Prentarinn - 20.04.1993, Blaðsíða 18

Frá skógræktardeginum í Miðdal.
Vaxtamál - að ríkisstjórn og peninga-
stofnanir sjái til þess að til komi veru-
leg lækkun raunvaxta.
Tillagan var svo samþykkt á félags-
fundi hinn 25. febrúar s.l. í beinu
framhaldi af því var óskað eftir fundi
með atvinnurekendum um samninga-
málin. Einn fundur hefur verið hald-
inn þar sem við lögðum fram kröfurn-
ar og fórum yfir þær og rökstuddum.
Varla þarf að reikna með öðrum fundi
fyrr en heildarsamtökin hafa samið
eða a.m.k. komin svo langt að sjái fyr-
ir endann á samningagerðinni.
Við síðasta samning var sett niður
nefnd til að vinna að tillögum um
breytingar á vinnutímaákvæðum
samningsins. I nefndinni hefur verið
fundað nokkuð stíft undanfarnar vik-
ur og málin orðin það ljós að gera má
ráð fyrir að niðurstöðurnar liggi fyrir
þegar við tökum afstöðu til nýs kjara-
samnings, þannig að þá gætum við
einnig tekið ákvörðun um hvort við
viljum breyta vinnutímaákvæðunum,
fyrir það sem fæst þar á móti.
Atvinnumálin
Þegar við vorum hér á aðalfundi í
fyrra voru 27 félagar á atvinnuleysis-
skrá. Frá þeim tíma hefur atvinnuleysi
farið mjög vaxandi. Fjöldi atvinnu-
lausra félaga varð mestur í janúar
þessa árs en þá voru 68 félagar á bót-
um. Frá því hefur heldur fækkað á at-
vinnuleysisskránni og nú í byrjun apríl
er staðan þessi: Atvinnulausir bók-
bindarar eru 7; prentarar 8; prent-
smiðir 13; starfsþjálfunarnemar 5;
grafískir hönnuðir og textainnritarar
6; aðstoðarfólk úr bókbandi og prent-
un 15. Þessu til viðbótar eru nú 5 ófag-
lærðir félagar á svokölluðum biðtíma
þ.e. þeir hafa lokið 52 vikna bótatíma-
bili og falla þá út af atvinnuleysisbót-
um næstu 16 vikurnar en eiga á þeim
tíma rétt á bótum hjá Félagsmála-
stofnun.
Þá eru 6 ófaglærðir félagar í 50%
starfi. Þar er ýmist um að ræða að
vinna hefur dregist saman og fólkinu
verið boðið hlutastarf eða félagar
ráðnir af atvinnuleysisskrá. Þessir fé-
lagar eru þá á hlutfallslegum bótum á
móti hlutastarfinu.
Á árinu 1992 fengu 102 einstakling-
ar greiddar samtals rúmlega 16,7 millj-
ónir króna í atvinnuleysisbætur. Fullar
atvinnuleysisbætur eru nú kr. 10.703 á
viku, auk 428 kr. með hverju barni
undir 18 ára aldri.
Starfsmenn félagsins reyna einnig að
halda skrá yfir þá faglærðu félagsmenn
sem fá vinnu í öðrum starfsgreinum.
Núna eru 10 félagar á þeirri skrá.
Samkvæmt framantöldu eru því 28
faglærðir félagar atvinnulausir, 5
starfsþjálfunarnemar og 26 ófaglærðir
eða samtals 59 félagar sem er nálægt
7% vinnufærra félagsmanna. Þetta er
auðvitað svo hrikalegur fjöldi að engu
tali tekur. Sérstaklega með stöðu
þessarra mála í huga skal litið til
kröfugerðarinnar í yfirstandandi
samningum.
Trúnaðarmannaráð samþykkti á
fundi sínum í september að fram
skyldi fara undirskriftasöfnun meðal
félagsmanna þar sem mótmælt yrði til-
lögu í ríkisstjórn um að afnema endur-
greiðslur virðisaukaskatts af útgáfu og
menningarstarfsemi. Texti undir-
skriftablaðsins var svohljóðandi:
„Við undirritaðir, félagar í Félagi
bókagerðarmanna, mótmælum harð-
lega framkominni tillögu um að af-
nema endurgreiðslur virðisaukaskatts
af útgáfu- og menningarstarfsemi. Við
teljum að verði tillaga þessi samþykkt
muni ein afleiðing þess verða stórauk-
ið atvinnuleysi í okkar röðum. Því
verður að afstýra með því að koma í
veg fyrir samþykkt tillögunnar."
Rúmlega 700 félagar skrifuðu undir
þessa áskorun á þeim tiltölulega fáu
dögum sem undirskriftasöfnunin stóð
yfir. Undirskriftalistarnir voru svo af-
hentir forsætisráðherra með svohljóð-
andi bréfi:
„Reykjavík, 8. október 1992. Hæst-
virti forsætisráðherra. Nú liggur fyrir
ríkisstjórn þinni tillaga um að afnema
endurgreiðslur virðisaukaskatts af út-
gáfu- og menningarstarfsemi. Ef til-
laga þessi verður samþykkt, eða önn-
ur er hefði sambærilegar afleiðingar,
þá munu bókagerðarmenn sjá á eftir
enn stærri hluta prentverkefna til út-
landa.
Hjá Félagi bókagerðarmanna eru
nú 35 félagar á atvinnuleysisskrá en
það samsvarar rúmlega 4%. Verði
gripið til íþyngjandi aðgerða fyrir út-
gáfustarfsemina er alveg víst að af
mun hljótast stóraukið atvinnuleysi.
í athugun sem við höfum gert kem-
ur í ljós að búast má við 60-70 félög-
um til viðbótar á atvinnuleysisskrá á
næstu mánuðum verði tillagan sam-
þykkt. Þá verða 95-105 félagar at-
vinnulausir eða 11-12%. I þessari at-
hugun gerum við þó ráð fyrir að öll
núverandi prentfyrirtæki verði áfram
starfandi - sem vissulega er mjög
óvarlegt að reikna með - hitt er mun
sennilegra að einhver þeirra verði
gjaldþrota. Þá mun ástandið auðvitað
verða enn verra en að framan er lýst.
Til viðbótar við stóraukið atvinnu-
leysi munu aðrar beinar afleiðingar
verða minni skatttekjur ríkis og sveitar-
félaga - og stóraukin útgjöld Atvinnu-
leysistryggingarsjóðs og trúlega einnig
ábyrgðarsjóðs vegna gjaldþrota.
Til að forðast þær afleiðingar sem
að framan er lýst þá skorum við á þig,
hæstvirtur forsætisráðherra, að falla al-
gerlega frá áformum um frekari skatt-
lagningu á íslenska útgáfustarfsemi.
Virðingarfyllst
f.h. Félags bókagerðarmanna
Þórir Guðjónsson
formaður
18
PRENTARINN 2.13.'93