Prentarinn - 27.09.1992, Blaðsíða 15

F.v. Guðmundur Halldórsson, Kári Þórðarson, Margrét Gunnarsdóttir, Þórólfur Daníelsson, Björg-
vin Benediktsson, Ásta Valgeirsdóttir, Helgi Jónsson, Tómas Ó. Árnason, Jón Már Þorvaldsson,
Gísli Guðjónsson, Ingimar Jónsson, Jón Ágústsson, Þorgeir Baldursson, Lúther Jónsson, Óskar
Jóhannsson, Ólafur Steingrímsson, Sigmundur Hansen, Baldur Eyþórsson, Benedikt Björgvins-
son, Árni Sorensen, Ellert Ág. Magnússon. (Frá 1966. Grettisgötu 16)
maður félagsins í fjölmörg ár en Stef-
án var kommi.
Maður var nú lítt sammála Stefáni í
gagnrýni hans á Magnús, en maður
virti Stefán fyrir stéttvísi hans og bar-
áttuhug. Á þessum tíma var pólitíkin í
verkalýðshreyfingunni miklu harðari
en nú. En þó deilurnar hafi oft verið
harðar þá stóðu menn yfirleitt saman
eftir að ákvarðanir höfðu verið tekn-
ar.
Rakstu illa í flokki, Jón?
Ég hef aldrei látið flokkinn ráða, ef
ég hef verið sannfærður um að önnur
lausn væri betri fyrir félagið og auðvit-
að var ég stundum gagnrýndur fyrir
það af flokksbræðrum mínum. Ég
studdi Stefán heilshugar til ritara í fé-
laginu, enda var hann bæði hæfur og
stéttvís félagi.
Eftir að ég varð formaður HÍP
mæddi það að sjálfsögðu töluvert á
starfi mínu í Odda. Eitt sinn ræddi ég
við Baldur um að nú yrði ég mikið
fjarverandi vegna félagsmála og
fundahalda. Hann svaraði því þá til
„hvað varðaði fjarvistir vegna félags-
starfa fyrir HÍP þá mundi prentsmiðj-
an greiða fyrir þær“. Um þetta var síð-
an aldrei meira rætt og ég fékk mín
laun alltaf óskert. Fyrir nú utan öll
símtöl því það var mikið hringt til mín
á þessum árum. Baldur hafði góðar
taugar til Hins ísl. prentarafélags.
Að lokum Jón, hvað um fundahöld?
Mér eru margir fundir minnistæðir,
sér í lagi þeir fundir sem fjölluðu um
samninga við atvinnurekendur. f fé-
laginu voru margir snjallir ræðumenn
og tóku margir til máls og var oft
skemmtilegt og gagnlegt á þá að
hlýða. Ég hvet unga félagsmenn til að
kynna sér fundargerðir HÍP sem allar
eru til hjá skrifstofu FBM.
F.v. Þorsteinn Halldórsson, Stefán Ögmundsson, Jón Ágústsson. Myndin er tekin á 70 ára afmæli
Hins íslenska prentarafélags, þar sem Þorsteinn var kjörinn heiðursfélagi H.Í.P.
PRENTARINN 3.12. '92
15