Prentarinn - 20.04.1993, Blaðsíða 23

Urslit
stjórnarkjörs
1993
Samkvæmt lögum félagsins lýkur nú á þessum aðalfundi kjörtímabili
Fríðu B. Aðalsteinsdóttur, Sæmundar Árnasonar og Kristínar Helga-
dóttur í aðalstjórn félagsins. Af þeim varastjórnarmönnum sem kosnir
voru fyrir tveimur árum höfðu þau Georg Páll Skúlason og Kristín
Helgadóttir komið inn í aðalstjórn en Sigurlaug Jakobsdóttir sagði sig
úr varastjórn.
í febrúar var send út auglýsing um framboðsfrest þar sem óskað var
eftir tillögum um þrjá menn í aðalstjórn og þrjá menn í varastjórn. Sam-
kvæmt auglýsingunni bar að skila tillögum inn til skrifstofu félagsins
fyrir kl. 17.00 föstudaginn 5. mars 1993. í auglýsingunni var jafnframt
greint að Kristín Helgadóttir gæfi ekki kost á sér til endurkjörs.
Þegar framboðsfrestur rann út höfðu tveir listar borist til félagsins
þar sem stungið var uppá til aðalstjórnar: Fríðu B. Aðalsteinsdóttur,
Sæmundi Árnasyni, Tryggva Þór Agnarssyni, Auði Atladóttur og Þor-
steini Veturliðasyni. Til varastjórnar: Pétri Ágústssyni, Margréti Frið-
riksdóttur og Þorvaldi Eyjólfssyni.
Venju samkvæmt voru kjörseðlar sendir til trúnaðarmanna okkar í
fyrirtækjunum og skyldi seðlunum skilað inn til félagsins eigi síðar en
kl. 17.00 fimmtudaginn 25. mars en þá um kvöldið fór fram talning at-
kvæðanna.
Alls greiddi 581 félagsmaður atkvæði, voru 43 seðlar auðir og 2
ógildir. Þetta er talsvert lakari kosningaþátttaka en tíðkast hefur hjá
okkur og er ákaflega leitt til þess að hugsa hve margir félagsmenn
virðast láta sér það í léttu rúmi liggja hverjir veljist í stjórn félagsins.
Kosningu til aðalstjórnar hlutu: Fríða B. Aðalsteinsdóttir með 356
atkv., Sæmundur Árnason með 322 atkv. og Tryggvi Þór Agnarsson
með 294 atkv. Varastjórn var sjálfkjörin þar sem tillögur um menn voru
jafnmargar og sætin sem kjósa átti í. Varastjórn: Pétur Ágústsson,
Margrét Friðriksdóttir og Þorvaldur Eyjólfsson.
Við óskum nýkjörnum stjórnarmönnum til hamingju með kjörið og
sömuleiðis velfarnaðar í þeim ábyrgðarmiklu störfum sem þau hafa
verið kjörin til. Á þessum aðalfundi hverfur Kristín Helgadóttir úr að-
alstjórn. Henni eru færðar bestu þakkir fyrir ágæt störf í félagsins
þágu.
Þ.G.
Fríöa B. Aðalsteinsdóttir
Sæmundur Árnason
Tryggvi Þór Agnarsson
Kristín Helgadóttir
PRENTARINN 2.13.'93
23