Prentarinn - 01.03.2006, Blaðsíða 35
Jólaskemmtun FBM
var haldin sunnudaginn 18. desember í félagsheimilinu
á Hverfisgötu 21. Möguleikhúsið sýndi leikritið Landið
vifra, byggt á Ijóðum Þórarins Eldjárn, við mikinn fögnuð
og ánægju viðstaddra. Þvínæst var slegið upp dansiballi
og sungið og dansað í kringum jólatréð. Tríó Haraldur sá
um tónlistina, en bandið skipa þeir Jakob Viðar og Snorri.
Að lokum komu Hurðaskellir og Stekkjarstaur í heimsókn
og sungu með börnum og fullorðnum og sögðu sögur af
hrakningum sínum við að komast til byggða. Þeir félagar
kvöddu síðan börnin með góðum gjöfum eins og jólasveina
ersiður.___________________
Jólakaffi eldri félaga var laugardaginn
17. desember
Ingólfur Margeirsson las úr nýútkominni bók sinni Afmörkuð
stund og sagði frá aðdraganda hennar. Þótt umfjöllunar-
efnið, sem er heilablóðfall hans, sé háalvarlegt hefur honum
tekist að fjalla um það á skondinn hátt. Jakob Viðar og Snorri
sáu einnig um tónlistina að þessu sinni.
100 ár frá stofnun samtaka
bókbindara
F.r. Sojfía Ólafsdóttir, Hinrik Slefánsson og Hildur Jónsdótlir.
Laugardaginn 11. febrúar s.l. voru liðin 100 ár frá stofnun
samtaka bókbindara. I tilefni af því var sýning með verkum
bókbindara fyrr og nú í félagsheimilinu á Hverfisgötu 21.
Við opnun sýningarinnar rifjaði Svanur Jóhannesson upp sögu
bókbindarafélaganna sem voru starfandi í aðdraganda Bók-
bindarafélags Islands sem starfaði samfellt til ársins 1980,
þegar það sameinaðist Félagi bókagerðarmanna. Hann gat
þess sérstaklega að mikil réttindi og hlunnindi hefðu áunn-
ist jafnt og þétt í gegnum árin og bað félagsmenn að hafa það
í huga nú í dag að það væri ekki allt sjálfsagt í þeim efnum
og mikilvægt væri jafnt að standa vörð um þau réttindi sem
áunnist hafa og að bæta hag félagsmanna.
Góð mæting var á sýninguna og rifjaði Sæmundur Arnason
upp stofnfundinn fyrir 100 árum. Hann sagði „það er meiri
hiti í bókbindurum í dag en var fyrir 100 árum“ en þar vís-
aði hann til þess að á þessum degi fyrir 100 árum var 10 stiga
frost i Reykjavík en nú 4 stiga hiti.
Grein um Samtök bókbindara i 100 ár eftir Svan Jóhannesson
birtist í næsta blaði.
F.r. Sranur Jihannesson og Grétar SiguróssonJyrrum Jormenn Bikbindarajélags Islands.
Prentarinn
35