Prentarinn - 20.04.1993, Blaðsíða 29

sem hjá FBM hefur farið fram at-
kvæðagreiðsla um aðildarumsókn að
ASÍ hef ég að sjálfsögðu greitt at-
kvæði með því og mun gera það við
komandi atkvæðagreiðslu, vegna þess
að ég tel að það sé nauðsynlegt fyrir
verkalýðsfélag, hvað sem það heitir og
hversu fjölmennt sem það er, að það
skipi sér í raðir heildarsamtakanna.
Ég skora á fundarmenn sem hér eru
að beita sér fyrir samþykkt aðildar á
sfnum vinnustöðum.“ Ekki varð Jóni,
frekar en mörgum öðrum félögum, að
þessari ósk.
Mér finnst það lýsa Jóni ákaflega
vel hvernig hann brást við veikindum
sínum. Hinar gömlu og fullgildu hug-
sjónir jafnaðar og réttsýni í íslensku
samfélagi voru honum efst í huga til
hinstu stundar sem og nauðsyn þess
að verkalýðshreyfingin mætti í órofa
samstöðu, ná fram því markmiði að
engum væri ætlað að sjá sér farborða
við kjör sem engan veginn dygðu til.
Með öllum tiltækum ráðum yrði að
koma málum svo fyrir að verkafólk
hefði trygga afkomu, bæði efnahags-
og félagslega, annað væri engan veg-
inn sæmandi í íslensku samfélagi. I
mörg ár átti Jón heimili sitt hér á
Hverfisgötu 21. Það var ekki fyrr en
veikindi hans voru orðin svo alvarleg
að hann átti orðið erfitt með stigana
upp í risið og yfir höfuð að annast sig
sjálfur að hann fluttist árið 1991 til
dóttur sinnar, tengdasonar og barna-
barna í Langagerðið. Margoft kom
Jón við hér á skrifstofu Félags bóka-
gerðarmanna eftir að hann flutti. Þá
var jafnan setið yfir kaffibolla og rætt
um verkalýðsmálin, misréttið og pólit-
íkina og töluðu menn ævinlega hreint
út og sögðu sína meiningu umbúða-
laust. Auðvitað voru skiptar skoðanir
um ýmis mál og það var allt í lagi og
þannig átti það að vera.
Ég tel á engan hallað þó fullyrt sé
að Jón Ágústsson hafi verið einn okk-
ar allra mikilsvirtasti og hæfasti for-
ystumaður. Öll hans störf fyrir Hið ís-
lenzka prentarafélag og Félag bóka-
gerðarmanna vann hann af alúð og
samviskusemi með hagsmuni heildar-
innar að leiðarljósi.
Fyrir öll hin ágætu störf er Jón vann
fyrir samtök bókagerðarmanna og þar
með um leið íslenska verkalýðshreyf-
ingu þökkum við nú og sendum börn-
um hans og öðrum aðstandendum
samúðarkveðjur.
Þ. G.
Viö gróðursetningu í Miödal.
Hjá Menningar- og fræðslusambandi alþýöu viö afhendingu Stefánsstyrks 1. maí 1992.
PRENTARINN 2.13/93
29