það er því rétt að
birta hér útdrátt úr reglum um til-
kynningu vinnuslysa.
Reglur um tilkynningu vinnuslysa
- útdráttur
Úr 1. gr.
Komi fyrir eitrun eða slys á
vinnustað skal atvinnurekandi eða
fulltrúi hans tilkynna það lögreglu
og Vinnueftirliti ríkisins símleiðis
svo fljótt sem verða má. Þetta gild-
ir ef ætla má að áverkinn, sem af
slysi hlýst, geti valdið langvinnu
og varanlegu heilsutjóni, svo sem
ef slasaði missir útlim eða hluta af
útlim, beinbrotnar, fer úr liði, fær
meiriháttar sár, missir meðvitund,
hlýtur skemmdir á taugavef, verð-
ur fyrir alvarlegu augnslysi, inn-
vortis meiðslum eða eitrun.
Úr 2. gr.
Slys eða eitrun, sem valda fjar-
veru frá vinnu í einn eða fleiri daga
auk þess dags sem slysið varð og
ekki falla undir 1.gr., skulu tilkynnt
Vinnueftirliti ríkisins á þar til gerð-
um eyðublöðum svo fljótt sem
kostur er.
Úr 3. gr.
Vinnueftirlit ríkisins skal taka á
móti tilkynningum allan sólarhring-
inn.
Úr 4. gr.
Brot gegn reglum þessum varða
sektum.
Ég vil að síðustu hvetja menn til
að fara gætilega við vélarnar. Það
er mikilvægt að reyna að koma í
veg fyrir slysin. Ef ógætilega er
farið getur líf manna breyst til hins
verra á einni örskotsstundu.
Sv. Jóh.
PRENTARINN 2.12. ’92
23